Mahdi Aliyu Gusau

Mahdi Aliyu Gusau
Deputy Governor of Zamfara State (en) 2019 - 2023
Rayuwa
Haihuwa	Gusau, 5 Disamba 1981 (42 shekaru)
ƙasa	Najeriya
Karatu
Harsuna	Turanci Hausa Pidgin na Najeriya
Sana'a
Sana'a	ɗan siyasa da Lauya
Imani
Addini	Musulunci
Jam'iyar siyasa	Peoples Democratic Party

Mahdi Aliyu Gusau Tsohon mataimakin gwamnan jihar Zamfara, Yana ɗaya daga cikin zaɓaɓɓun mataimakan gwamnoni waɗanda suke da ƙarancin shekaru tun daga Jamhuriya ta huɗu a mulkin Najeriya. An haife shi a ranar 5 ga watan disamba a shekarar 1981, a garin Gusau, ya kuma yi karatu a kasar ingila inda ya karanta harkar Shari'a, Shi ɗa ne ga Janar Ali Gusau tsohon ministan tsaro. a jamhuriya ta hudu (Fourth Nigerian Republic).

Tsigeshi daga mataimakin gwamna

A ranar Laraba 23 ga watan Fabrairu, a shekara ta 2022. Majalisar dokokin jihar Zamfara ta tsige mataimakin gwamnan jihar Mahdi Aliyu Gusau daga muƙaminsa, wanda ba tare da ɓata lokaci ba ta maye gurbin shi da Sanata Hassan Nasiha wanda ke wakiltar gundumar Gusau ta tsakiya. Hakan ya biyo bayan amincewa da ƙudirin da shugaban masu rinjaye, Faruku Dosara na APC daga Maradun ya gabatar a zauren majalisa a Gusau. Ƙudirin ya zo ne jim kaɗan bayan da majalisar ta amince da rahoton kwamitin mai shari’a Haladu Tanko, wanda ya binciki zarge-zargen cin hanci da rashawa da ake zargin mataimakin gwamnan. Kakakin majalisar Hon Nasiru Muazu Magarya, wanda ya jagoranci zaman majalisar ya umurci magatakarda, Saidu Anka, da ya gudanar da kaɗa ƙuri'a kan tsige mataimakin gwamnan Mahdi Aliyu daga muƙaminsa. Ƴan majalisa 20 daga cikin 22 da suka halarci taron sun kaɗa ƙuri’ar amincewa da tsige mataimakin gwamnan.