Կալիումի բրոմիդ

Կալիումի բրոմիդը բրոմաջրածնական թթվի կալիումական աղ է։ Քիմիական բանաձևը՝ KBr։ Անգույն բյուրեղ է, խտությունը՝ 2750 կգ/մ³, հալման ջերմաստիճանը՝ 748 °C։ 100 գ ջրում 20°С-ում լուծվում է 65, 6 գ կալիումի բրոմիդ, 100 °C-ում՝ 105 գ։

Ստացումը

Արդյունաբերության մեջ

Ստացվում է պոտաշի ու երկաթի բրոմիդի (II, III) լուծույթների փոխազդեցությամբ.

4K₂CO₃+ Fe₃Br₈ → 8KBr+ Fe₃O4+ 4CO_շ

Լաբորատորիայում

Ստացվում է կալիումի հիդրոքսիդի, բրոմի և ամմիակի փոխազդեցության հետևանքով.

6KOH + 3Br₂ → 6KBr + 6H₂O + N₂ ↑

Սինթեզ սենյակային պայմաններում.

2K + Br₂ → 2KBr

Բրոմով՝ ավելի քիչ ակտիվ հալոգենի (յոդ) փոխառինումը.

2KI + Br₂ → 2KBr + I₂↓

Տեղի է ունենում ջերմային քայքայում 434 °C բարձր ջերմաստիճանի պայմաններում.

2KBrO₃ (>434°C) → 2KBr + 3O₂

Կիրառությունը

Կիրառվում է՝ որպես արծաթի բրոմիդի աղբյուր, լուսանկարչական լուսազգայուն նյութեր պատրաստելու համար։
Թեթևացնում է ալերգիաները։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 176)։