Multicast
![](http://upload.wikimedia.org/wikipedia/commons/thumb/3/30/Multicast.svg/250px-Multicast.svg.png)
No mundo das redes de computadores, as transmisións multicast son as que se fan entre un equipo e un conxunto de equipos do resto da rede.[1]
As transmisións multicast úsanse para enviar datos a grupos concretos de equipos da rede, tipicamente emisións de vídeo ou son, que ocupan un ancho de banda apreciable e que colapsaría a rede se fosen transmitidas en forma de broadcast. As emisións multicast chegan só aos equipos que pertencen ao grupo ao que vai dirixido a transmisión, coa particularidade de que é elección do equipo pertencer a algún grupo multicast ou non pertencer a ningún, a diferenza do broadcasting, no que as transmisións chegan a tódolos equipos da rede de maneira indiscriminada. En IP existe un grupo especial de enderezos (enderezos de clase D) usados para crear grupos multicast.[1]