Կենսաչափություն
Կենսաչափություն, բիոմետրիա, կենսաբանության բաժին, մաթեմատիկական վիճակագրության մեթոդներով մշակում և պլանավորում է կենսաբանական օբյեկտների ուսումնասիրություններից ստացվող արդյունքները։
Կենսաչափություն ձևավորում
[խմբագրել | խմբագրել կոդը]Կենսաչափությունը որպես ինքնուրույն առարկա ձևավորվել է 19-րդ դարի վերջում, Ֆրենսիս Գալտոնի և Կարլ Պիրսոնի, Ռոնալդ Ֆիշերի (Անգլիա) աշխատանքների շնորհիվ։ Կենսաչափությունը զարգացման մեծ թափ ստացավ 20-րդ դարում, կապված կիբեռնետիկայի, հավանականությունների տեսության, մաթեմատիկական ստատիստիկայի առաջընթացի հետ։
Կիրառում
[խմբագրել | խմբագրել կոդը]Վերջինս լայնորեն կիրառվում է մարդու օրգանիզմի կառուցվածքի և ֆունկցիայի փոփոխությունները (կախված կյանքի պայմաններից ու տարիքից) հետազոտելիս։ Վերջին տարիներին կենսաչափական ուսումնասիրությունների են ենթարկվում ոչ միայն մարդու մորֆոլոգիական, այլև ֆիզիոլոգիական և կենսաքիմիական հատկանիշները։ Կենսաբանության մեջ վիճակագրական մեթոդներով որոշվում է բույսերի, կենդանիների առանձին խմբերի կամ անհատների պատկանելությունը կարգաբանական որևէ կատեգորիայի։
Կենսաչափական գաղափար
[խմբագրել | խմբագրել կոդը]Կենսաչափական գաղափարների տարածման և մեթոդների ստեղծման գործում նշանակալի են նաև ռուս գիտնականներ Վ. Ռոմանովսկու, Ա. Սապեգինի, Յուրի Ֆիլիպչենկոյի աշխատանքները։
Արտաքին հղումներ
[խմբագրել | խմբագրել կոդը]Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 372)։ 
|
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |