SAMPA

O Speech Assessment Methods Phonetic Alphabet ou SAMPA é un alfabeto fonético leXible por computador mediante caracteres ASCII de 7 bits. Está baseado no Alfabeto Fonético Internacional ou IPA.

Foi desenvolvido por ESPRIT information technology research and development program pertencente á que era Comunidade Económica Europea (actual Unión Europea) nos anos oitenta. O propósito inicial era aplicalo a seis idiomas europeos. Tentaron utilizar o maior número posible de símbolos do IPA, pero cando iso non era posible, empregaron símbolos alternativos. Por exemplo, [@] para o son vocálico débil do inglés schwa, [2] para o son vocálico do francés deux e [9] para o son vocálico do francés neuf.

Hoxe en día, SAMPA desenvolveuse oficialmente para todos os sons das linguas que aparecen a continuación:

• Alemán
• Árabe
• Búlgaro
• Cantonés
• Checo
• Danés
• Eslovaco
• Escocés
• Español
• Estoniano
• Holandés
• Inglés
• Francés
• Grego
• Hebreo
• Húngaro
• Italiano
• Noruegués
• Polaco
• Portugués
• Romanés
• Ruso
• Serbio
• Sueco
• Tailandés
• Turco

Os caracteres ["s{mp@] representan a pronuncia do nome de SAMPA en inglés. Do mesmo xeito que o IPA, SAMPA adoita pecharse entre corchetes cadrados, que non pertencen ao alfabeto propiamente dito e tan só cumpren unha función diferenciadora para indicar que son caracteres fonéticos e non texto de escritura regular.

Problemas do SAMPA

As táboas de SAMPA tan só son válidas naquelas linguas para as que están deseñadas. As táboas das distintas linguas non son compatibles entre si e iso crea conflitos entre as distintas linguas. Como consecuencia, SAMPA non se pode utilizar como unha representación alternativa en ASCII ao alfabeto xeral da IPA. X-SAMPA creouse para solucionar ese problema. Este outro código prové unha soa táboa sen diferenzas específicas entre linguas.

Véxase tamén

Bibliografía

• Ranchhod, Elisabeth & J. Mamede, Nuno (2002). Advances in Natural Language Processing: Third International Conference, PorTAL 2002, Faro, Portugal, June 23–26, 2002. Proceedings (Lecture Notes in Computer Science). (1st ed.). Springer. ISBN 3-540-43829-7.
• L. DeMiller, Anna & Rettig, James (2000). Linguistics: A Guide to the Reference Literature (2nd ed.). Libraries Unlimited. ISBN 1-56308-619-0.
• Lamberts, Koen & Goldstone, Rob (2004). Handbook of Cognition. Sage Publications Ltd. ISBN 0-7619-7277-3.

Ligazóns externas

• SAMPA
• Sons do inglés en SAMPA
• SAMPA do escocés Arquivado 11 de agosto de 2003 en Wayback Machine.
• (en inglés) Táboa de equivalencia IPA-SAMPA polo Laboratorio de Fonética da Universidade de Turín, Italia