Ռենե Գոդֆրի
Ռենե Վերա Գոդֆրի (անգլ.՝ Renee Vera Godfrey), օրիորդության ժամանակ՝ Հաալ (անգլ.՝ Haalսեպտեմբերի 1, 1919, Նյու Յորք, Նյու Յորք, ԱՄՆ[1] - մայիսի 24, 1964, Լոս Անջելես, Կալիֆոռնիա, ԱՄՆ[1]), ամերիկացի դերասանուհի, երգչուհի և ֆոտոմոդել։
| Ռենե Գոդֆրի | |
|---|---|
.png) | |
| Ծննդյան թիվ՝ | սեպտեմբերի 1, 1919 |
| Ծննդավայր՝ | Նյու Յորք, Նյու Յորք, ԱՄՆ[1] |
| Վախճանի թիվ՝ | մայիսի 24, 1964 (44 տարեկան) |
| Վախճանի վայր՝ | Լոս Անջելես, Կալիֆոռնիա, ԱՄՆ[1] |
| Քաղաքացիություն՝ | ԱՄՆ |
| Մասնագիտություն՝ | դերասանուհի, երգչուհի, թատրոնի դերասանուհի, հեռուստատեսային դերասանուհի, կինոդերասանուհի և գեղեցկության մրցույթի մասնակից |
| IMDb։ | ID 0324021 |
Կենսագրություն և կարիերա
խմբագրելՌենե Վերա Հաալը, ամուսնացած ժամանակ Գոդֆրի, ծնվել է 1919 թվականի սեպտեմբերի 1-ին Նյու Յորքում (Նյու Յորք նահանգ, ԱՄՆ) հոլանդացի ադամանդագործ Էմիլ Հաալի և նրա կնոջ ընտանիքում[2]։ Նա ուներ հոլանդական և ֆրանսիական արմատներ։
11 տարեկանից նա աշխատել է որպես մոդել, իսկ լինելով ավագ դպրոցի աշակերտ՝ անցել է երեկոյան ուսուցման, որպեսզի հնարավոր լինի մոդել աշխատել օրվա ընթացքում։ Հաալը 1935 թվականին մասնակցել է «Միսս Ամերիկա» մրցույթին և 1937 թվականին՝ որպես «Միսս Նյու Յորք»։ Նա մարմնավորել է Ջոն Լա Գաթայի և նկարիչ Էդվարդ Սթայհենի, Վիկտոր Քեփլերի, Ջոն Հաթչինսի և ուրիշ նկարիչների նկարներում[3]։ Ռենեն հայտնվել է գովազդային հայտարարություններում, որոնք հրապարակվել են ազգային մակարդակով, իսկ նրա ձեռքերն ու ոտքերը եղել են Նյու Յորքի ամենատարածված լուսանկարիչների նկարներում[4]։
Այն բանից հետո, երբ կինոռեժիսորը տեսել է Ռենեի պատկերը գովազդային վահանակի վրա, նա աշխատանք է ստացել է կինոյում։
1938 թվականին նա մեկնել է Լոնդոն, որտեղ ծանոթացել է դերասան, ռեժիսոր և սցենարիստ Փիթեր Գոդֆրիի հետ, ում հետ ամուսնացել է 1941 թվականի օգոստոսի 6-ին[5]։ Նա եղել է մոտ 20 տարի մեծ Ռենեից։ 1947 թվականին նրանք ունեցել են առաջին դուստրը, իսկ 1949 թվականին՝ երկվորյակ դուստրեր։
Ռենեն հայտնվել է ինչպես ռադիոյում, այնպես էլ Անգլիայի հեռուստատեսային ծրագրերում։
Ի սկզբանե, նա մտել է կինո RKO-ում, աշխատել է Ռենե Հաալի անվան տակ և իր դեբյուտը կատարել Սամ Վուդի «Քիթի Ֆոյլ» ֆիլմում (1940) ։
Երկրորդ համաշխարհային պատերազմի ժամանակ Ռենեն և նրա ամուսինը սիրողական կախարդական շոուներով զվարճացրել են զորքերին։ Նա շարունակել է խաղալ փոքր դերեր ֆիլմերում։
Ռենեն մահացել է Կալիֆոռնիա նահանգի Լոս Անջելես քաղաքում, 1964 թվականի մայիսի 24-ին քաղցկեղից, 44 տարեկանում[6]։ Հուղարկավորվել է Գլենդելի Ֆորեստ Լաուն հուշահամալիրի գերեզմանատանը[7]։
Ընտրված ֆիլմագրություն
խմբագրել| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 1940 | ֆ | Քիթի Ֆոյլ | Kitty Foyle | Վաճառողուհի վերելակում |
| 1941 | ֆ | Քաղաքացի Քեյնը | Citizen Kane | Բժշկուհի |
| 1946 | ֆ | Գիշերային ահաբեկչություն | Terror by Night | Վիվիան Վեդեր |
| 1960 | ֆ | Քանքան | Can-Can | Այրի |
| 1960 | ֆ | Կհնձես փոթորիկը | Inherit the Wind | Միսիս Սթեբինս |
| 1960-1962 | ս | Դոննա Ռիդի Շոուն | The Donna Reed Show | Ուիլմա/ Գլորիա |
| 1960-1962 | ս | Փերի Մեյսոն | Perry Mason | Միս Ուինսլոու / Լեդի-գրադարանավարուհի |
Ծանոթագրություններ
խմբագրել- ↑ 1,0 1,1 1,2 1,3 1,4 1,5 Freebase տվյալների վերբեռնում — Google.
- ↑ Todd, John (1945 թ․ հունվարի 25). «In Hollywood». The Times. Indiana, Munster. էջ 6. Վերցված է 2018 թ․ մայիսի 17-ին – via Newspapers.com.
- ↑ «Renee Haal Posed for $10 an Hour WITH Her Clothes». The Des Moines Register. Iowa, Des Moines. 1941 թ․ նոյեմբերի 2. էջ Magazine - 3. Վերցված է 2018 թ․ մայիսի 17-ին – via Newspapers.com.
- ↑ «Perfect Model for 1942». The Minneapolis Star. Minnesota, Minneapolis. 1941 թ․ դեկտեմբերի 21. էջ Magazine - 5. Վերցված է 2018 թ․ մայիսի 17-ին – via Newspapers.com.
- ↑ «Renee Haal Wed to Film Director». The Los Angeles Times. California, Los Angeles. 1941 թ․ օգոստոսի 7. էջ 30. Վերցված է 2018 թ․ մայիսի 17-ին – via Newspapers.com.
- ↑ «Actor's Wife». The Town Talk. Louisiana, Alexandria. 1964 թ․ մայիսի 26. էջ 15. Վերցված է 2018 թ․ մայիսի 17-ին – via Newspapers.com.
- ↑ Wilson, Scott Resting Places: The Burial Sites of More Than 14,000 Famous Persons, 3d ed. — McFarland[en], 2016. — С. 283. — ISBN 9781476625997
 | Վիքիպահեստն ունի նյութեր, որոնք վերաբերում են «Ռենե Գոդֆրի» հոդվածին։ |