Jonas achem Pustok
Romi
|
Book of Jonah
![](http://upload.wikimedia.org/wikipedia/commons/thumb/7/73/137.Jonah_Is_Spewed_Forth_by_the_Whale.jpg/220px-137.Jonah_Is_Spewed_Forth_by_the_Whale.jpg)
![](http://upload.wikimedia.org/wikipedia/commons/thumb/e/e9/138.Jonah_Preaches_to_the_Ninevites.jpg/220px-138.Jonah_Preaches_to_the_Ninevites.jpg)
Dusrea provadianchea pustokam poros, Jonasachem pustok ek kothon. Hukum' moddta toslea provadiachi hea pustokant kanni asa. Poilim-poilim to aplem deivik karia chukounk proitn korta ani magir aple opekxe add aplem karia iesesvi zalam mhonn do Devak tokrar korta. Hea dhaddsachea vaurantlo vir monis razanchea dusrea pustokant asa (2Raz. 14/25) zo Jeroboam' II hache razvottke kallar jielo. Hea pustokacho hetu mhollear vachtoleak mouza haddunk ani borabor xikounk. Sorvesporan taka Niveneh xarant vochunk sanglolem. Nineveh xar hem Israelachea dusmana, Assiriechem mukhel xar aslem. Punn ho sondex gheun Jonasak thoim vochunk naka aslem. Kiteak Dev Ninevehcho kednanch bhosm korcho na mhonn taka khatri asli. Tori punn aple khuxe add tannem Devachea utrak pallo dilo. Punn xevottak taka ekdom’ dukh bhogli kiteak, tannem bhosm zatolo ho zo sondex dilolo tea pormannem ghoddlem na.
Devak aple rochnnecho khun mog asa hem hea pustokant disun ieta. Punn tea von chodd mhollear Dev itlo doiall ani movall ki To aple porjeche je dusman asat tancho porian bhosm korunk fattim ravta. Portench zalear tankam bhogxita, tankam novena suttka dita, hem hea pustokant disun ieta.