Բարբոս շունը և անսովոր մրցավազքը

Բարբոս շունը և անսովոր մրցավազքը ռուս.՝ Пёс Барбос и необычный кросс
Երկիր	ԽՍՀՄ
Ժանր	կինոկատակերգություն
Թվական	1961
Լեզու	ռուսերեն
Ռեժիսոր	Լեոնիդ Գայդայ
Պրոդյուսեր	Լեոնիդ Գայդայ
Սցենարի հեղինակ	Լեոնիդ Գայդայ
Դերակատարներ	Գեորգի Վիցին, Եվգենի Մորգունով և Յուրի Նիկուլին
Օպերատոր	Կոնստանտին Բրովին
Երաժշտություն	Նիկիտա Բոգոսլովսկի
Կինոընկերություն	Մոսֆիլմ
Տևողություն	10 րոպե
Հաջորդ	Օղի թորողները

Բարբոս շունը և անսովոր մրցավազքը (ռուս.՝ Пёс Барбос и необычный кросс), խորհրդային կարճամետրաժ կատակերգա-արկածային գեղարվեստական կինոնկար, որը նկարահանվել է 1961 թվականին, ռեժիսոր Լեոնիդ Գայդայի կողմից՝ Ստեփան Օլեյնիկի բանաստեղծական ֆելիետոնի մոտիվներով։

Ֆիլմն առաջինն էր, որտեղ նկարահանվել է խարդախ հակահերոսների եռյակը՝ Փորձառուն, Դմբոն և Վախկոտը (Бывалый, Балбес и Трус): 1961 թվականին «Լավագույն կարճամետրաժ ֆիլմ» անվանակարգում ներկայացվել է Կաննի կինոփառատոնի «Ոսկյա արմավենու ճյուղ» մրցանակին։

Սյուժեն

Երեք ընկերները՝ Փորձառուն, Դմբոն ու Վախկոտը, հանգստյան օրերին զբաղվում են որսագողությամբ։ Նրանք ցանկանում են ձկնորսություն անել դինամիտի օգնությամբ։ Երբ գետն են նետում փայտի կտորի վրա ամրացված պայթուցիկը, նրանց շունը փորձում է նետված փայտը վերադարձնել տերերին։ Եռյակն սկսում է խուճապահար փախչել։ Փորձելով փրկվել պայթուցիկը բերանում իրենց հետևող շնից, ի վերջո նրանք բարձրանում են ծառի վրա։ Շունը ծառի տակ թողնելով պայթուցիկը, փախչում է։ Հզոր պայթյունը ցնցում է շրջակայքը, որից տուժվում են նաև որսագողերը։

Դերասանական կազմ

Դերակատար	Կերպար
Գեորգի Վիցին	Վախկոտ
Եվգենի Մորգունով	Փորձառու
Յուրի Նիկուլին	Դմբո
Բրյոխ անունով շունը	Բարբոս

Նկարահանող խումբ

Կինոգործիչ	Ներդրումը
Լեոնիդ Գայդայ	սցենարիստ
Լեոնիդ Գայդայ	ռեժիսոր
Կոնստանտին Բրովին	օպերատոր
Նիկիտա Բոգոսլովսկի	կոմպոզիտոր

Արտաքին հղումներ

• «Բարբոս շունը և անսովոր մրցավազքը» ֆիլմը «Մոսֆիլմ»-ի կայքում
• Ֆիլմը КиноТеатр. Ру կայքում(ռուս.)