1944 թվականին ավարտել է Թբիլիսիի բժշկական ինստիտուտը։ Մասնակցել է Երկրորդ համաշխարհային պատերազմին։ 1947-1950 թվականներին աշխատել է Լենինականի (այժմ՝ Գյումրի) հակատուբերկուլոզային դիսպանսերում։ 1961 թվականից եղել է Մոսկվայի առողջապահության նախարարության տուբերկուլոզի կենտրոնական ԳՀԻ-ի ավագ գիտաշխատող։ Գիտական աշխատանքները վերաբերում են կլինիկական ֆիզիոլոգիայի, տուբերկուլոզի քիմիաթերապիայի, հակատուբերկուլոզային պատրաստուկների ազդեցության ուսումնասիրման հարցերին։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 129)։
