Կրպակ, փոքր խանութ կամ խանութ֊արհեստանոց՝ մանրավաճառքի համար։ Պատկանում է ճարտարապետական փոքր ձևերին։
Կրպակները կառուցվում են բաց երկնքի տակ կամ մեծ հասարակական շենքերի ներսում (թատերական ճեմասրահում, կայարանում, ցուցահանդեսներում և այլն)։ Անիի նվիրատվական արձանագրություններում կրպակ բառը հանդիպում է կուղպակ ձևով, դրանք վաճառատներում, առևտրական շարքերում, խանապարներում կցաշար կամ առանձին կանգնած թաղածածկ փոքր կառույցներ էին կամ նշված շենքերի բաղկացուցիչ մասը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 700)։
