Rakshasa
| |
Romi
|
Rakxos devo ani monis hancheamodoli ek onary zata. Rakxos mhonnche aryovirodhok. Toxench bhartantoli ek adivasi zomat oxem sonxodhokachem mot asa. Doity, danou, osur ani rakxos mellun rakxososongh zata.
Voidik areank hi zat mellil'li ani ticho tankam tras zatalo mhonnpachem rigvedantlea rakxodhn suktamvoilean kolltta. Nirriti hi mrityudeuta rigvedant rakxosoch manlea. Devamni rakxosank osuramposun foddlem ani magir osurancho porabhou korun rakxosankoi dhamvddailem oxi kotha toit'tiri-i somhitent ayil'li asa. Vedant sogllekodden rakxosancho ul'lekh devanchem dusman mhonnu zata.
Rigvedant rakxosanchem vornnon oxem asa –
rakxos mayavi asat. Toxench te odbhut ani vichitr asat devo monxanche te vdextte, dosyu ani dasy hancheaporosoi duxtt kamam korpi, vdoyu (bhitor ek ani bhair ek oxe), druh (chholl korpi ), otri (khauge), krovead (borvem mas khaupi) dukhe (durzoi), yatumot (zadugiri korpi), rebh (vhoddlean add'ddun ani killancheo marun zonaurank bhieupi), hovirmoyi (yogoneantole hovicher zhopoi ghalpi), xofaruz (nakhttamni budd'ddun zonaurancho jivo kasavis korpi), oghxoms (pap kriteache proxomsok), brohmadvix (goneanache vdextte), khoinchyai zonaurachem rup gheupi va bailanchea gorbhacho ani nouzat bhurgeacho ghat korpakhatir tichea bhavachem va ghovachem rup gheun lagim yeup asat.
Rigvedantlea rakxodhn suktant tancho nax korpakhatir deutanchem magnnem kel'lem asa. Ognikoi rakxosancho samko vidhvomsok manla. Mohabharotantoi rakxoxinnivixim sangil'lem asa tem oxem-
sodeo hi gorbhon rakxoseo lobhnte prosounti cho ।
kamrupodhoraxrchoiv bhounti bohurupika: ।
orth gorbh dhorleauporant rakxosi rokhddeoch bhurgeak zolm' ditat. Itsepromann teo rupam ghetat ani rupam bodlotat rakxos hem kaxp ani khoxa hanchi sont'ti. Bubhukxit zaunoch tem zolmak ailem. Yokxank vangdda gheun te srixttikrtea brohmadevakoch khaupak gel'le. Ten'na brohmodevo bhielo ani tannem tankam tumi yokx ani rakxos hea namvancheo mhocheoch proza asat mhonnpachem sanglem rakxosanche utpot'ticheo anik don kotha asat, teo oxo – 1) poulsteaposun rakxos utpon'n zale. 2) brohmodevan udkam nirmilim ani tim rakhpakharir rakxos nirmile. Rakxosanchea ostitvachi mullavi kolpona areank axil'li. Purannamni-i rakxosancheo kotha vornnil'leo asat. Mohabharotokallameren rakxos yena lhou lhou kxudr devatanchea svorupant pavil'li dista. Zora namvachi ek rakxosinn tea kallant balorkxok deuta mbonn pujtale. Lok sahiteantoi rakxosavixim zaiteo kolpona sampddottat.
Rakxos chodd korun mosonddent va ranamni rautat. Bhomvddekarank tem bhromant uddoitat. Divo polloilear te pollun votat. Te zhaddancher rautat ani tanchea raupache suvatikoddchean vochpi monxank onkare, opchon sarkil'le updrou nirmann kortat. Jeutona zor divo paloulo zalear tache uprant uril'lem jeunn jeup na oso somoz asa. Karonn tacher rakxos zhopoi ghaltat oso somoz asa. Sanjvat laun ti ghorobhऱ bhomvddailean gupt rupan ghorant vavuropi rakxos pollun votat. Tankam aplo hat zai titlo lamb aharoi khub asta. Mohabharotantoli bokasurachi gozal hekhatir gajil'li asa. Duxtt brahmonn melea uprant brohmorakxos zatat ani tem samany rakxosamporos khub bhirankull astat oxem-i mhonnttat.
Rakxosamvixim zaiteo somzuti asat. Bharti-i loksahiteantoi rakxosancheo zaiteo kotha asat. Veg vegllea bandkamankoddenoi rakxosancho sombond layil'lo dista. Kaim hemaddoponti deullam rakxasamni nirmann kel'leachem sangtat. Ramttekauyolem ek devull rakxosamni bandlem oxi dontkotha asa. Bhartantolo vizoigoddocho sogllo kil'lo ani tachea lagincho kunddkottochos kil'lo hem rakxosonirmit asat oxi somzut asa. Modhyoprodexantolo mizhapurocho korsotta tolavo rakxosonirmitoch asa oxem mhonnttat.
Rakxos otimanovi yonintole nasun tem manouch axil'le. Dokxinnentlea kaim normamsobhkxok ani add'dandd zatink rakxos mhollam. Ary lok jen'na vindhy porvot humpun dokxinn bhartant demvlem len'na tanche ani rakxosancho somprk ailo. Areanchem hem akromonn rakxosank manoulem na ani tem areanche kott'ttor dusman zalem. Toxench tancho rong, rup ani akar hatunt vegllemponn axil'lean ary lokamni tankam duxtt yoniche manle. Kaim vidvan bhartantlea adidroviddank rakxos mantat. He rakxos dhonvoibhousompn'n axil'le, tanchi rajeam axil'lim, rajyoveustha axil'li.
Rajnoitik nodren ary ani rakxos hanchea songhrxachem vistarit vivronn ramainnantoch melltta. Mohabharotant ani purannant zori rakxosanche ul'lekh ayil'le asle tori somskritik nodren tem vhoddlexem mhotvachem nat. Mohabharotokallant rakxosanchi xokt sompot ayil'li. Ramainnant mat rakxosancho porom' utkorx ani vaitt doxa disun yeta.
Ramainnant mukheloponnan rakxosanche tin fattem distat. Dor eka fantteacho vonx vegllo asa. Tatuntoli poili virodhoxakha donddkarnneachea ut'tor bhagant rautali. Virodh tea fantteacho mukheli axil'lo. Zou ani xot hdoi hancheposun to utpon'n zalo. Vonvasi ram'- lokxmonnacher jen'na tannem hol'lo kelo ten'na tamnni taka marlo. Dusro fantto danou hea namvan prosid'd axil'lo. Ti donuchi sontot. Ticho mukheli kobondh namvan rakxos hea namvan prosid'd asun to soglleant krur ani bollixtt axil'lo. Lonketole lok hem rakxos zatint aspautale. Ho fantto pulsty ani dita hancheposun nirmannem zal'lo ani raunn ho tancho mukheli axil'lo.
Hea rakxos fantteant vidyutkex namvan ek raza dalo. Sondhyechi dhuv salkottonkotta hichekodden tannem logn kelem. Tika sukexi namvacho cholo zalo. Punn salkottonkotton zolmotach teag kelo. Xiv- parvotin kripa korun sukexichi rakhonn keli, taka vhodd ayuxy dilem ani ek vimanoi dilem. Sukexik mali, sumali ani malyovan namvache tin chole zale. Tamnni sur ani osur hea dogankoi tanchea tanchea zageamvoilean dhamvddaun gholom. Magir te aplea vangddeank gheun lonkechea kil'leant vochun raule. Rakxosancho tras somspi devamni magir vixnnuk ulo marlo. Vixnnun sogllea rakxosank lonkentlean dhamvddaile. Ten'na tem sogllem rakxos rosatollak gelo ani thoim tamnni vosti keli.
Tache uprant sumali rosatol soddun bhartachea moidani vattharant ailo. Tache koiksi namvache dhuven vixrova namvache munikodden sont'tichi magnni keli. Vixroveaposun tika raunn, kumbhokrnn, bibhixonn ani xurponnokha namvachim char bhurgim zalim. Raunnan zaito temp topxrchorea korun apunn ojinky zaucho oso brohmadevakoddchean vor melloilo. Tacho azo sumali lonkentlean gelea uprant yokxadhipoti koberan thoim aplem rajy sthaplem. Raunnan kuberak dhamvddailo ani ten'nachean lonka rakxos samrajeachi rajdhani zali. Raunnan bhartachea dorea vattharacheroi aplo odhikar dourolo. Toxench tannem rosatolloi jikhlem. Ponchouttilaginchea zonsthanant apli ut'torosomant chouki sthapon keli. Khor – duxonn hanchea odhakorasokoil 14 hozar rakxosancho soiny thoim ubem kelem. Thoinchean he rakxos gonga- yomunechea prodexancher modim modim hol'lem korit raulem. Ut'tor bhartantlea kaim prodexancher rakxosancho odhikaroi prosthapit zalo. Raunnacho putnnoyo lounnasuran mothurecher tabo melloilo. Marich rakxosan xonn ani gonga hea nhomyanchea modlea vattharacher odhikar sthaplo. Toxench raunnan ut'tor bhartantlea zaitea razancho porabhou kelo. Oyodhyecheroi tannem don khepe ghureo ghaleo. Fokot mohixmoticho raza kartoviry orzun ani kixkindhecho vali hea dogamnich tachi mosti jiroili.
Ary ani rakxos hanchemodim dusmanoponn astalem. Rakxos areanchea prodexacher vorchosv melloupak polloitale dalear areamni dokxinn bhartant apli sot'ta ani somskritayecho vistar korpak nett dil'lo. Tea kallant choddxe raje rakxosank bhieunoch vagtale. Punn raman hea sogllea rakxosancho somhar kelo. Lonkechea zhuzant raunnak marleauporant bhartachea rajkaronnantolem rakxosantem mhotv somplem.
Auychea vonxauylean rakxosam'mojim vonx choltalo. Xixttachar ani lokveuhar hanchevixim te areanchench onukoronn kortale. Kumbhokrnn zhuzak votna aplo vhoddlo bhavo raunnak bheutaddo kaddun ani obhivadan korun gel'lo. Raunn jen'na zhuzamollar gel'lo ten'na tachea puraitamni montroghox korun tachekhatir mongol kamna kel'li. Oxo zaiteo protha ary ani rakxosam'modim sarkeo axil'leo. Rakxosanchi lognam-i ognisakxint sarkeo axil'leo. Rakxosanchi lognam-i ognisakxint zatalim. Bailank ubarun haddun logn korpachi pod'dotoi tancheant axil'li.
Rakxosam'modi svostyoin namvachi manglik kria prochlit axil'li. Khoinchyai vhodd kareank bhair sorchepoilim te svostyoin kortale. Areambhaxen tankam topsyai manoutali. Punn ary rixi punny ani porlok melloupakhatir top kortalem zalear rakxos bhoutik xoktikhatir top kortale. Punn kotthor nem' pallpant rakxos areamporos fuddem axil'le. Areanche bhoxen tey yogoneyag kortale. Punn tancheant mukheloponnan yatukriach kortale. Raunn ek vhodd yagoneik ani ognihotra axil'lo. Nikumbhila rakxosanchi kuldeuta axil'li. Gupit ani rohsyomoi kriakolap achropi asunoi zaitem rakxos suxikxit axil'lem. Tanchemodim vedvidyechoi prochar zal'lo. Ved ani yogoneachem onuxtthan korpi rakxosank brohmarakxos hea namvan vollkhotalem. Raunnacho put otikai vedaparongot ani xastr zannpi axil'lo. Areanche choturvidh puruxarthoi rakxosank many axil'lem. Mohodon namvachea rakxosamn raunnache rajsobhent tanche vivechon kel'lem-i sampddotta. Rakxos somskrit bhaxai ultale. Xastranuxilonavangodda te vegvegolloi kolanchoi asvad ghotale. Sorvogone ani budhdiman oxa rakxosank raunnan aple omaty nemil'le. Tachea dorbarant koddok xist pallttale. Lonketlea rakxosanchim ghoram vhodd, somridhd ani olonkrit astalim. Ghorantolem vatauronnoi sugondhit astalem. Toxem. Udeanam nirmann korpachoi tankam chhond astalo.Purannantlea vornnonamvoilean rakxosamvixinchi sorvosadaronn kolpona oxi zal'li. Okrallovikrall, kallo deh, lomkollopi jib, vhodd dant, fuddem ayil'li khaddki, tambdde dolle, zodd'dde kems oxem tachem rup bhoyanok astalem. Punn soglle rakxos toxe naxil'le. Rongan zori tem kalle asle tori-i te samany monxabhoxen axil'le. Tancho deh mat vhodd axil'lo. Zaiteo rakxinni sobit axil'leo, oxem vornnon ramainnant sampddotta. Marutik lonkent surup ani kurup oxo donoi torancheo rakxosinni dixil'leo. Uprantchea kallant mat monxache che dusman axil'lean tancher bhoyanok rupacho arop kela asumye.
Rakxos krur yodhde axil'le. Gonimi pod'dotin te dusmanacher ghuri ghaltale. Toxench te zadu, vikh ani ognichoi proyog kortale. Apaplea senapotiche agoneen te kamam kortale. Tanchea soineant her- girichoi ek vibhag axil'lo. Ram' ani sugrivache ixttagotint futt ghalpakhatir raunnan xuk namvachea guptochorak kixkindhent ghoddil'lo.
Itlem sogllem asunoi rakxosank areanchea fuddem har khaunchi poddli. Karonn te lok yudhdosadhonam ani yudhdosonchalonant areamitole torbez naxil'le. Te bhair ary he rakxosamporos chodd bhitrole bud'diche axil'le.Rakxosanchi vrit'ti himsok axil'li dekhun xantipriy ary rixi muninchea motan rakxos hench namv tankam fautalem. Rixi muninchea yogoneant vidhvoms korop hoch tancho chhond axil'lo. Zaite khepe te yogone korpi rixinkoi jivexim martale. Raunnoi tatuntoloch axil'lo. Taka brohmaghn hem namv mellil'lem. Mohexrvor yogoneakhatir zomil'lea rixink marun te tanchem rogot piel'loxim oxem ramoinnant mhollam.
Heo soglleo gozali ramainnauylean kollttai tori-i rakxos khoreponni konn axil'le hevixim vidvanam'modim motbhed asat. Ramainn kallant areanche nodren je dhormobhroxtt zaun zatibhayer zatale tem rakxosxrennint votale oxem dista. Hea vidhanak purok oxo dekhi-i sampddottat. Toxench ekadro ary monisoi, ghrinnit opradh kel'leacho dondd mhonnun rakxos yonunt poddea, mhonnpachem hea dekhimvylean zannouta. Toxench rakxosam'modim voidik kormokandd prochlit axil'leachem zannun kaim vidvananchea motan rakxos zat hi mullant areanchoch fantto axil'lo. Punn hea fantteacho aple mull somskritikodde axil'lo sombond tuttlo ani meklleponnache vagnnukek lagun onaryonchoch fantto axil'lo. Punn hea fantteacho aple mull somskritikodde axil'lo sombond tuttlo ani to fantto poisaulo. Toxent krurta ani meklleponnache vagnnukek lagun onaryotvak geli.
Rakxos lok dokxinn bharot ani lonkeche mull raupi axil'le oxem-i dusrem ek mot asa. Aple ranoutti ovsthentolean voir yetna ramainn kallant te ordoud ranoutti ani ordoutt sobhy oxe ovsthek paule. Vonxache nodren polloilear te rigvedantolo ary dusman dosyu hache bhoxen axil'lem.
Ramainn kallant bhartachea dokxinn tonkalagim lonkent krur ani roktopipasu oxi ek manouzat rautali ha gozal mat samki khori. Dokxinnent areancho proveh tika many naxil'lo. Hech lok areanchea yogoneyagantoi vidhnam haddttalole. Tanchi vidhvosonk prourit'ti hindi mhasagorantlea zuveameren patllil'li. Areanchem dokxinnet vhoddponn sthapon zauche poilim he zatin thoim aplo xok choloil'lo. Hem adim' rakxos zatichem ovxex azoi zava zuveancher polloupak mellttat. Hem lok kallekutt'tt ani mudeallea kesanche axil'le. Toxench bhangor ani rupeache zaitem olonkar te vaprotalem.
Areancho rajki-i vistar ani thollave zomatincho taka protikar ho ary ani rakxos hanchea modlea dusmanokayecho mukhel provah dista. -ko. Vi. Som. Mom.