Xestión
![](http://upload.wikimedia.org/wikipedia/commons/thumb/4/48/Hierarquia_de_gest%C3%A3o_de_res%C3%ADduos.jpg/220px-Hierarquia_de_gest%C3%A3o_de_res%C3%ADduos.jpg)
A xestión é o conxunto de accións que se deben aplicar ou pór en marcha para que unha organización, por exemplo unha empresa, poida perseguir os obxectivos marcados na planificación empresarial e tomar decisións sobre as relacións entre os seus elementos constitutivos (persoas e tecnoloxías). Tamén se refire ao período de tempo que dura a acción de administrar, dirixir ou organizar algo.[1]
Terminoloxía
[editar | editar a fonte]Ás veces, cando se refire á xestión de empresas, emprégase o termo management en lingua inglesa.[2] Por tradución directa, o termo dirección (e alta dirección) úsase para indicar o conxunto de persoas que ocupan funcións de mando e responsabilidade (e top management denomínase "alta dirección" nun organigrama).
Etimoloxía
[editar | editar a fonte]A palabra xestión vén do latín gestio, gestiōnis, composta de gestus (feito, concluído), participio do verbo gerere (facer, xestionar, levar a cabo) e o sufixo -tio (-ción = acción e efecto).[3] Termos como xestación e xesta comparten a mesma raíz lexical de gerere, do que tamén derivan palabras como xerencia e xerundio. Engadindo un prefixo á palabra xestión, formamos conxestión, dixestión, suxestión etc.[4]
Termos relacionados
[editar | editar a fonte]Algúns termos semanticamente similares a "xestión" son administración (e por tanto administración pública, administración estatal etc.), goberno, dirección, coordinación, supervisión, planificación, estratexia ou control entre outros.[5]
Diferenza entre xestión e goberno
[editar | editar a fonte]A xestión refírese ao proceso de administrar, organizar e coordinar recursos e actividades para acadar uns obxectivos específicos. Implica tarefas operativas e tácticas no día a día dunha organización. Pola súa banda, o goberno ten un alcance máis amplo e institucional. Refírese ao sistema ou grupo de persoas que toman as decisións políticas e estratéxicas dunha organización, país ou entidade, incluíndo a creación de regulacións para guiar o funcionamento da organización, entidade, estado etc.[5]
Diferenza entre xestión empresarial e estratexia empresarial
[editar | editar a fonte]A xestión empresarial enfócase na posta en marcha e na administración das actividades diarias dentro dunha empresa para asegurar o seu funcionamento eficiente. Inclúe a supervisión de operacións, a asignación de recursos e a resolución de problemas cotiás. A estratexia empresarial refírese ao proceso de planificación a longo prazo que define os obxectivos xerais da empresa e as políticas e plans para acadar eses obxectivos. Implica a análise do ambiente competitivo, a definición da misión e visión da empresa e a toma de decisións a alto nivel para asegurar o crecemento e a sustentabilidade a longo prazo.[6][7]
Notas
[editar | editar a fonte]- ↑ "xestión". Dicionario da Real Academia Galega. Consultado o 2024-06-27.
- ↑ "xestión". aplicacions.usc.es; bUSCatermos. Consultado o 2024-06-27.
- ↑ "Gestão". Origem do Conceito (en portugués). Consultado o 2024-06-27.
- ↑ "GESTIÓN". Etimologías de Chile - Diccionario que explica el origen de las palabras (en castelán). Consultado o 2024-06-27.
- ↑ 5,0 5,1 "Essential Management Terms, Levels, and Roles". management.org (en inglés). 2022-01-18. Consultado o 2024-06-27.
- ↑ "Top management: what is it and what are its responsibilities?". SoftExpert Blog (en inglés). 2021-02-22. Consultado o 2024-06-27.
- ↑ "What Is Business Management? A Comprehensive Guide". www.personatalent.com/ (en inglés). 2024-02-09. Consultado o 2024-06-27.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Xestión ![]() |
![]() |
Vexa a entrada do Galizionario acerca de Xestión |