Ալեքսեյ Վորոբյով
| Ալեքսեյ Վորոբյով Алексей Воробьёв | |
|---|---|
 | |
| Ծնվել է | հունվարի 19, 1988 (36 տարեկան) |
| Ծննդավայր | Տուլա, ՌԽՖՍՀ, ԽՍՀՄ |
| Քաղաքացիություն |  Ռուսաստան |
| Երկեր | The Big Trip? |
| Մասնագիտություն | երգիչ, դերասան, կոմպոզիտոր, երաժիշտ, ռեժիսոր, պրոդյուսեր, կասկադյոր, պարող, կինոպրոդյուսեր և հեռուստահաղորդավար |
| Կայք | alekseyvorobyov.ru |
 Alexey Vorobyov (musician) Վիքիպահեստում | |
Ալեքսեյ Վլադիմիրովիչ Վորոբյով (ռուս.՝ Алексей Владимирович Воробьёв, հունվարի 19, 1988, Տուլա, ՌԽՖՍՀ, ԽՍՀՄ), ռուս երգիչ, երգահան և դերասան[1]։
Նա ներկայացրել է Ռուսաստանը Եվրատեսիլ 2011 երգի մրցույթում՝ գրավելով 16-րդ հորիզոնականը։
Կենսագրություն
[խմբագրել | խմբագրել կոդը]Վաղ տարիներ
[խմբագրել | խմբագրել կոդը]Ալեքսեյ Վորոբյովը ծնվել է 1988 թվականի հունվարի 19-ին Ռուսաստանի Տուլա քաղաքում, Վլադիմիր Վիկտորովիչ և Նադեժդա Նիկոլաևնա Վորոբյովների ընտանիքում[1]։ Ունի ավագ եղբայր՝ Սերգեյը, և կրտսեր քույր՝ Գալինան[2]։ Սերգեյը երաժշտական դպրոցում սովորել է նվագել ակորդեոն, իսկ Գալինան՝ դաշնամուր[3]։ Ալեքսեյ Վորոբյովը մանկության տարիներին զբաղվել է ֆուտբոլով, խաղացել է Տուլայի պատանեկան թիմի կազմում։
Երաժշտական կարիերա
[խմբագրել | խմբագրել կոդը]Սովորելով երաժշտական դպրոցի ակորդեոնի դասարանում՝ Ալեքսեյ Վորոբյովը մասնակցել է տարբեր մրցույթների։ Եղել է Տուլայի «Услада» ժողովրդական անսամբլի մենակատար[4]։ 2005 թվականին հաղթել է Ռուսաստանի IV Դելֆիական խաղերում՝ «Ժողովրդական երգեցողություն» անվանակարգում և ստացել ոսկե մեդալ սոլո կատարման համար[5]։ Նույն թվականին նա մասնակցել է «Հաջողության գաղտնիքը» հեռուստանախագծին՝ զբաղեցնելով երրորդ տեղը[6]։ Ապա տեղափոխվել է Մոսկվա և ընդունվել Էստրադային-ջազային արվեստի երաժշտական ուսումնարան։ 2006 թվականին պայմանագիր է կնքել Universal Music Russia-ի հետ[7]։ 2006 թվականի հուլիսին, երբ Սանկտ Պետերբուրգում անցկացվում էր «Մեծ ութնյակի» գագաթնաժողովը, Ալեքսեյ Վորոբյովը եղել է «Պատանեկան ութնյակ» նախագծի հիմնը կատարողներից մեկը[8], ինչպես նաև ելույթ է ունեցել փակման արարողության ժամանակ[9]։
2007 թվականին՝ MTV Russia Music Awards չորրորդ մրցանակաբաշխության ժամանակ, Ալեքսեյ Վորոբյովն արժանացել է «MTV հայտնություն» մրցանակի[10]։
2008 թվականին Ալեքսեյ Վորոբյովն իր «Новая русская Калинка» երգով «Եվրատեսիլ» մրցույթի նախընտրական փուլում զբաղեցրել է հինգերորդ տեղը։ Ըստ որոշ փորձագետների՝ այդ երգը խախտում էր մրցույթի կանոնները, քանի որ չի կարելի ուղղակիորեն օգտագործել ժողովրդական երգի բառեր[11], այսինքն՝ առաջին տեղը գրավելու դեպքում Ալեքսեյ Վորոբյովը չէր կարող ներկայացնել Ռուսաստանը հիմնական մրցույթում։
2009 թվականին Ալեքսեյ Վորոբյովն իր «Ангелом быть» երգով կրկին անցել է «Եվրատեսիլ» մրցույթի ազգային փուլի եզրափակիչ, սակայն ստիպված է եղել հանել իր թեկնածությունը այլ նախագծում զբաղված լինելու պատճառով[12]։
2011 թվականին Ալեքսեյ Վորոբյովը պայմանագիր է կնքել երաժշտական պրոդյուսեր RedOne-ի հետ, ով հայտնի էԼեդի Գագայի, Էնրիկե Իգլեսիասի, Աշերի ու այլոց հետ իր աշխատանքներով։ Պայմանագրի համաձայն՝ Ալեքսեյ Վորոբյովը հանդես է եկել Ալեքս Սպարոու(Alex Sparrow) կեղծանունով, ինչը նրա ազգանվան բառացի թարգմանությունն է։
Սկավառակագրություն
[խմբագրել | խմբագրել կոդը]Ալբոմներ
[խմբագրել | խմբագրել կոդը]- Վորոբյովի ստի դետեկտորը (2011)
Սինգլներ
[խմբագրել | խմբագրել կոդը]- 2006 - Ամառ
- 2006 - Ռուսները մոռացել են
- 2007 - Ալիսա
- 2007 - Աղջնակ
- 2007 - Հիմա կամ երբեք
- 2008 - Desire
- 2008 - Նոր ռուսական կալինկա
- 2008 - Ձանձրույթ
- 2008 - Դու և ես
- 2008 - Մոռացիր ինձ
- 2009 - Ակկորդեոն
- 2009 - Իրականություն
- 2010 - Shout It Out
- 2010 - Բամ Բամ
- 2011 - Get You
- 2012 - Ավելին քան սեր
- 2013 - Խելագարվել առանց քեզ
Տեսահոլովակներ
[խմբագրել | խմբագրել կոդը]- 2006 - Ամառ
- 2006 - Ռուսները մոռացել են
- 2007 - Ալիսա
- 2007 - Հիմա կամ երբեք
- 2008 - Նոր ռուսական կալինկա
- 2008 - Մոռացիր ինձ
- 2010 - Shout It Out
- 2010 - Բամ Բամ
Ծանոթագրություններ
[խմբագրել | խմբագրել կոդը]- ↑ 1,0 1,1 «Фото, биография Алексея Воробьёва // Знаменитости и К». Արխիվացված է օրիգինալից 2017 թ․ մայիսի 29-ին. Վերցված է 2017 թ․ հունիսի 27-ին.
- ↑ «Певец Алексей Воробьев привез к родителям украинскую подругу, с которой познакомился на «Евровидении» // KP.UA<». Արխիվացված է օրիգինալից 2013 թ․ ապրիլի 23-ին. Վերցված է 2017 թ․ հուլիսի 22-ին.
- ↑ «Алексей Воробьёв и его семья». Արխիվացված է օրիգինալից 2011 թ․ հուլիսի 31-ին. Վերցված է 2017 թ․ հուլիսի 22-ին.
- ↑ История тульского фольклорного ансамбля «Услада»(ռուս.)
- ↑ Победители и призёры Четвёртых молодёжных Дельфийских игр России(ռուս.)
- ↑ Статья об Алексее Воробьёве на сайте газеты «Комсомольская правда»(ռուս.)
- ↑ Краткая биография Алексея Воробьёва на сайте «Universal Music Russia» Արխիվացված 2011-10-03 Wayback Machine(ռուս.)
- ↑ «„Восьмёрка“ собралась в полном составе» — Встреча «Юношеской восьмёрки — 2006» Արխիվացված 2018-02-10 Wayback Machine(ռուս.)
- ↑ Церемония закрытия форума «Юношеской Восьмерки» Արխիվացված 2018-02-10 Wayback Machine(ռուս.)
- ↑ Список победителей MTV Russia Music Awards в 2007 году Արխիվացված 2010-01-05 Wayback Machine(ռուս.)
- ↑ Россия на конкурсе песни Евровидение 2008: новости национального отбора(ռուս.)
- ↑ Претендентов на участие в конкурсе песни Евровидение 2009 от России стало на одного меньше Արխիվացված 2016-06-24 Wayback Machine(ռուս.)
Արտաքին հղումներ
[խմբագրել | խմբագրել կոդը]- Վորոբյովի պաշտոնական կայք էջը (ռուս.)
 | Վիքիպահեստն ունի նյութեր, որոնք վերաբերում են «Ալեքսեյ Վորոբյով» հոդվածին։ |
| ||||||||||||||||||
