Ռեպրիզ
Ռեպրիզ (ֆրանս․ reprise, reprendre — վերսկսել), երաժշտական որևէ հատվածի անփոփոխ կամ տարբերակային կրկնությունը։ Անփոփոխ կրկնությունը կոչվում է ստատիկ ռեպրիզ (նշվում է //։ ։// նշանով կամ da capo տերմինով), իսկ տարբերակայինը՝ դինամիկ։ Ռեպրիզի պարզագույն օրինակը անմիջական, անփոփոխ կրկնությունն է։ Անհամեմատ նշանակալից է նախապես շարադրված հատվածի կրկնությունը «տարածության» վրա, փոխակերպված վիճակում, երբ հանդես է գալիս որպես զարգացման արդյունք, այսպես կոչված, ռեպրիզային ձևերում (եռամաս, ռոնդո, ֆուգա, սոնատային ձև և այլն)։ Երաժշտական նյութի փոխակերպումը ռեպրիզում իրականացվում է լադատոնայնական, ինտոնացիոն, ռիթմական, ֆակտուրային և այլ միջոցներով, ինչպես և կառուցվածքի սեղմումով (կրճատ ռեպրիզ) կամ ընդարձակումով (ընդլայնված ռեպրիզ)։ Ռեպրիզի երևույթը ձևակազմավորման կարևորագույն սկզբունքներից է, նպաստում է ստեղծագործության ամբողջացմանը։
Ծանոթագրություններ
խմբագրել- ↑ Benward & Saker (2009). Music in Theory and Practice: Volume II, p.140-41. 978-0-07-310188-0.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |