Louis Sullivan

Louis Sullivan

Nome orixinal	Louis Henry (Henri) Sullivan
Biografía
Nacemento	3 de setembro de 1856 Boston, Estados Unidos de América
Morte	14 de abril de 1924 (67 anos) Chicago, Estados Unidos de América
Lugar de sepultura	cemiterio Graceland
Educación	Escola Nacional Superior de Belas Artes (1874–1876) Instituto de Tecnoloxía de Massachusetts Boston English High School (en)
Actividade
Ocupación	arquitecto, deseñador
Movemento	Escola de Chicago (arquitectura)
Profesores	Frank Furness (pt)
Alumnos	Frank Lloyd Wright
Obra
Obras destacables (1903) Holy Trinity Cathedral (en)
Arquivos en	Art Institute of Chicago
Premios
Fellow of the American Institute of Architects (en)
Descrito pola fonte	Obálky knih,

Louis Henry (Henri) Sullivan, nado o 3 de setembro de 1856 en Boston e finado o 14 de abril de 1924, foi un arquitecto estadounidense, considerado un dos pais da Arquitectura Moderna. É considerado por moitos como o creador do moderno rañaceos. Foi un influente arquitecto e crítico pertencente á Escola de Chicago. Considérase ademais o mentor de Frank Lloyd Wright.

Traxectoria

Estudou arquitectura no Instituto de Tecnoloxía de Massachusetts, estabelecéndose logo en Chicago no ano 1873. Asóciase coa construción da primeira xeración de rañaceos americanos. Nesa época os avances na tecnoloxía do aceiro, permitían construír edificios máis altos e espazosos do que era posíbel con anterioridade, ao mesmo tempo o desenvolvemento de novos ascensores e montacargas levados a cabo por Otis permitiu o movemento vertical con maior fluidez.

Traballou con moitos outros arquitectos como Frank Furness, William LeBaron Jenney e Dankmar Adler; foi mestre de Frank Lloyd Wright, que sempre se referiu a el como o seu 'lieber meister'.

Obras destacadas

Edifício Wainwright, Saint-Louis.

A partir dos anos 1890, lánzase á construción de rañaceos con estrutura de aceiro e cuberta plana, que gardan unha división tripartita:

• Wainwright Building, St. Louis, Missouri, (1890-1891).
• Stock Exchange, Chicago, (1893-1894).
• Guaranty Building, Buffalo, Nova York, 1894-1895).
• O Auditorium Building, Chicago (Auditorio de Chicago, acabado en 1889): trátase dun complexo con teatro, oficinas e un hotel de 10 plantas.
• Edificio Wainwright, St. Louis (1890).
• Almacéns Carson Pirie Scott, Chicago (1899).
• National Farmer's Bank, Owatanna, Minnesota (1908).
• Merchants' National Bank, Grinnell, Iowa (1914).

Ademais publicou dous libros que difunden as súas ideas: « Kindergarten Chats » (Charlas de xardín de infancia) e « Autobiography of an Idea » (Autobiografía dunha idea).