Sirak achem Pustok
Romi
|
|
Sirak achem Pustok
[बदल]Sirach
.JPG)
Adlea Korarachea pustokam modem, provadianchim pustokam bhairaun, heach pustokak sompadpeachem nanv dilam : Jerusaleacho boroinnar, Jezu, Sirakacho put (polle Sir. 50/27), dekhun hea pustokak Sirakachem Pustok mhonnttat. Dusrem mhollear Ecclesiasticus, hem nanv Latin poromporentlean ieta, kiteak hem pustok Kristi somudaiamnim vapuddtale, odik-korun Povitr-Snanak apli toiari kortalet tankam.
Khub vixoi thoim melltat, punn hem pustok don mottea bhagamnim vanttum ieta : mhonn’nneancho songroh (Sir. 2/1 – 42/14), ani Devachi vakhann’nni, zhoim Israelkaranchea itihasantlea mha-mon’xanchi thoknnai mellta. Hebrevanche poramporik xikovnnechea sondhorban, Sirakachem Pustok Zannvai Devachem dennem mhonn iskuttaun sangta. Tornnatteanche akarnne khatir ani sukhacho rosto dhorche khatir hi xikounn diunk zai. zannvai mhollear venchun kaddlole porjek diloli Somurt. Israelkaranche purvoz amkam nomunne koxe dakhoita, tannim zannvaieche xokovnnen aplem unch, sugunni jivit sarlem. Doreka mon’xan Devak aplea jivitacho hixob diunk poddtolo ani tea pormannem zonn-ekleak khast vo inam’ faco zatolem.
Zannvaiechea pustokam modem hem Sirakachem Pustok soglleamvon lamb, zannvaieche xikovnnecho sonkxep dita. Dharmik ani noitik vagnnukecho gronth to. Poilem hem pustok Hebrev bhaxen boroilam, Kristachea iuga adim 200 vorsant, punn hem pustok amkam Greg bhaxantorant ak’khem mellta. Thodde adle hatborpavolliche vantte amkam mell’leat.