Թվային առանցք
Թվային առանցք կամ թվային ուղիղ, ուղիղ, որի վրա ընտրված են.
- որևէ Օ կետ - հաշվարկման սկիզբ,
- սլաքով նշված դրական ուղղություն,
- երկարության չափման մասշտաբ։
Իրական թվերի և թվային առանցքի միջև ստեղծված է փոխմիարժեք համապատասխանություն. կոորդինատների սկզբնակետը համընկնում է 0-ի հետ, ցանկացած կետի թվային արժեքին համապատասխանում է նրա հեռավորությունը հաշվման սկզբնակետից. դրական ուղղությամբ «պլյուս» նշանով, բացասական ուղղությամբ՝ «մինուս» նշանով։ Այսպիսով, թվային ուղիղը բաղկացած է կոորդինատների սկզբնակետից և նրանից դուրս եկող երկու ճառագայթներից, որոնցից մեկը համապատասխանում է դրական, մյուսը՝ բացասական ուղղությանը։ Այսպիսի համապատասխանության դեպքում ուղղի վրա կետերի բնական դասավորվածությունը համաձայնեցվում է թվերի կարգավորվածության հետ։
Թվային ուղիղը հաճախ օգտագործվում է որպես իրական թվերի բազմության ակնառու ներկայացում (օրինակ, գրաֆիկների կառուցման համար)։ Այդ դեպքում ուղղի հատվածները պատկերում են թվային միջակայքեր։
Գրականություն
[խմբագրել | խմբագրել կոդը]- Выгодский М. Я. Справочник по элементарной математике М.: АСТ, 2003. — ISBN 5-17-009554-6.
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |