Mozilla Thunderbird
Wuwiwarjo: | Mozilla Foundation |
Aktualna wersija: | 38.0.1 (11. junija 2015) |
Dźěłowy system: | Windows, Mac OS X, Linux a dr. |
Kategorija: | E-mejlowy program |
Licenca: | MPL/GPL/LGPL trójna licenca |
Hornjoserbsce: | haj (wersija 38.0.1) |
Webowe sydło: | hornjoserbsce |
![](http://upload.wikimedia.org/wikipedia/commons/thumb/d/db/Mozilla_thunderbird_empty_screenshot.png/230px-Mozilla_thunderbird_empty_screenshot.png)
Mozilla Thunderbird [moˈzɪla ˈθʌndəɹˌbɜːɹd] je swobodny program za e-mejl a diskusijne skupiny załožby Mozilla Foundation.
Tutón program bazěruje na žórłowym teksće suity Mozilla a steji mj. dr. za Windows, Linux, Mac OS X, BSD, Solaris a OS/2 (tež eComStation) k dispoziciji.
Kajkosće
[wobdźěłać | žórłowy tekst wobdźěłać]Filter za čapor (spam)
[wobdźěłać | žórłowy tekst wobdźěłać]Program wobsedźi wuknjenjakmany čaporowy filter na zakładźe bayesowskeho filtra, tak zo so po krótkej dobje čapor hižo spózna a za čas dalšeho wužiwanja filtrowanske wuslědki dźeń a lěpje bywaja.
Wěstota
[wobdźěłać | žórłowy tekst wobdźěłać]Mozilla Thunderbird podpěruje wěstotne komponenty kaž elektronisku signaturu, Zaklučowanje powěsćow a certifikaty po standardźe S/MIME.
Nimo toho steji rozšěrjenje Enigmail z GnuPG/PGP Enigmail k dispozicij, z kotrymž dadźa so e-mejle tež z kličemi PGP zaklučować a digitalnje signować.
Wobsahi HTML
[wobdźěłać | žórłowy tekst wobdźěłać]Wužiwar móže mjez třomi modusami za zwobraznjenje HTML e-mejlow wuzwolić. Prěni modus zwobraznja originalny HTML. Druhi modus wobmjezuje wudáce HTML, filtruje wšě potencielnje strašne elementy HTML won. Posledni modus HTML dospołnje wupina, t. r. jenož "luty tekst" wotpowědneje powěsće so zwobraznja. Standardny modus je – originalny HTML.
Wirtuelne rjadowaki
[wobdźěłać | žórłowy tekst wobdźěłać]Wirtuelne rjadowaki pokazuja wšě powěsće, kotrež prjedy definowanym pytanskim kriterijam wotpowěduja. Zo by na pr. wšě powěsće wěsteho wotpósłarja ze wšěch rjadowakow zwobraznjene dóstało, přewjedźe so pytanje wšěch powěsćow tutoho wotpósłarja – tute pytanje da so jako wirtuelny rjadowak składować. Na rozdźěl filtrow powěsće přeco na samsnym městnje wostawaja. Najebać toho da so tutón wirtuelny rjadowak kóždy čas wočinić a hnydom so wšě wotpowědowace powěsće zwobraznjeja, byrnjež tute poprawom w rozdźělnych rjadowakach byli.
Wjacore identity
[wobdźěłać | žórłowy tekst wobdźěłać]Mozilla Thunderbird podpěruje dźělene zrjadowanje wjacorych kontow POP3 a IMAP. Po dobrozdaću dadźa so wšě konta POP3 w "globalnym kašćiku" zjednoćić.
Dalše kajkosće
[wobdźěłać | žórłowy tekst wobdźěłać]Wužiwarski powjerch Thunderbirda da so přez šaty (jendź. themes) datym potrjebnosćam přiměrić. Čitak RSS je tohorunja wobstatk programa. Z funkciju spěšne pytanje (Quick Search) steji wjace móžnosćow k dispoziciji, zo by e-mejle z hłowneho wokna won namakało.
Z pomocu rozšěrjenjow, tak mjenowanych Extensions, je móžno, programej dalše funkcije přidać. Załožba Mozilla Foundation sama platformu za to k dispoziciji staja, hdźe wuwiwarjo swoje rozšěrjenja za sćehnjenje poskićeja, ale najwjace tam poskićenych rozšěrjenjow je jendźelskorěčnych. Do němčiny přełožene rozšěrjenja so na němskim njewotwisnym portalu za rozšěrjenja poskićeja.
Rozšěrjenjow w hornjoserbšćinje je jenož jara mało. Zda so dotal, zo za to potrjeba njeje. Njejsu wšak ani spušćomne ličby, kelko ludźi hornjoserbske programy wužiwa. Za Thunderbird kaž tež za OpenOffice, Seamonkey a Mozilla Firefox je hornjoserbska prawopisna kontrola. Do spočatka 2006 bu kalendrowe rozšěrjenje wuwite, kotrež pak je zestarjene a je prašomnje, hač hišće funguje. Město toho so specielnje kalendrowe rozšěrjenje Lightning wuwiwa, kotrež wšak dotal hornjoserbsce njeje.
Prawopis
[wobdźěłać | žórłowy tekst wobdźěłać]Hač do njedawna njeběše hornjoserbska prawopisna kontrola za wšě programy Mozilla, tohodla njeběše móžno ani rozšěrjenje za to instalować. Nětko wšak w předchadnym wotrězku naspomjene rozšěrjenje k dispoziciji steji. Je planowane tute rozšěrjenje z hornjoserbskim pakćikom resp. hornjoserbskej archiwnej wersiju zip sobu dodać, tak zo budźe njetrěbne tutee rozšěrjenje ekstra sćahnyć.
Staw wuwića
[wobdźěłać | žórłowy tekst wobdźěłać]Aktualna wersija je 38.0.1 wot 11. junija 2015. Aktualna hornjoserbska wersija je 38.0.1.
Icedove, mjenowa zwada z Debianom
[wobdźěłać | žórłowy tekst wobdźěłać]Distribucija Linux Debian swoju wersiju tutoho e-mejloweho programa dla mjenoweje zwady z Mozilla Icedove přemjenuje.
Eksterne wotkazy
[wobdźěłać | žórłowy tekst wobdźěłać]- Mozilla Thunderbird hornjoserbsce
- Oficielna němske webowe sydło za Mozilla Thunderbird
- Němski projekt za přełožowanje programa Mozilla Thunderbird (z forumom)
- přiručka za 1.5 (sćehnjenje PDF, 2,35 MB, němsce)
- strona wo programach za OS/2 a eComStation (jendźelsce)
Firefox | Firefox Mobile | KompoZer | Lightning | Mozilla | Nvu | SeaMonkey | Sunbird | Thunderbird