Ekwator
Erscheinungsbild
![](http://upload.wikimedia.org/wikipedia/commons/thumb/e/e4/Wendekreise.png/220px-Wendekreise.png)
Ekwator je teoretiska linija na zemi, kotraž ma samsnu zdalenosć z wobeju polow a rozdźěluje zemju do sewjerneje a južneje połkule. Ma geografisku šěrinu wot 0° a teoretisku dołhotu wot 40.075,016686 km.
Zemski ekwator přeprěkuje Afriku, Indiski ocean, juhowuchodnu Aziju, Ćichi ocean, Južnu Ameriku a Atlantiski ocean. Mjez ekwatorom a wobrotnikomaj so tropy namakaja. Tam steji słónco dwójce w lěće w ceniće, štož wobwliwuje tež tropiske počasy.
Ekwator direktnje přeprěkuje 11 statow:
- Ekwador (kotryž ma swoje mjeno wot ekwatora)
- Kolumbisku
- Brazilsku
- São Tomé a Príncipe
- Gabun
- republiku Kongo
- Demokratisku republiku Kongo
- Ugandu
- Keniju
- Somaliju
- Indonesku
Nimo toho přeprěkuje wjacore skupiny kupow mjez jednotliwymi kupami, na přikład Malediwy. Slědowace stolicy namakaja so blisko ekwatora:
- Quito (20 km južnje ekwatora) - Ekwador
- Kampala (35 km sewjernje ekwatora) - Uganda
- São Tomé (35 km sewjernje ekwatora) - São Tomé a Príncipe
- Libreville (40 km sewjernje ekwatora) - Gabun
Wotkaz
[wobdźěłać | žórłowy tekst wobdźěłać]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)