Vladimir Maiakovski

Vladimir Maiakovski
	;
Nome orixinal	Vladimir Vladímirovich Maiakovski
Biografía
Nacemento	Владимир Владимирович Маяковский; 19 de xullo de 1893 ; Baghdati (Imperio Ruso)
Morte	14 de abril de 1930 (36 anos); Moscova (Unión Soviética)
Causa da morte	suicidio, ferida por arma de fogo
Lugar de sepultura	cemiterio Novodevichii
Educación	Universidade Estatal Stroganov de Artes e Indústria de Moscovo (pt) ; Escola de Pintura, Escultura e Arquitetura de Moscovo (pt) ; School № 91 (Moscow) (en)
Lateralidade	manicho
Actividade
Lugar de traballo	San Petersburgo
Ocupación	cartelista, realizador, actor de cinema, director teatral, director de cinema, gravador, artista visual, actor de teatro, pintor, poeta, xornalista, actor, escritor, dramaturgo, guionista
Período de actividade	1912 - 1930
Partido político	Partido Obreiro Socialdemócrata Ruso
Membro de	LEF (pt)
Xénero artístico	Verso, poesia narrativa (pt) , Agitprop e obra de teatro
Movemento	Futurismo ruso e Futurismo
Participou en
12 de xuño de 1987	documenta 8
Familia
Cónxuxe	sen valor
Parella	Lili Brik ; Weronika Witoldowna Polonskaja ; Elli Jones ; Tatiana Yacovleff ; Natalya Bryukhanenko
Fillos	Helen Patricia Thompson; () Elli Jones
Cronoloxía
marzo de 1933-outubro de 1933	queima de libros na Alemaña nazi
Premios
	Lenin Komsomol Prize (en) ; Medal "For Diligence" (1801) (en) ;
	Sinatura
	Voz: Vladimir Maiakovski
Descrito pola fonte	Grande Enciclopedia Soviética 1969-1978, (vol:15 : Ломбард — Мезитол, sec:Маяковский Владимир Владимирович, p.542-543); UbuWeb; Bio-bibliographic Dictionary of 20th-Century Russian Writers (en)
Sitio web	v-v-mayakovsky.ru

Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.

Vladimir Vladímirovich Maiakovski, en ruso Владимир Владимирович Маяковский, nado en Bagdadi (Xeorxia) o 19 de xullo de 1893 e finado en Moscova o 14 de abril de 1930, foi un poeta e dramaturgo ruso. Unha das figuras máis relevantes da poesía rusa de vangardas de comezos do século XX. Foi iniciador do futurismo ruso: xunto con David Burliuk e Velemir Jlébnikov, publicou en 1912 o manifesto deste movemento, A labazada ao gusto do público.

Traxectoria

Fillo dun inspector forestal, naceu e pasou a infancia na aldea de Bagdadi, nos arredores de Kutaíssi. Logo da morte do seu pai, en 1906 trasladouse a Moscova onde estudou pintura. Entrou na Escola de Belas Artes, onde se encontrou con David Burliuk, que foi o grande incentivador da súa iniciación poética. Os dous amigos formaron parte do grupo fundador do chamado cubo-futurismo ruso, ao lado de Khlébnikov, Kamiênski e outros. Foron expulsados da Escola de Belas Artes. Procurando difundir as súas concepcións artísticas, realizaron viaxes por Rusia.

A súa actividade política iníciase durante o tsarismo; afiliouse ao Partido Obreiro Socialdemócrata de Rusia, o que lle ocasionará unha serie de persecucións e o cárcere. Detido en dúas ocasións, soltárono por falta de probas, pero en 1909-1910 pasou once meses en prisión. Alí emprenderá a súa obra poética e dous dos seus poemas apareceron en 1912 no libro-manifesto fundacional do futurismo ruso^[1].

Ao consumarse a vitoria da Revolución Rusa, apoiou a política cultural da administración bolxevique. Empregou unha gran diversidade de procedementos para cativar as multitudes, abarcando desde a aplicación dunha linguaxe coloquial, ocasionalmente prosaica, ata os máis refinados estilos épicos.

Varios dos seus poemas, como a Oda á revolución (1918) foron tan famosos como os seus ardorosos versos de amor, entre os que se conta Amo (1922).

Nos anos vinte Maiakovski fixo campaña internacional pola Revolución, cruzando Europa enteira e intervindo en conclaves e coloquios. Durante esta época, crea elementos prácticos de propaganda, tales como carteis e argumentos para películas recitando os seus poemas na Rusia bolxevique.

Fundou en 1923 a revista LEF (de Liévi Front, Fronte de Esquerda), que reuniu á esquerda das artes, isto é, aos escritores e artistas que pretendían xuntar a forma revolucionaria cun contido de renovación social.

Maiakovski suicidouse dun disparo na cabeza o 14 de abril de 1930 sen que se puidesen dilucidar, con claridade, as causas desa determinación; probablemente interviñeron factores emocionais, así como algunhas críticas severas polo seu expresivo 'individualismo'.

Obra

A súa obra poética, aínda que vinculada á Revolución Rusa, supera o estigma da poética revolucionaria, que algúns críticos lle asignaron por esta relación emotiva e, pola busca dunha nova forma de poetizar, chea de impresións e emocións sensuais.

A súa obra, profundamente revolucionaria na forma e nas ideas que defendeu, preséntase coherente, orixinal, vehemente, única. A linguaxe que emprega é a cotiá, sen ningunha consideración pola división en temas e palabras "poéticos" e "non-poéticos", alén dunha constante elaboración, que vai desde a invención no vocabulario até o inusitado risco das rimas.

Ao mesmo tempo, o gusto polo desmesurado, o hiperbólico, alíase na súa poesía á dimensión crítico-satírica. Creou longos poemas e quadras e dípticos que se gravan na memoria; ensaios sobre a arte poética e artigos curtos de xornal; pezas de forte sentido social e rápidas escenas sobre asuntos do día; rutas de cine arriscadas e fantasiosas.

Na súa obra teatral A chinche (1929), ridiculizou a falsidade da burguesía da súa época, porén o seu Falando a berros (1930), a grande obra épica que deixou sen concluír cualifícase como o seu legado idealista.

Notas

↑ Ohana, David (2010) The Futurist Syndrome Sussex Academic Press, páx. 109

Véxase tamén

Bibliografía

Víktor Shklovskii, Maiakovski, Anagrama, 1972.
Ángel Fernández-Santos, Maiakovski y el cine, Tusquets, 1974.

Outros artigos

Ligazóns externas

Humanismo, renacemento, revolución e futurismo. En torno a Maiakovski, por Santiago Amón (en castelán)

[1] Ohana, David (2010) The Futurist Syndrome Sussex Academic Press, páx. 109

[1]