Skyr
![](http://upload.wikimedia.org/wikipedia/commons/thumb/f/fa/De_Duitse_journaliste_Anita_Joachim_geniet_van_een_portie_skyr%2C_Bestanddeelnr_190-0483.jpg/270px-De_Duitse_journaliste_Anita_Joachim_geniet_van_een_portie_skyr%2C_Bestanddeelnr_190-0483.jpg)
![](http://upload.wikimedia.org/wikipedia/commons/thumb/8/85/17-08-05-Supermarkt-Bonus-Keflavik-RalfR-DSC_2367.jpg/220px-17-08-05-Supermarkt-Bonus-Keflavik-RalfR-DSC_2367.jpg)
O skyr é un lácteo fermentado tradicional de Islandia. Ten a consistencia do iogur grego, mais un sabor máis suave. Pode clasificarse como queixo de leite agre fresco, similar ao quark, e consómese como un yogurt nos países bálticos, Países Baixos, Alemaña e Rusia. Forma parte da cociña islandesa dende hai séculos.
O skyr ten un sabor lácteo algo agre cunha lixeira nota doce. Tradicionalmente sérvese frío, só ou con nata. Algúns fabricantes engádenlle sabores como vainilla, café ou froitas.[1]
Historia
[editar | editar a fonte]Diversas fontes islandesas medievais fan referencia ao skyr, entre elas as sagas de Egill Skallagrímsson e Grettis.[2] Con todo, non está clara a súa semellanza co skyr moderno, ao non conservarse ningunha descrición detallada do skyr deste período. Suxeriuse que se coñecía o skyr en Escandinavia na época do poboamento de Islandia, mais que acabou por ser esquecido fóra de Islandia.[3]
A palabra skyr ten relación coa voz inglesa shear (cortar), en referencia a como se separa o soro cando se corta o leite.[4]
Información nutricional
[editar | editar a fonte]É un produto alto en proteínas e baixo en graxas feito con leite descremado, con lixeiras variacións en función da marca. O orixinal ten uns 13 g de proteínas, 4 g de carbohidratos e 0,2 g de graxas por 100 g.[5]
Usos
[editar | editar a fonte]O skyr adoita mesturarse con azucre e crema de leite. O hræringur, o almorzo tradicional islandés, combina skyr e papa de avea en partes máis ou menos iguais.[6] A miúdo tamén é mesturado con marmelada ou froita para tomar como sobremesa, con peixe para a cea ou con cereais para o almorzo. Os usos contemporáneos inclúen o skyr como ingrediente en tortas de queixo, batidos ou smoothies.
Produción
[editar | editar a fonte]Na actualidade o skyr faise con leite desnatado. Este é pasteurizado ou quentado polo menos a 72-75 °C durante 15-20 segundos, e logo arrefríase a 37 °C.[7] Cunha porción pequena dunha produción anterior inclúese o cultivo bacteriano activo. Ao engadirlle o callo o leite comeza a cortarse.[8] Déixase a levedar durante 5 horas antes de ser arrefriado a 18 °C e fíltrase cun coador de tea para tirarlle o soro.[8]
As bacterias Streptococcus thermophilus e Lactobacillus delbrueckii subsp. bulgaricus, que desempeñan unha importante función na fermentación do skyr,[8] tamén son comúns á do iogur. Porén, o lévedo que se activa no atemperado intermedio asegura que o produto se converta en skyr e non en iogur.[8]
Notas
[editar | editar a fonte]- ↑ Severson, Kim (14 de setembro de 2015). "Iceland Woos America With Lamb and Skyr". The New York Times (en inglés). Consultado o 20 de xullo de 2023.
- ↑ Tirosh, Yoav (2020). "Milk, Masculinity, and Humor-Less Vikings – Gender in the Old Norse Polysystem". Limes (en inglés) 13: 136–150. ISSN 1689-5002.
- ↑ Gísladóttir, Hallgerður (1999). Íslensk matarhefð (en islandés). Mál og menning. p. 73. ISBN 9789979318460.
- ↑ Magnússon, Ásgeir Blöndal (1989). Íslensk orðsifjabók (en islandés). Orðabók Háskólans. ISBN 9789979654018.
- ↑ "Vörur". Mjólkursamsalan (en islandés).
- ↑ Ramis, Sergi (4 de marzo de 2021). "Skyr, el falso yogur que ha conquistado a 'foodies' y deportistas". La Vanguardia (en inglés). Consultado o 22 de xullo de 2023.
- ↑ Binda, Sylvie; Ouwehand, Arthur C. (2019). "Lactic Acid Bacteria for Fermented Dairy Products". En Vinderola, Gabriel; Ouwehand, Arthur C.; Salminen, Seppo; von Wright, Atte. Lactic Acid Bacteria: Microbiological and Functional Aspects (en inglés) (5ª ed.). CRC Press. p. 181. ISBN 9780429615641.
- ↑ 8,0 8,1 8,2 8,3 Gunnarsson, Björn Sigurður (11 de abril de 2003). "Hvernig er skyrgerillinn til kominn?". Vísindavefurinn (en islandés). Consultado o 22 de xullo de 2023.