Milicia
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Dende o punto de vista etimolóxico, milicia pode referirse a facer a guerra e disciplinar aos soldados para este efecto.[1] Do mesmo xeito, tamén caracteriza o servizo ou profesión militar ou un conxunto de tropa ou xente de guerra.
Con todo, o termo milicia utilizouse tamén, nun sentido máis restrinxido, para referirse a unha forza militar composta soamente de cidadáns, os cales se dedican á defensa do seu pobo ou nación, a aplicación da lei de emerxencia, ou de paramilitares de servizos, en momentos de emerxencia, e que non reciben ningún salario regular nin se comprometeron a un prazo fixo de servizo. Trátase dunha polisemia con múltiples significados distintos pero relacionados.
En xeral, unha milicia é o grupo formado pola unión de varios cidadáns que se organizan para proporcionar defensa ou servizos paramilitares a unha causa, sen recibir paga de forma regular ou estar adscritos á mesma por un período prefixado (a diferenza dun soldado regular), e de forma voluntaria (a diferenza dos membros dunha leva ou substitución obrigatoria). O membro dun destes grupos é, por extensión, un miliciano ou unha miliciana.[2]
A milicia pode comportarse ocasionalmente como exército regular ou como guerrilla, segundo a relación de forzas que teña con cada opoñente en concreto.
Etimoloxía
[editar | editar a fonte]
O termo milicia provén de raíces latinas e fai referencia á actividade militar. Segundo os países e a época, o termo ten diferentes usos ou connotacións, pero o habitual é aplicar o termo miliciano a combatentes non integrados nun exército regular.
- miles /miːles/: soldado
- -itia /iːtia/: un estado, actividade, calidade ou condición de ser
- militia /mil:iːtia/: servizo militar
Significados
[editar | editar a fonte]A palabra pode ter varios significados dependendo do seu contexto. Os significados legais e históricos de milicia inclúen:
- Actividade ou servizo de defensa dunha comunidade, o seu territorio, habitantes, propiedades e leis.
- O conxunto da poboación dispoñible para ser chamada ás armas nunha comunidade, pobo, rexión ou estado.
- Un subconxunto destes que poden ser legalmente penalizado por non responder a unha chamada de seguimento.
- Un subconxunto destes que en realidade responde a unha chamada de seguimento, independentemente da obrigación legal.
- Un exército de reserva oficial, composto por cidadáns soldados; pode recibir distintos nomes segundo as leis ou costumes do país, como forza de reserva militar ou Garda Nacional.
- As forzas nacionais de policía dun país, sobre todo nos antigos estados socialistas como a URSS ou os ex-membros do Pacto de Varsovia, militsia.
En calquera destes casos, unha milicia é distinta dun exército regular. Pode servir para suplementar as forzas armadas, ou pode oporse a elas, por exemplo, como resistencia a un golpe de estado militar. Este era o caso dos milicianos galegos e españois, voluntarios que non estaban integrados no exército regular republicano que combateu na guerra civil española.
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para milicia.
- ↑ Definicións no Dicionario da Real Academia Galega e no Portal das Palabras para miliciano.
