Էլ Կերվի
| Էլ Կերվի | |
|---|---|
 | |
| Ծնվել է | փետրվարի 12, 1917 |
| Ծննդավայր | Բուֆֆալո, Նյու Յորք, ԱՄՆ |
| Մահացել է | նոյեմբերի 9, 2009[1] (92 տարեկան) |
| Մահվան վայր | Ռոչեստեր, Նյու Յորք, ԱՄՆ |
| Քաղաքացիություն |  ԱՄՆ |
| Մայրենի լեզու | անգլերեն |
| Կրթություն | East High School? |
| Մասնագիտություն | բասկետբոլիստ և բասկետբոլի մարզիչ |
Ալֆրեդ Նիկոլաս «Էլ» Կերվի (անգլ.՝ Alfred Nicholas "Al" Cervi, փետրվարի 12, 1917, Բուֆֆալո, Նյու Յորք, ԱՄՆ - նոյեմբերի 9, 2009[1], Ռոչեստեր, Նյու Յորք, ԱՄՆ), ամերիկացի պրոֆեսիոնալ բասկետբոլիստ և մարզիչ։ 1985 թվականից Բասկետբոլի փառքի սրահի անդամ։
Խաղացողի կարիերա
[խմբագրել | խմբագրել կոդը]Խաղացել է խաղարկողի դիրքում։ Կերվին երբեք չի ուսանել համալսարանում։ 1937 թվականին պայմանագիր է կնքել «Բուֆֆալո Բայզոնս» ակումբի հետ, որը հանդես էր գալիս Բասկետբոլի ազգային լիգայում (NBL)։ 1940-1945 թվականներին ծառայել է ԱՄՆ ռազմաօդային ուժերում։ Հետագայում հանդես է եկել «Ռոչեստեր Ռոյալս» (ԲԱԼ), «Թրենթոն Թայգերս» և «Սիրաքյուս Նեշնլս» ակումբների կազմերում։ NBA-ում, ընդհանուր առմամբ, անցկացրել է 4 մրցաշրջան։ Մեկ անգամ ընդգրկվել է NBA բոլոր աստղերի երկրորդ հավաքականի կազմում (1950)։ 1945-46 թվականների մրցաշրջանին Կերվին, «Ռոչեստեր Ռոյալս»-ի կազմում, դարձել է NBL չեմպիոն։ Երեք անգամ ընդգրկվել է NBL բոլոր աստղերի առաջին հավաքականի կազմում (1947-1949), ինչպես նաև մեկ անգամ NBL բոլոր աստղերի երկրորդ հավաքականի կազմում (1946)։ 1947 թվականին դարձել է NBL պարբերական առաջնության ամենաարդյունավետ խաղացող։ NBA կարիերայի ընթացքում, ընդհանուր առմամբ, խաղացել է 202 խաղ, որոնց ժամանակ հավաքել է 1591 միավոր (7,9 մ/խ), կատարել 261 անդրադարձ և 648 փոխանցում[2]։
Բասկետբոլի փառքի սրահ
[խմբագրել | խմբագրել կոդը]1985 թվականին Էլ Կերվիի անունը տեղ է գտել Բասկետբոլի փառքի սրահում։
Մահ
[խմբագրել | խմբագրել կոդը]Էլ Կերվին մահացել է 92 տարեկան հասակում՝ 2009 թվականի նոյեմբերի 9-ին Նյու Յորք նահանգի Ռոչեստեր քաղաքում։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Վիճակագրությունը Basketball-Reference.com կայքում (անգլ.)
- Վիճակագրությունը NBA.com կայքում (անգլ.)
- Մարզչի կարիերան Basketball-Reference.com կայքում (անգլ.)
| ||||||
