Olympic Airlines

Olympic Airlines
IATA OA	OACI OAL	Indicativo OLYMPIC
Fundación		6 de abril de 1957
Fin das operacións		29 de setembro de 2009 (converteuse en Olympic Air)
Subsidiarias		Macedonian Airlines
Frota		43
Destinos		50

Olympic Airlines - Liñas Aéreas de Grecia foi a compañía de bandeira de Grecia até setembro de 2009.

Historia e características

A súa base principal atopábase no Aeroporto Internacional de Atenas, con bases secundarias no Aeroporto Internacional de Tesalónica, así como na illa de Rodas. Nos seus últimos anos, Olympic operaba unha rede de 11 destinos intercontinentais, 22 europeos e 34 domésticos. A compañía contaba, a data de decembro de 2007 con 8.500 empregados.

Olympic Airlines era membro de IATA e obtivo o certificado IOSA (IATA Operational Safety Audit) que certifica a seguridade nas operacións da compañía.

O 6 de marzo de 2009, o Estado grego anunciou que chegara a un acordo para vender a compañía ao fondo de investimento grego Marfin Investment Group, pondo fin a 30 anos de participación estatal. O 29 de setembro de 2009 cesou as súas operacións e a maior parte dos seus voos e a nova compañía Olympic Air empezou a operar. O 31 de decembro de 2009 cesou todos os seus voos.