Անմեղության դարաշրջան (վեպ)
Անմեղության դարաշրջան անգլ.՝ The Age of Innocence | |
|---|---|
 | |
| Հեղինակ | Էդիթ Ուորթոն |
| Տեսակ | գրական ստեղծագործություն |
| Ժանր | սիրավեպ[1][2] և novel of manners? |
| Բնօրինակ լեզու | անգլերեն |
| Նկարագրում է | Նյու Յորք[3], Նյուպորտ և Բոստոն |
| Երկիր | .svg){kind=small} ԱՄՆ |
| Հրատարակման տարեթիվ | 1920 |
| Պարգև(ներ) | |
 The Age of Innocence Վիքիպահեստում | |
Անմեղության դարաշրջան (անգլ.՝ The Age of Innocence), ամերիկացի վիպասանուհի Էդիթ Ուորթոնի ստեղծագործությունների շարքում լավագույնը համարվող վեպը, որ առաջին անգամ հրատարակվել է 1920 թվականին և որի համար նա հաջորդ տարում արժանացել է Պուլիտցերյան մրցանակի՝ դառնալով գրական այդ հեղինակավոր մրցանակին արժանացած առաջին կինը[4]։ Վեպը նախ լույս է տեսել բրոշյուրի տեսքով՝ որպես Pictorial Review ամսագրի գրական հավելված (1920 թվականի հուլիս-հոկտեմբեր ամիսներին), այնուհետև այդ նույն տարում ունեցել է գրքային հրատարակություններ՝ գրեթե միաժամանակ լույս ընծայվելով Նյու Յորքում և Լոնդոնում։ Երկը ջերմորեն են ընդունել թե՛ ընթերցողները և թե՛ գրաքննադատները։ Times Book Review-ի գրական մեկնաբանը գրել է, որ «վեպում փայլուն կերպով արտացոլված է 45 տարի առաջվա Նյու Յորքի համայնապատկերը։ Այն ամենապահանջված գիրքն է հանրային գրադարաններում և ամենալավ վաճառվողը՝ գրախանութներում»[5]։
Ուորթոնն իր այս երկը գրել է Ֆրանսիայում բնակվելու տարիներին։ Վեպում նա մեծ արվեստով, վառ գույներով ու տպավորիչ կերպով պատկերել է նյույորքյան հասարակության բարձր խավի կյանքը տասնիններորդ դարի 70-ական թվականներին։ Գլխավոր հերոսը Նյուլենդ Արչերն է, ով բարեկիրթ օրիորդ Մեյ Ուելենդի հետ իր հարսանիքի նախօրեին սիրահարվում է վերջինիս զարմուհուն՝ կոմսուհի Էլեն Օլենսկայային, ում դժվարին ու տխուր ճակատագիրը շատ բաներով հիշեցնում է երկի հեղինակի՝ Ուորթոնի ճակատագիրը։
Էկրանավորումներ և թատերական բեմականացումներ
[խմբագրել | խմբագրել կոդը]Վեպի լույսընծայումից ընդամենը չորս տարի անց «Ուորներ բրազերս» (Warner Brothers) հանրահայտ կինոընկերությունը նրա հիման վրա ֆիլմ է նկարահանել (ռեժիսոր՝ Ուեսլի Ռագլես, գլխավոր դերերում՝ Բևերլի Բեյն և Էլիոթ Դեքստեր)։
1928 թվականին Մարգրեթ Այեր Բեռնեսը վեպը վերափոխել է թատերգության և բենականացրել Բրոդվեյի թատրոններից մեկում։ 1934 թվականին, արդեն այդ թատերգության ու բեմականացման հիման վրա, ստեղծվել է ևս մեկ ֆիլմ, որտեղ գլխավոր դերերի կատարմամբ հանդես են եկել Այրին Դյունը և Ջոն Բոլեսը։
1993 թվականին էլ վեպին անդրադարձել է անվանի կինոռեժիսոր Մարտին Սկորսեզեն, ով նկարահանել է ֆիլմի իր տարբերակը. Այս կինոնկարում գլխավոր դերերը կատարում են ճանաչված դերասաններ Միշել Պֆայֆերը, Դանիել Դեյ-Լյուիսը, Վայնոնա Ռայդերը, Ռիչարդ Գրանտը, Միրիամ Մարգուլիսը։ Ընդ որում՝ Վայնոնա Ռայդերը Մեյ Ուելենդ Արչերի կերպարի տպավորիչ մամնավորման համար արժանացել է Ոսկե գլոբուս մրցանակի, իսկ ֆիլմն էլ Օսկար կինոմրցանակի է արժանացել տարազների ու ձևավորման համար։
Ծանոթագրություններ
[խմբագրել | խմբագրել կոդը]- ↑ http://www.free-ebooks.net/ebook/The-Age-of-Innocence
- ↑ https://www.epubbooks.com/book/356-age-of-innocence
- ↑ NoveList Plus — EBSCO Information Services.
- ↑ Nelson, Randy F. The Almanac of American Letters. Los Altos, California: William Kaufmann, Inc., 1981: 9. ISBN 0-86576-008-X
- ↑ The Age of Innocence, Edith Wharton, Foreign Language Teaching and Researching Press(外研社),ISBN 7-5600-4204-X, back cover
Արտաքին հղումներ
[խմբագրել | խմբագրել կոդը]- The Age of Innocence Գուտենբերգ նախագծի կայքում
- The Age of Innocence (audio book) Գուտենբերգ նախագծի կայքում
- The Age of Innocence, 1920 first edition, scanned book via Internet Archive
- Original 1920 D. Appleton edition of The Age of Innocence at Google Books
- Photos of the first edition of The Age of Innocence
- The Age of Innocence free ebook in PDF, PDB and LIT formats
- The Age of Innocence Արխիվացված 2015-02-06 Wayback Machine at Literapedia
 | Վիքիպահեստն ունի նյութեր, որոնք վերաբերում են «Անմեղության դարաշրջան (վեպ)» հոդվածին։ |
| ||||||||||
