Հանգուցյալները
«Հանգուցյալները» (անգլ. The Departed), այլ թարգմանությամբ «Ուրացողները», 2006 թվականի ամերիկյան գեղարվեստական ֆիլմ՝ «Դժոխային Հարցեր» թրիլերի ռեմեյք։ «Հանգուցյալները» ֆիլմի սցենարը գրել է Ուիլյամ Մոնահանը հիմնվելով Ֆելիքս Չոնգի և Ալան Մակի օրիգինալ ստեղծագործության վրա։
Ֆիլմը 4 Օսկար կինոմրցանակ է ստացել հետևյալ անվանակարգերում՝ Օսկար լավագույն ֆիլմի համար, Օսկար լավագույն ռեժիսորի համար, մոնտաժ, ադապտացված սցենար[13]։
Սյուժե
[խմբագրել | խմբագրել կոդը]Ֆիլմը սկսվում է հիմնական ծավալվող դեպքերից մի քանի տարի առաջ, Մասաչուսեթս նահանգի Բոստոն քաղաքում։ Խոշոր հանցագործների խմբի պարագլուխ Ֆրենկ Կոստելոն խանութում տեսնում է 10 ամյա Քոլին Սալիվանին, և որոշում վերցնել նրան հանցագործ աշխարհ։ Կոստելոն պատրաստվում է ապագայում Սալիվանից սարքել իր համար ոստիկանությունում աշխատող լրտես։ Անցնում են տարիներ և Սալիվանը (Մեթ Դեյմոն) Բերիգանի (Ջեյմս Բեջ Դեյլ), Բռաունի (Էնթոնի Անդերսոն) և Բիլի Քոսթիգանի (Լեոնարդո ԴիԿապրիո) հետ ավարտում է Մասաչուսեթսի ոստիկանական ակադեմիան։
Ընդունվելով աշխատանքի նահանգի ոստիկանությունում, Սալիվանը սկսում է փոխանցել ինֆորմացիան Կոստելոին, իսկ այդ ժամանակ կապիտան Կուինանը (Մարթին Շին) սերժանտ Դիգնամի (Մարկ Ուոլբերգ) հետ միասին իմանալով Քոսթիգանի ոչ մաքուր անցյալի մասին, որոշում են օգտագործել նրան որպես ոստիկան լրտես։ Քոսթիգանին ուղարկում են հարձակում կատարելու, որից հետո նստեցնում են բանտ, իսկ այնտեղից դուրս գալով, Քոսթիգանը հրամանով սկսում է վաճառել թմրանյութեր, որպեսզի գրավի Կոստելոի ուշադրությունը, մտնի նրա շրաջապատ և ոստիկանության համար լրտեսություն անի։ Սալիվանի պաշտոնը շուտով բարձրացնում են և նա անցնում է հատուկ հետաքննություններ բաժին, որը գլխավորում է կապիտան Էլերբին (Ալեք Բոլդուին)։ Նույն ժամանակ Քոսթիգանը միտումնավոր կռիվ է անում Կոստելոի բարում, ինչի շնորհիվ արժանանում է նրա ուշադրությանը։ Կոստելոն ստուգում է Բիլիին և վերցնում իր թիմ։ Սալիվանը վերելակում ծանոթանում է հանցագործների հոգեբան Մեդոլին Մեյդենի հետ (Վեռա Ֆարմիգա), նրանց մոտ ձևավորվում են ռոմանտիկ հարաբերություններ, նույն Մեդոլինն էլ միևնույն ժամանակ աշխատանքի բերումով հետևում է Քոսթիգանի հոգեկան վիճակին։ Քոսթիգանը Կոստելոի աջ ձեռքի՝ Պարոն Ֆրանսիացու (Ռեյ Ուինսթոն) հետ միասին մասնակցում է մի քանի հանցագործությունների և զուգահեռ ինֆորմացիա հավաքում։
Մեկ տարի անց Կոստելոն պատրաստվում է չինացիներին վաճառել հռթիռների համար նախատեսված գողացված միկրոսարքավորումները։ Գործարքի նույն շենքում՝ առանձին սենյակում հավաքվում են նաև ոստիկանները։ Երբ Դաշնային հետաքննությունների բյուրոյի աշխատակիցները փորձում են հեռախոսների միջոցով գտնել Կոստելոի մարդկանց կոնկրետ կոորդինատները, Սալիվանը գաղտնի հաղորդագրություն է ուղարկում Կոստելոյին՝ հայտնելով, որ նրանք անջատեն հեռախոսները։ Սալիվանի մտահղացումը աշխատում է՝ Կոստելոն հասցնում է կատարել գործարքը և փախչել։ Երբ արդեն պարզ է դառնում, որ երկու կողմում էլ կան լրտեսներ, Քոսթիգանը խուճապի է մատնվում։ Սալիվանը տեղափոխվում է նոր բնակարան Մեդոլինի հետ միասին, նա խնդրում է Կոստելոին որպեսզի Կոստելոն հավաքի իր բոլոր մարդկանցից ամբողջ կենսագրությունը՝ բանկային, հեռախոսային համարները, որպեսզի ստուգի ոստիկանության տվյալների բազայում և գտնի լրտեսին։ Քոսթիգանը իմանալով ինֆորմացիա տալու մասին, ասում է, որ պարտավոր չէ դա անել և հեռանում է, մինչ այդ Կոստելոն արգելել էր իր մարդկանց լքել բարի տարածությունը։ Քոսթիգանը իր հերթին հայտնաբերում է, որ Կոստելոն աշխատում է Դաշնային հետաքննությունների բյուրոյի համար։ Կոստելոն և Սալիվանը հանդիպում են կինոթատրոնում, որտեղ Կոստելոն Սալիվանին ծրարով հանձնում է իր մարդկանց ինֆորմացիան։ Քոսթիգանը նույնպես գտնվում է այդ կինոթատրոնում և հետևում է Սալիվանին, սակայն Սալիվանը նկատում է, որ իրեն հետապնդում են, նա պատահական մարդու դանակահարության գնով կարողանում է փախչել։ Ոստիկանությունում Սալիվանին տալիս են առաջադրանք, բացահայտել թե ով է իրենց միջից լրտեսը, այսինքն նա պետք է գտնի հենց իրեն։
Սալիվանը փորձում է գցել ամբողջ մեղքը կապիտան Կուինանի վրա, հույս ունենալով, որ նրա միջոցով կգտնի Քոսթիգանին։ Սալիվանը հրամայում է ոստիկաններին, որպեսզի նրանք հետևեն Կուինանին, ոստիկանները զարմանում են թե ինչու են նրանք հետևում իրենց կապիտանին։ Այնուամենայնիվ կատարելով հրամանը ոստիկանները հասնում են մի շենքի մոտ, որի մեջ մտնում է Կուինանը, ոստիկանները մինչ ներքևում սպասում են, Քոսթիգանը և Կուինանը հանդիպում են շենքի տանիքին, Քոսթիգանը հաղորդագրություն է ստանում Կոստելոի մարդկանցից և հասկանում է, որ Կուինանին հետևել են։ Կուինանը ասում է, որ Քոսթիգանը փախչի, իսկ մինչ այդ նա կզբաղեցնի Կոստելոի մարդկանց։ Հենց Քոսթիգանը դուրս է գալիս շենքից նրա դիմաց ընկնում է Կուինանի մարմինը։ Ներքևում սպասող ոստիկաները տեսնելով դա դուրս են գալիս մեքենայից, նույն պահին շենքից դուրս են գալիս Կոստելոի մարդիկ, սկսում են կրակոցներ, իսկ Քոսթիգանը չկորցնելով իրեն վազում է Կոստելոի մարդկանց մոտ և ձևացնում իբրև թե նա ուշացել է, նրանց հաջողվում է փախչել։ Կուինանի մահի պատճառով Սալիվանը և Դիգնամը կռվում են, Դիգնամը, ով կասկածում է Սալիվանին որպես լրտես, հեռանում է գործից։
Կուինանի փաստաթղթերը ուսումնասիրելով Սալիվանը գտնում է Քոսթիգանի տված թուղթը, որի վրա գրված էր, որ Կոստելլոն Դաշնային հետաքննությունների բյուրոյի համար է աշխատում, Սալիվանը սկսում է վախենալ, որ նրա իրական դեմքը շուտով կբացահայտվի։ Սալիվանը Կուինանի հեռախոսով զանգահարում է Քոսթիգանին ներկայանալով որպես ոստիկան, ով զբաղեցրել է Կուինանի տեղը։ Սալիվանը առաջարկում է Քոսթիգանին դուրս գալ գործից և վերադառնալ իր մրցանակի հետևից։ Մի քանի օր հետո Կոստելոն իր մարդկանց հետ գնում է լքված պահեստ, որպեսզի վերցնի կոկաինի մի մասը։ Սալիվանը գլխավորելով ոստիկաններին շրջափակում է պահեստը։ Սկսում է ընդհարում, ինչի ընթացքում Կոստելոի բոլոր մարդիկ մահանում են, իսկ Սալիվանը ինքը սպանում է Կոստելոին, գիտակցելով, որ նա աշխատում էր ոստիկանների համար։ Այդ ամենից հետո Սալիվանը խոսում է Քոսթիգանի հետ ոստիկանությունում, երբ Քոսթիգանը հարցնում է Կոստելոի լրտեսի մասին, Սալիվանը պատասխանում է՝ «մենք կգտնենք այդ այլանդակին»։ Սալիվանը թողնում է Քոսթիգանին իր գրասենյակում միայնակ, որպեսզի ստուգի նրա տվյալները համակարգչով։
Այդ ժամանակ Քոսթիգանը պատահաբար տեսնում է սեղանի վրա դրված ծրարը, այն ծրարը, որի մեջ Կոստելոի մարդկանց ինֆորմացիան էր, որի մեջ նա հրաժարվել էր դնել իր համարները։ Քոսթիգանը հասկանում է, որ Սալիվանը Կոստելոի լրտեսն է, և թաքուն կերպով հեռանում է ոստիկանությունից։ Քոսթիգանը գաղտնի կերպով հանձնում է Մեդոլինին մի ծրար, և ասում, որ այն պետք է բացել միայն այն դեպքում երբ նրա հետ մի բան տեղի կունենա։ Ավելի ուշ Քոսթիգանը Սալիվանի տուն է ուղարկում Սալիվանի և Կոստելոի բոլոր խոսակցությունների ձայնագրությունները, որը հենց Կոստելոն էլ ձայնագրել էր։ Մեդոլինը առաջին է հասցնում լսել ձայնասկավառակը, լսելով այն և իմանալով իր ապագա ամուսնու իրական դեմքը Մեդոլինը փակվում է սենյակում։ Քոսթիգանը և Սալիվանը պայմանավորվում են հանդիպել այն նույն շենքի տանիքին որտեղ մահացել էր Կուինանը։ Հանդիպման ժամանակ Քոսթիգանը ձերբակալում է Սալիվանին, շենքի տանիք է բարձրանում նաև Բրաունը, ստացվում է խառը իրավիճակ, Բրաունը հավատալով Քոսթիգանին թույլ է տալիս մտնել վերելակ, իսկ ինքը Բրաունը իջնում է մյուս վերելակով։ Վերելակի մեջ Սալիվանը խոստովանում է, որ բացահայտվել է, և խնդրում է միանգամից սպանել իրեն, և ոչ թե հանձնել դատարանին։ Վերելակի դռները բացվում են և Բերիգանը կրակոցով սպանում է Քոսթիգանին, իսկ հետո Բրաունին։ Բերիգանը ևս մեկ ոստիկան էր, ով աշխատում էր Կոստելոի համար։ Բերիգանը հանում է Սալիվանից ձեռնաշղթաները, և ասում, որ պետք է գործել միասին։ Ապշած Սալիվանը խնդրում է ատրճանակը Բերիգանից և մաքրում այն մատնահետքերից ապա սպանում Բերիգանին։ Սալիվանը Քոսթիգանի թաղումն է այցելում, որտեղ Մեդոլինը արցունքները աչքերին հրաժարվում է խոսել իր հետ։ Սալիվանը միայնակ վերադառնում է տուն, որտեղ նրան սպասում է Դիգնամը։ Սալիվանը ասում է «Հա լավ» (անգլ. Okay), ինչից հետո Դիգնամը սպանում է նրան և հեռանում։ Պատշգամբով վազում է առնետ, պատուհանից բացվում է տեսարան Մասաչուսեթսի Կապիտոլիի վրա, որը Սալիվանի ամբիցիաների խորհրդանիշն էր։
Հետաքրքիր փաստեր
[խմբագրել | խմբագրել կոդը]- Ի սկզբանե ֆիլմի նկարահանումները պետք է կատարվեին Բոստոն քաղաքում, որտեղ էլ տեղի են ունենում ֆիլմում կատարվող գործողությունները, սակայն ֆիլմը նկարահանվեց Նյու Յորքում։
- Մեթ Դեյմոնը որոշակի ժամանակ աշխատել է Մասաչուսեթսի ոստիկանությունում, որպեսզի ավելի լավ պատրաստվի իր դերին։
- Ռոբերտ Դե Նիրոն կարող էր դեր ստանալ ֆիլմում։
- Մեդոլինի դերը կարող էին ստանալ Քեյթ Ուինսլեթը և Հիլարի Սուենկը։
- «fuck» բառը ֆիլմում օգտագործվում է 237 անգամ։
Ծանոթագրություններ
[խմբագրել | խմբագրել կոդը]- ↑ http://www.nytimes.com/2006/10/06/movies/06depa.html?ref=movies
- ↑ 2,0 2,1 http://www.imdb.com/title/tt0407887/
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 https://www.filmaffinity.com/en/film518309.html
- ↑ 4,0 4,1 Internet Movie Database — 1990.
- ↑ Internet Movie Database — 1990.
- ↑ 6,0 6,1 6,2 6,3 6,4 http://www.allocine.fr/film/fichefilm_gen_cfilm=55983.html
- ↑ 7,0 7,1 7,2 7,3 7,4 7,5 https://www.siamzone.com/movie/m/4161
- ↑ 8,0 8,1 8,2 8,3 8,4 8,5 8,6 8,7 8,8 ČSFD (չեխերեն) — 2001.
- ↑ 9,00 9,01 9,02 9,03 9,04 9,05 9,06 9,07 9,08 9,09 9,10 9,11 9,12 9,13 9,14 9,15 http://www.imdb.com/title/tt0407887/fullcredits
- ↑ 10,0 10,1 10,2 http://www.metacritic.com/movie/the-departed
- ↑ 11,0 11,1 Box Office Mojo — 1999.
- ↑ Box Office Mojo — 1999.
- ↑ http://www.imdb.com/title/tt0407887/awards
Արտաքին հղումներ
[խմբագրել | խմբագրել կոդը]
| ||||||||||
- Ֆիլմեր այբբենական կարգով
- Օսկարակիր ֆիլմեր
- 2000-ականների ամերիկյան ֆիլմեր
- 2000-ականների անգլերեն ֆիլմեր
- 2000-ականների դրամա ֆիլմեր
- 2006 ֆիլմեր
- Warner Bros. ֆիլմեր
- Ամերիկյան դետեկտիվ ֆիլմեր
- Ամերիկյան դրամա ֆիլմեր
- Ամերիկյան թրիլեր դրամա ֆիլմեր
- Ամերիկյան թրիլեր ֆիլմեր
- Ամերիկյան մարտաֆիլմեր
- Ամերիկյան ռիմեյք ֆիլմեր
- Ամերիկյան քրեական դրամա ֆիլմեր
- Ամերիկյան քրեական թրիլեր ֆիլմեր
- Ամերիկյան քրեական ֆիլմեր
- Մարտին Սկորսեզեի ֆիլմեր
- Նյու Յորքում նկարահանված ֆիլմեր
- Ռիմեյք ֆիլմեր
- Ֆիլմեր մահվան մասին
- Ֆիլմեր ոստիկանների մասին
- Ֆիլմեր, որոնց գործողությունները տեղի են ունենում 2007 թվականին
- Ֆիլմեր, որոնց գործողությունները տեղի են ունենում 2006 թվականին
- Մասաչուսեթսում նկարահանված ֆիլմեր
- Ֆիլմեր, որոնց գործողությունները տեղի են ունենում 1986 թվականին