Sikorsky S-76

Sikorsky S-76
Sikorsky S-76C+ Pesca 1 en agosto de 2010.
Tipo	Helicóptero
Fabricante	Sikorsky
Primeiro voo	1977
Estado	En servizo
Principais usuarios	O redor de 30 países

O Sikorsky S-76 é un modelo de helicóptero medio utilitario fabricado pola compañía estadounidense Sikorsky Aircraft, a fabricante do UH-60 Black Hawk. O S-76 conta con dous motores turboeixo, un rotor principal de catro palas e tren de aterraxe retráctil.

Usuarios

Son usuarios do modelo, servizos de preto de 30 países, entre eles os gardacostas da Xunta e o Exército do Aire español, sendo España e o Xapón dos poucos países nos que se lle dan os dous usos, o civil e o militar.

A versión militar opera, polo menos, en Arabia Saudita, a Arxentina, os Emiratos Árabes, España (8 unidades), Guatemala, Honduras, Iraq, Tailandia e o Xapón.

As versións civís voan, polo menos, en Australia, o Brasil, o Canadá, a China, os Estados Unidos, Galicia, Macau, México, Nova Zelandia, Panamá, o Reino Unido, Serbia, Suecia, Taiwán, Trinidad e Tobago e o Xapón.

O S-76 en Galicia

En Galicia teñen a súa base, dende 2005, dúas unidades S-76C+ do Servizo de Gardacostas de Galicia da Consellería do Mar da Xunta de Galicia, o Pesca 1 (matrícula EC-JES) con base en Vigo e o Pesca 2 (EC-JET) con base no Heliporto Costa Norte de Viveiro.

Galería de imaxes

• 
  Festival Aéreo de Vigo.
• 
  Outra no FAV 2009.
• 
  Un S-76 en Nova Jersey.
• 
  S-76A en Nova Zelandia

Véxase tamén

Ligazóns externas

• Blog (non oficial) do Pesca 1 (en castelán).
• S-76C++ na páxina de Sikorsky Aircraft Arquivado 25 de decembro de 2009 en Wayback Machine. (en inglés).
• Los ángeles del mar de Galicia han salvado ya a 1.321 náufragos, artigo en La Voz de Galicia, 11-08-2010 (en castelán).