Էդուար Բալլադյուր
Էդուար Բալլադյուր | |
![]() | |
Կուսակցություն՝ | Ժողովրդական շարժման միություն և հանրապետության սատարման միավորում |
---|---|
Կրթություն՝ | Տիեր լիցեյ, Վարչական ազգային դպրոց (1957), Փարիզի քաղաքական հետազոտությունների ինստիտուտ և Պոլ Սեզանի համալսարան |
Մասնագիտություն՝ | տնտեսագետ և քաղաքական գործիչ |
Ազգություն | հայ |
Դավանանք | Հայ Կաթողիկէ Եկեղեցի |
Ծննդյան օր | մայիսի 2, 1929[1][2][3][…] (95 տարեկան) |
Ծննդավայր | Իզմիր, Թուրքիա |
Թաղված | Պասի գերեզմանատուն[4] |
Քաղաքացիություն | ![]() |
Պարգևներ | |
Էդուար Բալլադյուր (ֆր.՝ Édouard Balladur, մայիսի 2, 1929[1][2][3][…], Իզմիր, Թուրքիա), ֆրանսահայ քաղաքական ու պետական գործիչ, Ֆրանսիայի վարչապետ (1993-1995), Ֆրանսիայի նախագահի թեկնածու (1995)։
Կենսագրություն
[խմբագրել | խմբագրել կոդը]Էդուար Բալլադյուրը ծնվել է 1929 թվականին Թուրքիայի Իզմիր քաղաքում, բանկիրների ընտանիքում[6]։ 1935 թվականին ընտանիքը հինգ երեխաներով հաստատվում է Մարսել քաղաքում։ Էդուարը ավարտել է Մարսելի Տյեր լիցե, Փարիզի քաղաքական հետազոտությունների ինստիտուտ և Ազգային կառավարման դպրոցը։
Քաղաքական կարիերա
[խմբագրել | խմբագրել կոդը]Էդուար Բալլադյուրի քաղաքական կարիերան սկսվել է 1963 թվականին, երբ սկսել է աշխատել Շառլ դը Գոլի հիմնած «Ֆրանսիական ժողովրդի միավորում» կուսակցությունում։ Մինչև 1974 թվականը նա եղել է Ֆրանսիայի նախագահ Ժորժ Պոմպիդուի գլխավոր քարտուղարը։ Այդ ժամանակընթացքում նա դարձել է Գրեննելի համաձայնագրի հեղինակը, որը վերջ է դրել 1968 թվականի «Կարմիր մայիս» անունով անկարգություններին[7]։ 1986—1988 թվականներին, Ժակ Շիրակի կառավարության տարիներին եղել է ֆինանսների նախարարը և նրա քաղաքական դաշնակիցը «Ֆրանսիական ժողովրդի միավորում» կուսակցությունում[8]։ Ֆրանսուա Միտտերանի կառավարման վերջին տարիներին՝ 1993-1995 թվականներին եղել է Ֆրանսիայի վարչապետը։ 1995 թվականին իր թեկնածությունը դրել է Ֆրանսիայի նախագահի պաշտոնում, սկզբում գերազանցել է Ժակ Շիրակին, հետագայում փոքր-ինչ զիջել նրան և դուրս մնացել երկրորդ փուլի պայքարից։ Դրանից հետո երկրի վարչապետ է նշանակվում Ալեն Ժյուպեն։
Բալլադյուրը սակայն չի հեռանում քաղաքականությունից։ Նա Ազգային Ժողովի պատգամավոր է ընտրվում 1997 թվականի արտահերթ և 2002 թվականի հերթական ընտրություններում։ 1997—2002 թվականներին Բալլադյուրն ընդգրկվել է Ժողովրդական շարժման միություն կուսակցությունում (ֆր.՝ Union pour un mouvement populaire - UMP) և գլխավորել խորհրդարանի ստորին պալատի արտաքին հարաբերությունների հանձնաժողովը։ Բալլադյուրը իր թեկնածությունը առաջադրել է Ֆրանսիայի Ազգային ժողովի նախագահի պաշտոնւմ, սակայն պարտվել է Ժան Լուի Դեբրեին։ 1995-2001 թվականներին Բալլադյուրը եղել է Փարիզի Գլխավոր խորհրդի անդամ, 1998 թվականին՝ Իլ դե Ֆրանս շրջանային խորհրդի անդամ։
2007 թվականի հուլիսի 18-ին Բալլադյուրը Ֆրանսիայի նախագահ Նիկոլա Սարկոզիի կողմից նշանակվում է 5-րդ Հանրապետության (Շառլ դը Գոլի հիմնած հանրապետություն) ինստիտուտների հավասարակշռության վերականգնման և արդիականացման համար առաջարկություններ կատարելու հանձնաժողովի նախագահ, որը մամուլում ստանում է «Բալլադյուրի հանձնաժողով» անվանումը։ 2007 թվականի հոկտեմբերի 29-ին փորձագետների խումբը ներկայացնում է զեկույց, որը պարունակում է 5-րդ Հանրապետության կառավարման ինստիտուտների բարեփոխման 77 առաջարկ։
Գաղափարներ և ծրագրեր
[խմբագրել | խմբագրել կոդը]Բալլադյուրը 1990-ական թվականներ սկզբին առաջ էր քաշել ժողովրդավարության միություն ստեղծելու նախագիծը։ Այնուհետև, 1994 թվականին նա առաջարկում է ձևափոխել Եվրամիությունը եռաստիճան կազմակերպության։ 2007 թվականի վերջին Բալլադյուրը հրապարակում է «Դեպի Եվրոպայի և ԱՄՆ-ի արևմտյան միություն» գիրքը։
Պարգևներ
[խմբագրել | խմբագրել կոդը]- Պատվավոր Լեգեոնի շքանշան
- Արժանիքների համար շքանշանի Մեծ խաչ
Ծանոթագրություններ
[խմբագրել | խմբագրել կոդը]- ↑ 1,0 1,1 Sycomore (ֆր.) / Assemblée nationale
- ↑ 2,0 2,1 Բրոքհաուզի հանրագիտարան (գերմ.)
- ↑ 3,0 3,1 GeneaStar
- ↑ https://www.challenges.fr/lifestyle/tresors-d-entre-tombes-se-promener-dans-les-cimetieres_59212
- ↑ https://www.ina.fr/ina-eclaire-actu/video/cab93045569/balladur-au-maroc
- ↑ Arméniens de France: la mémoire intacte
- ↑ Армянин из Смирны, ставший премьером Франции: Эдуар Балладюр
- ↑ Эдуар Балладюр
![]() | Վիքիպահեստն ունի նյութեր, որոնք վերաբերում են «Էդուար Բալլադյուր» հոդվածին։ |
|
- Մայիսի 2 ծնունդներ
- 1929 ծնունդներ
- Ապրող անձինք
- Իզմիր քաղաքում ծնվածներ
- «Իտալիայի Հանրապետությանը մատուցած ծառայությունների համար» շքանշանի մեծ խաչի ասպետներ
- Անձինք այբբենական կարգով
- Ֆրանսիայի վարչապետներ
- Ֆրանսիայի նախարարներ
- 21-րդ դարի քաղաքական գործիչներ
- Ֆրանսահայ քաղաքական գործիչներ
- Զմյուռնիայի հայեր
- Ֆրանսիացի տնտեսագետներ
- Ֆրանսիացի պետական գործիչներ