Մաննիխի ռեակցիա

Մաննիխի ռեակցիա, ամինամեթիլացում, ջրածնի շարժուն ատոմ պարունակող օրգանական միացություններում այդ ջրածինը ամինամեթիլ խմբով՝ $-CH_{2}N=$ տեղակալելու ռեակցիա։ Իրականացվում է օրգանական միացության, մրջնալդեհիդի և ամոնիակի կամ ամինների փոխազդեցությամբ՝ $CH_{2}COCH_{3}+CH_{2}O+(CH_{3})_{2}NH\cdot NCl\to CH_{2}CO\cdot CH_{2}\cdot CH_{2}N(CH_{3})_{2}\cdot HCl+H_{2}O$

Մաննիխի ռեակցիան կիրառվում է օրգանական սինթեզում և օգտագործվում դեղանյութերի արդյունաբերության մեջ։ Ռեակցիան հայտնաբերել է գերմանացի քիմիկոս Կ. Մաննիխը (С. Mannich, 1917)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 238)։