Starbucks

Starbucks
	; Sede da compañía en Seattle, Estados Unidos.
Tipo	Compañía pública
Fundación	1971
Localización	Seattle, Estados Unidos
Persoas clave	Zev Siegel; Jerry Baldwin; Gordon Bowker
Industria	Alimentaria
Na rede
	https://www.starbucks.com/, https://www.starbucks.ca/, https://www.starbucks.co.uk/, http://starbucks.ph/, https://www.starbucks.fr/, https://www.starbucks.de/, http://starbucks.co.id/, https://www.starbucks.co.jp/, https://www.starbucks.co.kr/index.do, https://www.starbucks.co.kr/, https://www.starbucks.es/, https://www.starbucks.com.tr/, https://www.starbucks.com.mx/, https://starbucks.co.th, https://www.starbucks.com.cn/, https://starbucks.com.my/, https://www.starbucks.com.br, https://fr.starbucks.ca/, https://www.starbucks.com.hk/, http://starbucks.com.ar/, https://starbucks.in/, https://th.starbucks.co.th/, https://www.starbucks.co.za/ e https://www.starbucks.hu/
	[ editar datos en Wikidata ]

Starbucks Corporation é unha empresa multinacional de alimentación, especializada no café, fundada en Seattle, Estados Unidos en 1971. É a compañía de café máis grande do mundo, con máis de 24 000 locais en 70 países. Starbucks vende café elaborado, bebidas quentes e outras bebidas, ademais de bocadillos e algúns produtos como cuncas e grans de café. Tamén ofrece libros, CD de música e películas.

Conta con tres establecementos en Galiza, dous na Coruña,^[1] e un na Gran Vía de Vigo.^[2]

Historia

O primeiro local co nome Starbucks foi aberto en Seattle, Washington en 1971 por Zev Siegel, Jerry Baldwin e Gordon Bowker.

No 1987 Starbucks abriu os seus primeiros locais nas aforas de Seattle e en Chicago. A empresa incorporouse á bolsa de valores o 26 de xuño de 1992, dende entón as accións tiveron un crecemento sostido alcanzando os 39 dólares en 2006.

En 1999 varios locais da cadea foron vandalizados durante as manifestacións contra o cumio da OMC en Seattle.

Impacto no medio ambiente

A empresa foi duramente xulgada e criticada por diversas prácticas consideradas antiecolóxicas, os seus insumos principalmente son sementes manipuladas xeneticamente, que contaminan a terra en varias partes do mundo, non permitindo a supervivencia de sementes endémicas, e prexudicando ao campesiñado, aos cales por este custo menor de sementes manipuladas xeneticamente lles proporciona ingresos menores, aínda que a empresa, co valor engadido, aumenteo moitas mais veces na venda dos seus produtos no libre mercado. Malia isto, cabe mencionar que non en tódalas partes do mundo é así.^[3]

En 2015 o músico Neil Young escribiu a canción A Rock Star Bucks a Coffee Shop, criticando á multinacional, polas súas prácticas contra os agricultores e por usar organismos xeneticamente modificados na agricultura.^[4]