Piazza Venezia
Coordenadas: 41°53′47″N 12°28′57″L / 41.89639, -12.48250
![](http://upload.wikimedia.org/wikipedia/commons/thumb/0/0a/Roma_Piazza_Venezia.jpg/250px-Roma_Piazza_Venezia.jpg)
A Piazza Venezia é unha das prazas de máis sona da capital italiana, que leva o nome polo Palazzo Venezia. Atópase no centro de Roma, ó pé do Capitolio (Campidoglio, en italiano), no centro de comunicacións onde conflúen os principais eixos viarios da cidade: polo norte, a via del Corso que leva cara á piazza del Poopolo; cara ó sueste a Via dei Fori Imperiali que leva cara ó Foro Romano e ó Coliseo; cara ó suroeste, a Via del Teatro di Marcello, onde se atopan os restos do teatro e cara ó leste a Via Quattro Novembre que, en dirección oeste, colle o nome de Via del Plebiscito. Como é o centro de comunicacións, conflúen moitas liñas de autobús, unha parada de tranvía e está previsto que no ano 2020, aproximadamente, se inaugure unha parada de metro da nova liña C do suburbano romano. Precisamente, durante as obras realizadas no ano 2009 atopáronse uns restos arquelóxicos que se atribúen ó Athenaeum do emperador Hadriano.
O perfil da praza está dominado polo monumental Monumento Nacional a Vítor Manuel II, o primeiro rei da Unificación italiana, coñecido tamén polo nome de Vittoriano. Dende 1921, nel está situada a Tumba ó Soldado Descoñecido (Tomba del Milite Ignoto, en italiano).