Radomiak Radom
Radomiak Radom | ||||
---|---|---|---|---|
Nome | Radomiak Spółka Akcyjna | |||
Alcume(s) | Zieloni (Os verdes) | |||
Fundación | 1910 | |||
Estadio | Stadion im. Braci Czachorów | |||
Inauguración | 1925 | |||
Capacidade | 8.840 | |||
Presidente | ![]() | |||
Adestrador | ![]() | |||
Liga | Ekstraklasa | |||
2022/23 | 10º | |||
Na rede | ||||
https://radomiak.pl/ | ||||
| ||||
O Radomiak Spółka Akcyjna, coñecido popularmente como Radomiak Radom, é un club de fútbol con sede en Radom, Polonia. Foi fundado en 1910 e compite na Ekstraklasa, a máxima categoría do fútbol polaco. Xoga os seus partidos como local no Stadion im. Braci Czachorów.
Historia
[editar | editar a fonte]En 1910, os gobernantes rusos de Polonia deron permiso para a fundación do Radomskie Towarzystwo Sportowe (Asociación Deportiva de Radom), club que constaba de cinco seccións: fútbol, ciclismo, tenis, patinaxe sobre xeo e ximnasia. En 1911, o equipo de fútbol xogou o seu primeiro partido: unha derrota por 5-2 ante o Stella Warsaw.[1]
En 1924, a Asociación Deportiva Radom conseguiu o ascenso á Clase B de Varsovia, que era o segundo nivel do sistema de fútbol polaco nese momento (a Ekstraklasa non se estableceu ata 1927). En 1925 conseguiron o ascenso á Clase A de Varsovia, e en 1928 todos os equipos de Radom foron trasladados á Liga de Kielce, que incluía as cidades de Radom, Kielce, Częstochowa e a rexión de Zagłębie Dąbrowskie . O equipo gañou o ascenso á Kielce League (Clase A), vencendo a Hakoah Będzin e KS Sosnowiec. Despois de gañar a Liga de Kielce, o Radom xogou o play-off de ascenso á Ekstraklasa, onde foi derrotado tanto polo Podgórze Kraków como polo Naprzód Lipiny.[1]
Durante o resto da década de 1930, o Radom foi un dos mellores equipos da liga, pero non logrou acadar a máxima categoría do fútbol polaco. Durante a segunda guerra mundial, o equipo deixou de existir e regresou en abril de 1945 nun partido contra o Czarni Radom. En 1947, tras gañar os partidos rexionais, o Radom volveu xogar os play-offs da Ekstraklasa e perdeu ante o Widzew Łódź. Mentres tanto, en abril de 1945 fundouse en Radom o Klub Sportowy Bata. Este nome mantívose en uso ata xullo de 1945, cando o equipo pasou a chamarse Klub Sportowy Radomiak. O novo equipo gañou os partidos rexionais e tamén o campionato de Varsovia tras vencer Polonia Warszawa.[1]
En 1946, o Radomiak xogou os play-off rexionais para o Campionato de Polonia de 1946 . Derrotaron ao KS Lublinianka por 5–0 e finalmente perderon por 3–1 ante o ŁKS Łódź. O 19 de xullo de 1947, Marian Czachor converteuse no primeiro xogador do Radom en xogar coa selección de Polonia, nun partido contra Romanía.
En 1948, o Radomiak entrou na nova segunda división, na que permaneceu ata 1952. Durante varios anos, o Radomiak xogou na terceira e cuarta divisións. En 1967, o club fusionouse coa Radomskiego Koła Sportowego, créandose o Radomski Klub Sportowy "Radomiak”. En 1969, o equipo obtivo o ascenso á segunda división, pero axiña volveu descender, do mesmo xeito que ocorreu en 1974. En 1977, o Radomiak volveu á segunda división, pero nesta ocasión, foi quen de manterse na categoría durante varios anos. Na tempada 1982/83 acadou o segundo posto só por detrás do Motor Lublin. Finalmente, o 20 de xuño de 1984, o club conseguiu o ascenso á Ekstraklasa tras vencer ao Hutnik Warszawa por 2–1.[1]
![](http://upload.wikimedia.org/wikipedia/commons/thumb/b/bf/Radomiak_22-09-1984.jpg/220px-Radomiak_22-09-1984.jpg)
No histórico primeiro partido do Radomiak na Ekstraklasa, o club derrotou na casa ao Bałtyk Gdynia por 3-0. Ao remate do outono o equipo ocupaba o quinto lugar da clasificación, a sete puntos do líder da liga, o Legia Warszawa. Con todo, os resultados empeoraron no resto da competición e o Radomiak acabou descendendo xunto co Wisła Kraków. En 1989 descendeu á terceira división e volveu á segunda en xuño de 1993. Con Rafał Siadaczka como mellor xogador, o equipo de Radom terminou a tempada 1993/94 no cuarto lugar. Na tempada seguinte, con todo, descenderon de novo.
Na 2003/04, O Radomiak terminou segundo na terceira división, obtendo o ascenso á segunda división tras derrotar ao Tłoki Gorzyce nos play-off de ascenso. Na 2004/05 evitou o descenso despois de gañar unha vez máis ao Tłoki Gorzyce, esta vez nos play-offs de descenso, pero ao ano seguinte perdeu os play-off ante o Odra Opole e descendeu á terceira categoría.
Na 2020/21, Radomiak proclamouse campión da a I Liga, regresando así á Ekstraklasa por primeira vez en 36 anos.[2]
Notas
[editar | editar a fonte]- ↑ 1,0 1,1 1,2 1,3 "Historia". radomiak.pl (en polaco). Arquivado dende o orixinal o 11 de setembro de 2015. Consultado o 20 de setembro de 2023.
- ↑ "1. liga: Radomiak Radom i Bruk-Bet Termalica Nieciecza z awansem" (en polaco). 13 de xuño de 2021. Consultado o 20 de setembro de 2023.