Վիքիպեդիա:Ադմինիստրատորի իրավունքների դիմումներ/2015/6AND5

ԲաժիններԿողմ • Դեմ • Ձեռնպահ • Հարցեր

Հարգելի վիքիհամայնք, ձեր ուշադրությունն եմ հրավիրում մեր ադմիններից մեկի՝ 6AND5-ի՝ հայերեն վիքիպեդիայի ադմինիստրատորի իրավունքներից զրկելու հարցը: 2015 թվականի հունվար և փետրվար ամիսներին արվել են բազմաթիվ չարաշահումներ տվյալ մասնակցի կողմից, որոնք հակասել են թե հայերեն վիքիպեդիայի էությանը, թե ընդհանուր վիքիպեդիայի կանոններին: Ներկայացնում եմ դրանք ստորև:

• Գարդմանահային ոչ արդարացի արգելափակել է մեկ ամսով, և մասնակցի՝ բազմաթիվ հարցերը թողնելով անպատասխան, մյուս ադմինները իրենց լռությամբ հաստատել են 6AND5-ի որոշումը, իսկ մասնակիցը քանի օր դրա մասին անպատասխան գրել է ադմինների տեղեկատախտակում [1], և ադմինների քննարկման էջերում: Որոշումը բացասաբար է ընդունվել ու զգուշացվել ադմինի մասնակցային էջում [2], սակայն էական արդյունք չի նկատվել: Հարցին լիարժեք պատասխան չի տրվել նաև ադմինների տեղեկատախտակում [3], իմ հարցը՝ ինչու է արգելափակվել, մնացել է անպատասխան: Արգելափակման պատճառ հանդիսացող խմբագրումը ջնջվել է, և ադմիններից բացի բոլոր մյուս մասնակիցները չեն կարողացել հասկանալ պատճառը: Այս պատճառով ես ինքս սկսել եմ չխմբագրել՝ սպասելով մասնակցի՝ արգելափակումից դուրս գալու ժամկետի ավարտին, որը կլրանա վաղը՝ փետրվարի 14-ին: Ես ինքս, եթե հիշում եք, ժամանակաին դեմ էի Գարդմանահային, բայց որոշ ժամանակ անց, խորհրդակցելով մյուսների հետ, ընդունեցի ու հասկացա, ու հանուն վիքիի՝ մենք վերջ տվեցինք մեր տարաձայնություններին, սկսեցինք համագործակցություն: Դրանից հետո այլ բացասական երևույթ, որը կկարողանար հանգեցնել իր արգելափակմանը, կամ իմ կողմից նման ցանկության առաջացմանը, չի եղել:

• Գարդմանահայի արգելափակումը որակելով որպես սադրանք՝ 6AND5-ը նույն տիպի սադրանքներ է կատարում մյուս մասնակիցներից մեկի նկատմամբ՝ ադմինների տեղեկատախտակում [4]: Այսինքն, այն պատճառը, որի համար որ արգելափակվեց Գարդմանահայը, այն էլ՝ մեկ ամսով, ադմինը որևէ զգուշացում չստացավ: Ավելի կոնկրետ՝ հնարավոր կապ է փորձում գտնել Դավիթ Սարոյանի և Նորայր Բաղդասարյանի միջև, ում հոգեկան շեղումներ ունեցող մասնակից էր որակել [5]: Վրադիր՝ վիրավորանքների ալիքը ու ոչ ադեկվատ տոնը, որ հնչում է ամենատարբեր մասնակիցների հասցեին սա ԿՎՆ չի ձեզ համար, իմ մանկության երազանքը չի քո հետ խոսալը և այլն: Ընդ որում, վերջինը իմ քննարկումն է, որը ես սկսել էի՝ իր կողմից արված անարդարացի հետ շրջումներից հետո բացատրություն պահանջելով [8], [9] ու պատասխան չստանալով, ու ամեն դեպքում՝ ընտրեցի խաղաղ մթնոլորտում աշխատելու բարի ցանկություն: Դա չգնահատվեց ու ավելի խորացավ, ինչը ցույց տվեցին ադմինի հետագա քայլերը: Իմ հետ կապված քննարկման ամենավերջում միայն, երբ խոսքը գնաց պատճենման մասին, ես, հասկանալով դրա ռազմավարական կարևորությունը, ետ վերադարձա և սկսեցի իմ բոլոր ստեղծած ու խմբագրած էջերը վերանայել՝ ընդունելով իմ սխալը:
• Օգտագործելով ադմինի դրոշակը՝ 6AND5-ը շատ արագ լուծում է խնդիրները իր հետ տարաձայնություններ ունեցողների դեմ՝ արգելափակելով ու պաշտպանվելով, ու դեպքը կրկնվում է արդեն որերորդ անգամ: Ժամանակին, երբ ադմին չէր, ինքն էր ասել, որ կանոնակարգ դնենք, եթե ադմինը հակասություն ունի մասնակցի հետ, մյուս ադմիններին խնդրի հարց լուծել: Սակայն այս, ինչպես և շատ այլ կետեր չիրականացվեցին՝ տարբեր պատճառներով ու պատճառաբանություններով: Ռուվիքիում ունենալով հակասություններ տարբեր մասնակիցների հետ, այս դաշտում չլուծելու միակ փորձը այս հարցն էր, որը առաջ էր քաշվել՝ հատուկ թավատառով նշելով միայն ադմինները պատասխանեն: Իրականում խախտումը լուրջ չէր, և կարելի էր լուծել շատ հանգիստ ձևով, ինչպես պարզ դարձավ: Իսկ ադմինների ու ոչ ադմինների մեջ տարբերություն դնելու մասին, սա առաջին փորձը չէր, և նման քայլերը շարունակվեցին նաև հետագայում [11]: Սա վիքիպեդիայի 5 հիմնասյուներից մեկի՝ հավասարության կոպիտ խախտում է, որը դրսևորվում է նաև այլ քայլերով:
• Երբ շատ մասնակիցներ վիճում էին այս կամ այն հարցի շուրջ, վեճերը և բառերը չթաքցվեցին-ջնջվեցին, իսկ այս ադմինին վերաբերողները հիմնականում ջնջվեցին: Սա ես որակում եմ որպես սեփական անձի հանդեպ կողմնակալության ծայր աստիճան, ինչը բազմիցս նշվել է իր մասնակցային էջում[12] և ոչ միայն: Նորայր Բաղդասարյան մասնակիցը, որքան էլ խախտած լիներ վիքիօրենքները, անչափահաս էր, բայց ինչպիսի վերաբերմունքի արժանացավ նա՝ երբ գրեց ադմինի էջում [13]: Իհարկե, ես սրանով չեմ առաջարկում մեղմացնող հանգամանքներ կամ այլընտրանքներ, բայց ադմինը նման կերպ չպետք է պատասխաներ:
• ԼԳՏԲ կաղապարի հարցով, որով դիմել էին գրասենյակ ու բողոք ներկայացրել, զգուշացվեց մասնակցին՝ հնարավորինս մեղմ տոնով: Թեև խոսքը գնում էր արդեն մեր հեղինակության մասին: Դրանից հետո նույնիսկ պահանջվեց երկար ժամանակ, մինչև մասնակիցը նախ հանեց հղումը, ապա փոխեց պատկերը, և միայն ամենավերջում՝ հանեց նկարը փաստորեն՝ կաղապարը հանել էր Ալեքսեյը [14], իսկ դրան հաջորդել էր 6AND5-ի պատասխանը [15]: Սեփական սխալները չընդունելու և ոչ կառուցողական քայլերի մեջ մեկ անգամ չէ, որ մեղադրվել է [16], [17], [18]: Քննարկումներին հետևող մասնակիցները լավ գիտեն, թե իր կողմից ինչպիսի որակումներ են տրվում այն մասնակիցներին, ովքեր հակառակ կարծիքի են: Դրան հավելելով նորույթը՝ էջերը մասնակիցներից պաշտպանելը և սեփական էջում քննարկում բացողների համար հերթագրման կանչելը, որը արվեց խորհրդարանում, դրա մասին նշվել էր օրերս, իսկ նկատել էին մինչ այդ շատերը:

Հիմնական խնդիրները, որոնք ես նկատեցի, սրանք էին: Եթե կան այնպիսիք, որ չեմ արծարծել ու մոռացել եմ, կավելացնեմ հետագայում:--Հայկ (արաբագետ) 09:47, 13 Փետրվարի 2015 (UTC)

 Մեկնաբանություն՝Անկեղծ ասած ես չեմ ցանկանում քո խոսքերը մեկնաբանել, բայց մի երկու բան պետք է ասեմ: Առաջին կետում նշում ես, որ քո հարցը մնաց անպատասխան կապված արգելանքի համար, իսկ երկրորդ կետում նշում ես, որ նրան արգելել են սադրանքների համար, հակասություն չես տեսնում քո խոսքերի մեջ, այսինքն դու գիտես թե ինչի են արգելափակել ու դրանից հետո հարց ես տալիս, իհարկե ծանոթ գործելաոճ է, հիշիր քո խոսքերը Լևոն Տեր-Պետրոսյանի մասին, որ երևի ուրանալ պետք չէ [1], իհարկե սա բոլորի կողմից ընդունելի է, քանի որ չբողոքեցի քո խոսքերի համար, բայց ամեն դեպքում քեզ որպես բարի խորհուրդ կտամ, որ անծանոթ մարդկանց կամ մարդկանց, որոնց դու լավ չես ճանաչում կամ նրանց հետ փոխկապակցված անձանց չես ճանաչում, մի նման հայտարարություններ կատարի, քանի որ մարդիկ, եթե հումորի զգացում չունենան հնարավոր է շատ կոպիտ արձագանքեն, ի դեպ նույն գործելաոճի մեջ է տեղավորվում քո կողմից կոնտեքստից դուրս մեջբերումներ անելը: Իհարկե այս գործելաոճը բավականին արդյունավետ է ռազմավարական տեսանկյունից, բայց այլ արժեքներով բացասական գնահատականների է արժանանում...--6AND5 (քննարկում) 10:47, 13 Փետրվարի 2015 (UTC)

Մասնակցի մասին

• 6AND5 (քննարկում • ներդրում)
• Ջնջումներ - 709
• Պաշտպանումներ - 173
• Արգելափակումներ - 57
• Պարեկումներ - 251
• Չջնջված խմբագրումներ - 14,660

Կողմ (իրավունքի հեռացմանը)

1. Կողմ--Հայկ (արաբագետ) 09:47, 13 Փետրվարի 2015 (UTC)
2. Կողմ Մեկնաբանություն չեմ ուզում տալ։ Հայկ վերևում ամեն ինչ ներկայացրել է։ --Եվրո$ան 11:20, 13 Փետրվարի 2015 (UTC) Մեկնաբանություն՝ ընդամենը 4 րոպեի տարբերությամբ ))) – Այս անստորագիր գրառման հեղինակն է 6AND5 (քննարկում|ներդրումներ) մասնակիցը։ Անգամ այդ էջ չէի մտել այսօր․․․ ։))) --Եվրո$ան 11:46, 13 Փետրվարի 2015 (UTC)
3. Կողմ Մինչ 6AND5-ի ադմին դառնալը ես կարծում էի, որ նա այն ադմիններից կարող է լինել, ով մեծ ներդրում կարող է ունենալ Հայերեն վիքիպեդիայի զարգացման գործում։ Նա շատ կառուցողական էր մասնակիցների հետ և քննարկումներում էլ կառուցողական լուծումներ էր առաջարկում, ինչը շատ գովելի էր։ Սակայն պետք է ասեմ, որ մինչև նրա ադմին դառնալը մեր վիքիպեդիայում ավելի խաղաղ մթնոլորտ էր, քան հիմա։ Վստահ եմ, որ 6AND5-ը ադմին չլիներ այդպիսի կոշտ դիրքորոշում չէր ունենա քննարկումներում և մասնակիցների հետ։ Համենայն դեպս կառուցողական դիրոքորոշում ցուցադրելու ու վեճերը արագ կարգավորելու փոխարեն, որը ավելի շատ նա պետք է նախաձեռներ, նա կոշտ դիրքորոշում էր ընտրում, որի պատճառով մի քանի ակտիվ խմբագրողների վանեց վիքիպեդիայից, իսկ մեզ նման արագ տեմպերով զարգացող վիքիպեդիայի համար ամեն ակտիվ խմբագրող շատ կարևոր է։--Արսեն (քննարկում) 11:28, 13 Փետրվարի 2015 (UTC) Մեկնաբանություն՝, Արսեն ջան, մեկ էլ մի մառոցիր նշել այս նախնական արդյունքի մասին [2]:--6AND5 (քննարկում) 11:35, 13 Փետրվարի 2015 (UTC)
4. Կողմ, կարծում եմ, որ 6AND5-ին պետք է շնորակալություն հայտնել իր աշխատանքի դրական արդյունքների համար ու շտապ հեռացնել ադմինությունից, քանի որ բացասական արդյունքները դառնում են անընդունելի։ - Kareyac (քննարկում) 15:53, 13 Փետրվարի 2015 (UTC)
5. Կողմ, պայմանական, կարող եմ կարծիքս փոխել միայն ռեալ կյանքում հանդիպելուց հետո։--SusikMkr (քննարկում) 18:53, 13 Փետրվարի 2015 (UTC)
6. Կողմ Դադարից հետո վերադառնալուց և ադմին դառնալուց հետո առաջին ամիսներին 6AND5 մասնակիցը բավականաչափ դրական տպավորություն էր թողնում: Սակայն հետո սկսվեց ինձ համար անհասկանալի և անընդունելի բան. կոնֆլիկտները մասնակիցների հետ հաջորդում էին մեկը մյուսին, իսկ վերջին օրերին հասան գագաթնակետին, և ես, եթե նկատել եք, հատկապես վերջին օրերին շատ քիչ էի մտնում վիքիպեդիա հենց այդ պատճառով: Շատ տհաճ է, բացելով հսկացանկդ կամ վերջին փոփոխությունների էջը, տեսնել վեճերի, արգելափակումների, մասնակիցների հետ հեգնական տոնով խոսելու և ադմինի լիազորությունները չարաշահելու շարան: Մեր վիքիպեդիան հաստատ ունի կառուցողական խմբագրումների և փոխհարգալից մթնոլորտում աշխատելու, այլ ոչ թե նման լարված մթնոլորտի անհրաժեշտություն: Ինչևէ. ես կողմ եմ քվեարկում, սակայն եթե Հայկի այս նախաձեռնությունը չհավաքի անհրաժեշտ թվով քվեներ, խնդրում եմ 6AND5 մասնակցին որևէ մեկից չնեղանալ, ինչպես խորհուրդ են տվել որոշ մասնակիցներ` մեկ-երկու ամսով դադար վերցնել, խորհել, վերադառնալ վիքիպեդիա և լծվել կառուցողական աշխատանքի: Շնորհակալություն: --23artashes (քննարկում) 20:28, 13 Փետրվարի 2015 (UTC)
7. Կողմ Հայկը արդեն մանրամասն ամեն ինչ գրել է, էլի բան ավելացնելու կարիք չկա: Սակայն նույնիսկ եթե այդքանը հաշվի չառնենք՝ միայն 6AND5-ի խոսելու տոնը մյուս մասնակիցների հետ ես բավարար եմ համարում, որ իրենից վերցնեն ադմինիստրատորների իրավունքները: Ադմինիստրատորի իրավունքները ոչ թե լրացուցիչ «իշխանություն» են տալիս մասնակցին, այլ հակառակը՝ լրացուցիչ պարտականություն լինել ավելի բարեհամբյուր, զուսպ, բաց, մատչելի մյուս մասնակիցների համար, լուծել հակամարտությունների, այլ ոչ թե ստեղծել դրանք: Ինչպես երևում է, 6AND5-ը իրավունքները ստանալիս հասկացել է ճիշտ հակառակը: Ափսոս:
   Եկեք հստակ հասկանանք ադմինիստրատորի պատկերը: Նա այն մասնակիցն է, ով ունի լրացուցիչ իրավունքներ և պատասխանատվություն: Եթե որպես մասնակից տվյալ մարդը իր առջև դրված խնդիրները կարողանում է ճիշտ ճանապարհով լուծել և ոչ մեկի մոտ հարցեր չեն առաջանում, ապա դա չի նշանակում, որ ադմինիստրատոր նա նույնպես ճիշտ ճանապարհին է: Ես թյուրիմածություն եմ համարում 6AND5-ում ադմինիստրատոր լինելը, սակայն ընդունում եմ նրա ներդրումները որպես «սովորական» մասնակից (չնայած բոլորս էլ սովորական մահկանացու մասնակիցներ ենք) և դեռ խնդիր չեմ տեսնում, որ նա շարունակի խմբագրել առանց ադմինիստրատորի իրավունքների, որոնք, ինչպես մենք տեսանք, ծանրաբեռնում և խանգարում են 6AND5-ի և մեր վիքիհամայնքի գործունեությունը: Այս ասածներ կուզեմ մասնավորապես ուղղել հարգարժան Դավիթ, Vadgt, Beko, ERJANIK մասնակիցներին, որոնք, իմ կարծիքով, չկարողացան անջատել իրարից ադմինիստրատորի և «սովորական» մասնակցի կերպարները: Կրկնեմ, լրացուցիչ իրավունքները պահանջում են լրացուցիչ պատասխանատվություն: Ահա և եկել է պատասխան տալու ժամանակը:--֎ Պանդուխտ 18:19, 14 Փետրվարի 2015 (UTC)  Մեկնաբանություն՝ Պանդուխտ, իսկ ես քեզ խորհուրդ կտամ չկեղծել քվեարկությունը և եթե մինչև 33-ը չես կարողանում հաշվել, ապա խնդրիր ուրիշները հաշվեն քո փոխարեն...--6AND5 (քննարկում) 19:17, 14 Փետրվարի 2015 (UTC)

 Մեկնաբանություն՝ Թեմային վերաբերվող բավականին հետաքրքիր գործողություններ էին՝ ջնջել իմ ձայնը և հետս կոպիտ խոսել: Մասնակցին թվում է, թե ես իր դեմ բացասական եմ տրամադրված: Չի կարողանում տարբերել անձնական վերաբերմունքը և վարչական աշխատանքը, խնդրում եմ սա էլ գրի առնել: Չի պահպանում դրական, գոնե չեզոք, խոսելաոճը, այլ նույնիսկ այսքան ասածներից հետո միանգամից անցնում է վիրավորանքների: Խնդրեմ, սա ևս մեկ փաստարկ: Ու երկու հարց էլ թեկնածուին՝ ինչո՞վ եմ «կեղծել» քվեարկությունը և ինչո՞ւ եք ջնջել իմ ձայնը:--֎ Պանդուխտ 20:20, 14 Փետրվարի 2015 (UTC)

Խնդրեմ, խոսքերս հաստատվեցին: Բացի այդ մասնակիցը ինձ սպառնում է այլ վիքիտարածքում: Սա ադմինիստրատորին համապատասխան գործողություն է՞:--֎ Պանդուխտ 20:41, 14 Փետրվարի 2015 (UTC)

Պանդուխտ գիտես ինչն է հետաքրքիր, որ դու բավական ծավալուն վերլուծություն ես ներկայացնում ու դա անելով բավական կոշտ ու կոպիտ, այդ թվում բացահայտ վիրավորանքներ կատարում, դու գնահատականներ ես հնչեցնում իմ ներդրման վերաբերյալ, ու տեղյակ չես, որ կա քվեարկության կանոնակարգ վիքիիում,(ու հաշվի առնելով, որ ես քո հետ որևէ խնդիր չեմ ունեցել 2010 թվականից, որևէ կոնֆլիկտ չի եղել, դու բավական ջերմ ես արտահայտվել իմ հասցեին ու հիմա այսպիսի խոսքեր), ուզում ես հավատա՞մ, որ մեղմ ասած Ռուսաստանում ինչ-որ մեկը քեզ չի խնդրել, հաշվի առնելով նաև քո փորձերը ռու վիքիիում մասնակիցների գործողությունները համակարգելու առաջարկները, որ նաև ինձ ես փորձել ներգրավվել մեյլով, լավ իմանալով, որ դա վիքիիում արգելված է (ավելացնեմ, որ համակարգման մեկ օրինական տեղ կա, դա Հայաստան նախագծի քննարկման էջն է): Քո հետ քննարկումը փակված եմ համարում...--6AND5 (քննարկում) 21:41, 14 Փետրվարի 2015 (UTC)

Դու չես կարող ինձ հետ քննարկումը փակված համարել, քանի որ հիմա քո հարցն է քննվարկվում և յուրաքանչյուրս կարող ենք քեզ հարց տալ: Ինձ չի հետաքրքրում, թե մարդու հետ ես ինչ անձնական հարաբերություններ եմ ունեցել կամ ունեմ: Ակնհայտ է, որ կա ադմինիստրատորների իրավունքների չարաշահում է: Ես չեմ պատրաստվում Հայերեն Վիքիպեդիայի ապագան զոհել հանուն անձնական ջերմ հարաբերությունների ով էլ ուզում է լինի: Հիմա էլ ես քեզ հետ որևէ հակամարտություն չեմ տեսնում: Ես ուղղակի վկայում եմ, որ տվյալ անձը տվյալը դեր այլևս չի կարող կատարել, իսկ դու դա չես կարողանում տարանջատել և կրկին անցնում ես անձնականի: --֎ Պանդուխտ 22:00, 14 Փետրվարի 2015 (UTC)

6AND5, Պանդուխտ-ին գրել ես որ չես կարողանում 33 հաշվես, դա մանավանդ ադմինիստրատորի համար վիքիէթիկետի խախտում է իմ տեսանկյունից, ու ենթադրում եմ ոչ միայն իմ տեսանկյունից, պետք է նման բառերով քննարկումներում գրելը վերջացնես, ես այդ հույսով եմ դեմ քվեարկել այստեղ դեմ։ --ERJANIK քննարկում: 05:15, 16 Փետրվարի 2015 (UTC)

1. Կողմ --Գարդմանահայ (քննարկում) 19:00, 14 Փետրվարի 2015 (UTC)

Դեմ

1. Դեմ Ես դեմ եմ, որ 6AND5 մասնակցից հեռացվեն ադմինական իրավունքները: Հնարավորինս կարճ պարզաբանեմ: Նախ՝ Գարդմանահայի հետ կապված պատմությունը ես մանրամասն չեմ ուսումնասիրել, բայց հիշում եմ, որ Գարդմանահայի շարունակական և ոչ ճշգրիտ տեղեկություններ պարունակող խմբագրումներին թեև զգուշացումներ տրվում էին, բայց խիստ քայլեր չէին ձեռնարկվում: Իսկ 6AND5-ը կարողացավ այդ ամենը շտկել: Հայկ ջան, ես հիշում եմ նաև քո գրածները Գարդմանահային, որին նորից պատշաճ պատասխան չտրվեց, որոնք, իմ կարծիքով, ահավոր կոպիտ խախտումներ էին: 6AND5-ը որպես ադմին և ոչ ադմին, ինձ շատ հաճախ օգնել է երբ դիմել եմ, մասնակցել է քննարկումներին, մշակել կանոնակարգերը, որը ոչ ոք էլի չէր անում: Վերջին պատմության հետ կապված, ես իհարկե շատ նեղված եմ, իմ կարծիքով ինքը որոշ մասնակիցների հետ վերջերս հարգալից չի խոսում (այդ թվում և իմ), բայց դա պատճառ չէ, որ իրեն զրկեն ադմինական իրավունքներից, որովհետև իմ կարծիքով, մյուսների չարձագանքելը նմանապես պատժելի է, եթե բազմակարծություն լինի, խնդիրը ավելի հեշտ ու հարթ կլուծվի: Ու Գարդմանահայի պահով էլ, իմ կարծիքով ինքը հապշտապ որոշումներ է կայացրել, սթափ չի դատել, բազմիցս անհարգալից է խոսել այդ թվում նաև քո հանդեպ, բայց ինչ-որ մեկը կողքից չի ասել, որ այդպես չի կարելի (եթե ասել էլ են՝ շատ ուշ): Շատ կուզեի, որ ինքը ավելի ուշադիր լիներ բոլոր մասնակիցների նկատմամբ, չխոսար անհարգալից/թրոլինգով, շուտ չբորբոքվեր, բորբոքվելու դեպքում չեզոք մնար ու շարունակեր իր մի ժամանակվա լավ ադմինական գործունեությունը:--Դավիթ (∅) 11:22, 13 Փետրվարի 2015 (UTC)
2. Դեմ, ճիշտ է Գարդմանահայի մասով նա սխալ է արել, մեկ ամիս արգելափակելով, կոնկրետ ես ես անգամ չեի արգելափակի: Եթե նա Գարդմանահային չարգելափակեր սկսզբում այսպիսի բան չեր լինի, անգամ սա այնպիսի բան չէ որ զրկենք նրան ադմինի իրավունքից: Մնացածի մասով էլ նույնը կարող եմ ասել: Բայց ես Կողմ եմ նրա հանդեպ պատժամիջոցներ կիրառելուն: --Vadgt (քննարկում) 11:38, 13 Փետրվարի 2015 (UTC)
3. Դեմ, Երբ որևէ մասնակից վանդալություն է անում կամ խախտում է կանոնները միանգամից բլոկ չեն անում, այլ աստիճանաբար ավեցնելով ժամկետները, ինչո՞ւ այս դեպքում միանգամից բլոկի առաջարկ եղավ ադմինի համար։ Եթե հավասարության ենք ձգտում, ապա երկուստեկ պետք է լինի։ Կարծում եմ, որ 6AND5-ի ադմինական լավ հատկությունները քիչ չեն, պարզապես այս պահին լարված իրադրությունը դրդեց նրան ոչ համարժեք քայլերի։ Որևէ մասնակցի, որևէ իրադրությունում անպատվել չի կարելի։ Որոշ ժամկետով գործերից հեռանալը ըստ իս ճիշտ որոշում կլինի։ Առայժմ այսքանը։ --Beko^{Քննարկում} 17:08, 13 Փետրվարի 2015 (UTC)
4. Դեմ ամեն դեպքում 6AND5-ը շատ օգտակար բաներ է արել, ես մտածում եմ ու հավատում, որ նրա արած այն քայլերը, որոնք առիթ դարձան այս քվեարկության բացմանը, կմոռացվեն նրա արած նոր լավ քայլերով, ով գիտի, գուցե մարդը անձնական կամ ընտանեկան կամ մի այլ խնդիրներ ունի իրական կյանքում ու այստեղ դրանք արտացոլվեցին ոչ լավ ձևով, լեզուս չի պտտվում ու ձեռքս չի գնում գրելու, բայց եթե իմ գրածների հակառակը եղավ (բայց ես այդպես չեմ ուզի իհարկե), ինքս ինչպես ժամանակին առաջարկել եմ նրա ադմինությունը, այնպես էլ կանեմ հակառակը, նորից եմ ասում, հուսով եմ ու կուզեմ որ Մասնակից:6AND5-ը նորից դառնա այն մասնակիցը, որի ներդրումները հաշվի առնելով ժամանակին նրան վտսահել ենք ադմինության դրոշակ։ --ERJANIK քննարկում: 18:17, 13 Փետրվարի 2015 (UTC)
5. Դեմ, կարծում եմ արժե մասնակցին ևս մեկ հնարավորություն տալ: Այսպես թե այնպես, 6AND5-ն ահագին դրական օգուտ է տվել նախագծին: Բայց հույս ունեմ, որ հետագայում 6AND5-ը ավելի խելամիտ որոշումներ կընդունի և կզբաղվի միմիայն կառուցողական աշխատանքներով: --Արման Մուսիկյան (քննարկում) 08:02, 16 Փետրվարի 2015 (UTC)

Ձեռնպահ

1. Ձեռնպահ: Հույս ունեմ որ մի քանի շաբաթ հետո երբ կրքերը սառեն 6AND5-ը կանի անհրաժեշտ դիտարկումները և այսպիսի խնդիրներ այլևս չեն լինի... Ձեռնպահս հստակ որոշում կդառնակ երբ այս պահին ակտիվ ադմինիստրատորները քվյարկեն (ճիշտ է շուտով շուտով հավանաբար նոր ադմին ենք ունենալու, բայց կհասցնե՞ն թե ոչ ադմիները ավելի լավ կիմանան)--Աշոտ1997 (քննարկում) 10:58, 13 Փետրվարի 2015 (UTC)

Մեկնաբանություններ

Ի դեպ 6AND5-ը իր էջերի պաշտպանությունը հանեց ինչը ամեն դեպքում ես դիտարկում եմ համայնքի հետ հաշվի նստել--Աշոտ1997 (քննարկում) 11:20, 13 Փետրվարի 2015 (UTC)

Այստեղ մի քանի տեղ խոսք գնաց Վիքիպեդիայում տիրող իրավիճակի մասին: Թույլ տվեք չհամաձայնվեմ ձեր այն մտքերին, իբրև իմ պատճառով մուտք չէիք գործում Վիքիպեդիա (դուք առնվազն անկեղծ չեք) կամ Վիքիպեդիայում տիրող լարված մթնոլորտի գլխավոր պատասխանատուն ես եմ: Նախ Վիքիպեդիայում ներկայումս չկա մասշտաբային լարված իրավիճակ, պետք չէ ամեն ինչ չափազանցնել, մեկ տասնյակ մարդիկ չեն կարող իրենց ներկայացնել ամբողջ Վիքիպեդիա և երկրորդ ես չեմ գլխավոր պատասխանատուն, եթե ինչ-որ դեռահաս մոտ 17 էջ է հասցրել բացել, ներկայանում է նախկին Լիլիթ ադմինի փոխարեն և այլն, ապա այդ ամեն ինչի մեղավորը ես չեմ, անգամ եթե դա անում է վրեժ լուծելու համար: Եթե որոշակի մասնակից ասում է, որ ինքը գրելու այնպես ինչպես ուզում է մինչև իրեն չարգելափակեն, մեղավորը կրկին ես չեմ, Եթե ես Լևոն Տեր-Պետրոսյանի պատկերը առաջարկում եմ ջնջել Երևան հոդվածից (հետո մյուս բոլոր մարդկանց պատկերների հետ ջնջում եմ), իսկ մեկի համար նա կուռք է և տրամադրվում է իմ դեմ, ես կրկին մեղավոր չեմ: Ես մասամբ համաձայն կլինեի, եթե ասեին, որ ադմինը պետք է այդքան կոնֆլիկտների մեջ է չընկնի, որոշակի արտահայտություններ չանի, բայց երբ ասում են ամեն ինչի գլխավոր մեղավորը ինքն է, ապա դա առնվազն գեղեցիկ չէ: Եթե այդպես լուրջ մտածում եք Վիքիպեդիայի մասին, ապա ժամանակին չթողնեիք Գարդմանահային Գարդմանք տերմինը բոլոր հոդվածներում տարածի, գիտեք հեշտ է այդ մասնակցի համար, երբ նրա կողմից մի քանի ամիս ավելացրած տերմինը համարյա բոլոր տեղերից ջնջվեց, չթողնեիք, ինչու՞ թողեցիք, ձեզ թվում է, ես գերագույն հաճույք էի ստանում, կամ այս կյանքում ուրիշ հետաքրքրություն չունեի կամ գիտեք ես հաճույք եմ ստանում Նորայրի հաշիվները արգելափակելուց, իսկ եթե թողնենք մարդը օրեկան 10 հատ անորակ հոդված կստեղծի, ու՞ր կհասնենք այսպես, բա ինչի դեմը չեք կարում առնեք, դժվար է չէ՞, մենակ խոսելուց է հեշտ, չէ՞: Իսկ ադմիններից մեկին խորհուրդ կտամ, որ ոչ թե թեժ իրավիճակումներում խուսափի համակարգ մտնելուց, այլ համակարգ մտնի և կարծիք արտահայտի, ինչպես դա չարեց նաև Դավիթ 92 մասնակցի անժամկետ արգելափակման հարցի ժամանակ, երբ նրա անունը այդ քննարկման մեջ կար: Անկախ ամեն ինչից Վիքիպեդիան դա հանրային սեփականություն է, ոչ թե ինչ-որ անհատի, իսկ ադմինի դրոշակը պապական ժառանգություն չեմ ստացել, այսինքն ամեն դեպքում շարունակելու եմ ակտիվ լինել Վիքիպեդիայում, իսկ ժամանակը գլխավոր դատավորն է, որը ցույց կտա, որ գործելաոճն է ավելի ճիշտ, ամեն ինչ առջևում է, առայժմս այսքանը...--6AND5 (քննարկում) 19:08, 14 Փետրվարի 2015 (UTC) Հարցեր

Հարցեր Vacio֊ի կողմից

Ողջույն, նախքան քվեարկելը հարց եմ ուզում ուղղել 6AND5֊ին․ այս քվեարկության ավարտից հետո քո վարքագծում արմատական փոփոխություններ կլինե՞ն։ Եթե այո, խնդրում եմ նկարագրել։ Շնորհակալություն։ --vacio 21:10, 15 Փետրվարի 2015 (UTC)

Արդյունք

Կողմ	Դեմ	Ձեռնպահ	«Կողմ» ձայների թիվը
7	4	1	63.64 %
Քվեարկությունն ընթանում է
Ընտրվելու համար պետք է 7 «կողմ» ձայն, ընդ որում դրանք պետք է կազմեն ձայների առնվազն 66.6%-ը:
Փոխել մասնակցի իրավունքները Նորընտիր ադմինիստրատորին պետք է նշել հետևյալ էջերում. {{Վիքիպեդիայի ադմինիստրատորներ}} / {{Վիքիպեդիայի տեխադմիններ}} կաղապարներում Ցանցում գտնվող ադմինիստրատորիների ցանկ, եթե մասնակիցը հրապարակել է իր կոնտակտները Վիքիպեդիա:Ադմինիստրատորների ցանկ

Ով է կարող քվեարկել

Քվեարկությանը մասնակցելու համար, քվեարկությունը սկսելու օրվա դրությամբ մասնակիցը պետք է ունենա.

• 6 ամիս վիքիստաժ (այսինքն մասնակցային հաշիվը պետք է գրանցված լինի, ոչ ուշ քան քվեարկությունը սկսվելուց 6 ամիս առաջ):
• Նվազագույնը 1000 գործողություն, որից 500-ը հոդվածներում: Մասնակցի կողմից ավտոմատ ծրագրով, այդ թվում ԱՎԲ-ով կատարված խմբագրումները հաշվի չեն առնվում, սովորաբար պարտադիր կերպով ադմինիստրատորները պարտավոր են ստուգել մինչև 2000 խմբագրության դեպքում, մնացած դեպքերում կասկածի պարագայում:
• Վերջին մեկ ամսում 33 գործողություն, վերջին ամսվան նախորդող 3 ամիսների ընթացքում ամսական նվազագույնը մեկ գործողություն
• Ունենա գործող մեկ հաշիվ, տարբեր հաշիվներից քվեարկելու դեպքում ենթակա է անժամկետ արգելափակման:

Կասկածելի դեպքերում, օրինակ՝ նպատակային ցուցանիշ լրացնելու դեպքում հնարավոր է բոլոր ադմինների ձայների 2/3-ով քվեն չեղյալ համարել:

Ինչպես նաև ադմինների իրավունքների հեռացման դեպքում նույն պայմանները գործեն, ինչ ընտրության դեպքում, այսինքն նվազագույնը 7 կողմ ձայն, ընդ որում դրանք պետք է կազմեն ձայների 66.6%-ը: Իսկ քվեարկության ժամկետը հավասար է հարցման ժամկետին՝ 1 ամիս:

• Հատուկ դեպքերում ադմինների ընդհանուր ձայների 2/3-ով հնարավոր է ընթացիկ քվեարկության ժամկետը երկարաձգել:
• Ադմինիստրատորի նոր թեկնածուի առաջադրման կամ կարգավիճակի հեռացման հայտի մասին անպայման անհրաժեշտ է տեղեկացնել խորհրդարանում՝ բացմանը օրը: