Shahzoda
![]() (2012) ![]() | |
Nome orixinal | (uz) Zilola Bohodir qizi Musayeva ![]() |
---|---|
Biografía | |
Nacemento | 28 de xullo de 1979 ![]() Fergana (pt) ![]() ![]() |
Datos persoais | |
País de nacionalidade | Uzbekistán ![]() |
Altura | 1.700 mm ![]() |
Actividade | |
Ocupación | cantante , actriz , actriz de cinema ![]() |
Período de tempo | Século XXI ![]() |
Período de actividade | 1998 ![]() |
Xénero artístico | Música pop e folk-pop ![]() |
Instrumento | Voz ![]() |
Páxina web | shakhzoda.ru ![]() |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Zilola Bahodirovna Musayeva, nada en Fergana o 28 de xullo de 1979 e máis coñecida polo nome artístico de Shahzoda, é unha cantante a actriz[1] uzbeka.
Traxectoria
[editar | editar a fonte]![](http://upload.wikimedia.org/wikipedia/commons/thumb/4/4a/Shahzoda_in_Bishkek.jpg/220px-Shahzoda_in_Bishkek.jpg)
Ao pouco de nacer, en 1980, por mor do traballo de seu pai, o sociólogo e filósofo Bahodir Musayev[2] a familia aveciñouse en Moscova e Shahzoda viviu alí ata que en 1987 se estableceu en Tashkent. No instituto coñecera a Aziza Halilova coa que formou tras pasar un par de anos nunha universidade de Kíiv a banda de pop Jonim, que se fixo famosa coa canción "Qarama ko'zlarimga" en 1999. O ano seguinte a banda desfíxose, e as dúas compoñentes, Aziza e Shahzoda, comezaron carreiras en solitario, e así xa como Shahzoda publicou en 2002 o seu primeiro sinxelo "Bor ekan" que se converteu nun éxito en Uzbekistán e que a animou a publicar un álbum, co título homónimo ao do sinxelo.
O seu segundo álbum Baxt bo'ladi apareceu en 2003 e foi tamén un éxito. O terceiro, Keragimsan, saíu en 2004 e como os anteriores foi un éxito de vendas. Tamén foron éxitos en radio e televisión os sinxelos "Baxtliman", "Sevgi" e "Tamannozi". Realizou un dueto, "Qayt", co rapeiro Shohruh, que recibiu opinións positivas da crítica. O seu sinxelo "Hayot ayt" formou parte da banda sonora do filme Fotima va Zuhra que protagonizou a propia Shahzoda. O cuarto álbum Baxtliman saíu en 2005
Ademais de en uzbeco, tamén cantou temas en taxico como "Manu tanho" e "Naghz mebinam" que tiveron boa acollida en Taxiquistán. Tamén gozaron de certa fama en Rusia os seus sinxelos en ruso "1000 i Odna Noch" e "Mezhdu Nebom i Zemley", en colaboración co Dj Smash e que chegou en 2009 á oitava posición das listas da Muz-TV[3] e a partir de 2012 principiou a lanzar cancións en inglés, como "Afghana", "All Alone feat Akcent" e "Flying Tonight". Para alén tamén gravou cancións en persa e casaco. As súas cancións son no estilo pop occidental con algúns elementos da música tradicional uzbeka[4] e é popular na antigas repúblicas soviéticas de Asia central[5].
Como actriz Shahzoda interpretou papeis destacados en varios filmes uzbekos. Protagonizou en 2006 Fotima va Zuhra, con boa recadación no país e tamén realizou papeis principais en Zumrad va Qimmat en 2007 e en O Maryam, Maryam en 2012.
Álbums
[editar | editar a fonte]Ano | Título |
---|---|
2002 | Bor ekan |
2004 | Baxt boʻladi |
2004 | Keragimsan |
2005 | Baxtliman |
2007 | Assalomu alaykum |
2009 | Sevgi bor |
2009 | Unutmadim |
2009 | Между небом и землёй |
2010 | Tilayman |
2011 | Qora koʻzlaring |
2012 | All Alone |
2013 | Bu Muhabbat |
2014 | Sen Menga Kerak |
2015 | Rahmat Hayot |
2017 | Xasta |
2018 | Bir Muhabbat Qissasi |
2019 | Chunki bu Biz |
Notas
[editar | editar a fonte]- ↑ "Концерты Шахзоды проходят при аншлагах". Gazeta. 7 de maio de 2013. Arquivado dende o orixinal o 24 de setembro de 2015. Consultado o 26 de setembro de 2020.
- ↑ "«Мы были в политическом запрете», — певица Шахзода о том, как она попала под запрет из-за своего отца". UPL 24. 1 de marzo de 2020.
- ↑ "Звезды узбекской эстрады выступят с концертами в Душанбе". Radio Azattyk. 10 de abril de 2017.
- ↑ Abazov, Rafis (2007). Culture and Customs of the Central Asian Republics. Greenwood. p. 156.
- ↑ "Shahzoda, la mediática artista que estará en el Cádiz-Málaga". Malaga Hoy. 15 de febreiro de 2020.