Tractor eiruga
![](http://upload.wikimedia.org/wikipedia/commons/thumb/1/11/Leclerc_p1040882.jpg/220px-Leclerc_p1040882.jpg)
![](http://upload.wikimedia.org/wikipedia/commons/thumb/c/cb/Leclerc_p1040868.jpg/220px-Leclerc_p1040868.jpg)
![](http://upload.wikimedia.org/wikipedia/commons/thumb/6/61/American_M60A3_tank_Lake_Charles%2C_Louisiana_April_2005.jpg/220px-American_M60A3_tank_Lake_Charles%2C_Louisiana_April_2005.jpg)
Un tractor eiruga é un dispositivo de tracción utilizado principalmente en vehículos pesados, como carros de combate e tractores, ou outro tipo de vehículos. Consiste nun conxunto de elos modulares que permiten un desprazamento estábel en terreos irregulares.
A maioría das eirugas forman parte dun cinto flexíbel cun conxunto de elos ríxidos unidos uns a outros fortemente. Os elos axudan ao vehículo a distribuír o peso nunha superficie maior que a que tivese co emprego de rodas, e isto fai que poida moverse por un número maior de superficies sen afundirse debido ao seu propio peso. Por exemplo, a presión que exerce un automóbil sobre o chan é igual aproximadamente a 207 kPa, namentres que as setenta toneladas que pesa un tanque M1 Abrams exercen unha presión sobre o firme de 103 kPa.
Historia
[editar | editar a fonte]En 1826 o enxeñeiro británico George Cayley patentara unha eiruga mecánica coa denominación de "universal railway" ou ferrocarril universal. No ano 1837 o inventor ruso Dmitry Zagryazhsky deseñou unha especie de vehículo con tramos móbiles e que patentou o mesmo ano. Porén, debido a unha gran falta de fondos non puido elaborar un prototipo. Como resultado a súa patente foi esquecida no ano 1839. En 1846, o enxeñeiro británico James Boydell patentou unha "roda ferroviaria sen fin".[1] Os tractores empurrados a vapor empregaban unha forma de eiruga que foi probada pola alianza occidental durante a Guerra de Crimea na década de 1850. Unha eiruga efectiva foi inventada e construída por Alvin Lombard, que a patentou no ano 1901.[2]
Hornsby/Holt
[editar | editar a fonte]Tras o comezo das operacións de Lombard, Hornsby en Inglaterra manufacturou canto menos dous vehículos "guiados por eirugas", e a súa patente foi posteriormente adquirida por Holt en 1913, permitindo a Holt ser popularmente coñecido como o "inventor" dos tractores eiruga. Hornsby fixo unha versión para o exército británico que posteriormente sería a inspiración dun "tanque".
Construción e operación
[editar | editar a fonte]![](http://upload.wikimedia.org/wikipedia/commons/thumb/9/9e/Tracks_%28diagram%29.png/400px-Tracks_%28diagram%29.png)
Exemplos
[editar | editar a fonte]- O tractor eiruga foi o fundamento do deseño da tracción dos carros de combate.
- Os tractores cunha pa diante son os denominados bulldozers, e adoitan ser usados na construción para mover terra.
- A eiruga foi empregada nalgúns dos vehículos do campo como axuda á agricultura.
- O transbordador espacial transportábase á súa base de lanzamento mediante unha gran eiruga transportadora.
- O vehículo con eiruga máis grande do mundo é a escavadora alemá Bagger 288.
Notas
[editar | editar a fonte]- ↑ History of Charles Burrell & Sons, incluíndo imaxes da "roda ferroviaria sen fin" (arquivado).
- ↑ Working order Arquivado 14 de agosto de 2011 en Wayback Machine.. www.allroutes.to.