Trier

Trier
	Trier na karće Porynsko-Pfalcy
	Trier na karće Porynsko-Pfalcy
Wopon
	Wopon
	Wopon
Zakładne daty
stat	Němska
zwjazkowy kraj	Porynsko-Pfalca
wokrjes	bjezwokrjesne
wysokosć	137 metrow n.m.hł.
přestrjeń	117,06 km²
wobydlerstwo	110.570 (31. dec 2021)
hustosć zasydlenja	945 wob. na km²
póstowe čisła	54290–54296 (nimo 54291)
předwólba	(+49) 0651
awtowa značka	TR
Politika a zarjadnistwo
webstrona	trier.de
	wikidata: Trier (Q3138)

49.7666666666676.65

Koordinaty: 49° 46′ S, 6° 39′ W

Trier (francosce Trèves) je bjezwokrjesne němske wulkoměsto na zapadźe Porynsko-Pfalcy, blisko luxemburgskeje hranicy. Je z něhdźe 108.000 wobydlerjemi po Mohuču, Ludwigshafenje a Koblenzu štwórte najwjetše město zwjazkoweho kraja a nadeńdźe so při srjedźnej Moseli. Wokolina Triera a doł Mosele stej znatej za plahowanje wina.

Najbliše wulkoměsta we wokolinje su Saarbrücken (80 km do juhowuchoda), Koblenz (100 km do sewjerowuchoda) a Luxemburg (50 km do zapada).

Město je sydło uniwersity a fachoweje wysokeje šule, zarjadnistwa wokrjesa Trier-Saarburg a sydło Trierskeho biskopstwa, najstaršeho biskopstwa sewjernje Alpow.

Trier załoži so před wjace hač 2000 lětami wot Romjanow pod mjenom Augusta Treverorum a płaći jako najstarše město cyłeje Němskeje. Romske pomniki w Trierje – mjez druhim amfiteater, termy, Konstantinowa bazilika, měšćanske wrota Porta Nigra, romski móst nad Moselu a tachantska cyrkej – słušeja wot 1986 k swětowemu kulturnemu herbstwu UNESCO.