«Դուբինուշկան» ռուսական ժողովրդական աշխատանքային հանրածանոթ երգերից է։ Այս երգը պատմում է Վոլգայի նավաքարշ բանվորների ծանր աշխատանքի մասին։ Երգն ունի քառյակային ձև, որը կազմված է երկու մասից․ մեներգից և խմբերգ–կրկներգից։ Երգի մեղեդին պատմողական բնույթ ունի, լայնաշունչ է, երգային, արտահայտիչ և առնական։ Կրկներգի մեղեդին հնչում է ուժգին և արտահայտում է կոլեկտիվի համերաշխությունը և զայրույթը հարստահարիչների դեմ։ «Դուբինուշկա» երգի լավագույն կատարողներից էր ռուս մեծ երգիչ Ֆեոդոր Շալյապինը։
