Գորգան

Անվան այլ կիրառումների համար տե՛ս՝ Գորգան (այլ կիրառումներ)

Քաղաք
Գորգան
պարս.՝ گرگان
Երկիր	Իրան
Օստան	ԳոլեսթանԳոլեսթան
Շահրեստան	Գորգան
Համայնք	Central District?
Մակերես	656 քառակուսի մղոն
ԲԾՄ	148 մետր
Բնակչություն	▲350 676 մարդ (2016)
Ժամային գոտի	UTC+3:30
Հեռախոսային կոդ	0171
Պաշտոնական կայք	gorgan.ir
Գորգան (Իրան)
Գորգան Վիքիպահեստում

Գորգան (պարս.՝ گرگان), քաղաք Իրանի հյուսիսում, Գոլեսթան օսթանում, վերջինիս վարչական կենտրոնը։ Քաղաքը գտնվում է Կասպից ծովից 30 կմ հեռավորության վրա, հեռավորությունը մայրաքաղաք Թեհրանից կազմում է մոտ 400 կմ դեպի արևելք։ Գորգանից 150 կմ հեռավարության վրա գտնվում է Գոլեստանի ազգային պարկը։

Բնակչություն

Քաղաքի բնակչությունը 2016 թվականի մարդահամարի տվյալներով կազմում էր 350 676 մարդ, որոնք կազմում էին 111 099 տնտեսություն։ Բնակչությամբ Գոլեսթան օսթանի ամենախոշոր քաղաքն է։ Գորգանի բնակչության փոփոխությունը ժամանակի ընթացքում բերված է աղյուսակում ստորև.

Տարի	1956	1966	1976	1986	1991	1996	2006	2011	2016
Բնակիչ	28 380	51 181	88 033	139 430	162 468	188 710	269 226	329 536	350 676

Պատմություն

Քաղաքը հին հունական աղբյուրներում հայտնի է Հիրկանիա անունով, որը գալիս է պահլավերեն Վարկանա անվանումից (Գայլերի երկիր)։ Ավելի ուշ շրջանում քաղաքն անվանվել է Աստարաբադ և այդ անունը կրել է մինչև 1937 թվականը։

Լենկ Թեմուրը 1384 թվականին ավերել է Գորգանը։

Քույր քաղաքներ

• Ակտաու, Ղազախստան
• Սամսուն, Թուրքիա (2006)

Գորգագործություն

Գորգանը, ինչպես և ողջ Գոլեստան գավառը, հայտնի է գորգագործությամբ։ Ջաջիմ կարպետները գործվում են այս գավառում։ Գոլեստանի կարպետագործության ավանդույթները գալիս են հին իրանական Բուխարա քաղաքից, որն այժմ Ուզբեկստանի կազմում է։

Կլիմա

Գոլեստանում գերիշխում է չափավոր և խոնավ կլիման, որը հայտնի է «չափավոր կասպյան կլիմա» անվանումով։ Գոլեստանում կլիմայի ձևավորման վրա ազդում են մի շարք գործոններ՝ Ալբորզի լեռնաշղթան, լեռների ուղղվածությունը, քամիները և այլն։ Այս գործոնների շնորհիվ Գոլեստանում երեք տարբեր կլիմաներ են ձևավորվել՝ չափավոր, լեռնային և կիսաչոր։ Տարեկան տեղումները կազմում են 600 մմ։

Ջերմաստիճանի և տեղումների տարեկան միջին ցուցանիշները Գորգանում
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
բացարձակ առավելագույնը (°C)	29	32,4	35	39	43	45	44	44	41,6	39	36	29,2	45
միջին առավելագույնը (°C)	12,4	13,1	15,3	21,2	29,6	30,9	32,6	32,7	29,9	24,8	18,8	14,3	22,74
միջին նվազագույնը (°C)	3,4	3,8	6,1	10,7	15,5	19,9	22,8	22,9	19,6	13,9	8,9	5,2	12,73
բացարձակ նվազագույնը (°C)	−10	−6	−3,2	0	2,8	10	15	13	9	3	−2	−7	−10
տեղումների քանակը (մմ)	55	55,8	79,4	52,8	44,1	33,4	22,2	27,3	38,9	66,1	68,5	57,5	601
Աղբյուր՝ Օդերևութաբանական կայանների վիճակագրություն

Գորգանի մեծ պարիսպ - համայնապատկեր

Ծանոթագրություններ

Վիքիպահեստն ունի նյութեր, որոնք վերաբերում են «Գորգան» հոդվածին։