Lonicera
| Lonicera | |||||||||||||
|---|---|---|---|---|---|---|---|---|---|---|---|---|---|
 Lonicera caprifolium | |||||||||||||
| Clasificación científica | |||||||||||||
| |||||||||||||
| Especies | |||||||||||||
|
Ver texto. | |||||||||||||
Lonicera é un xénero de plantas con flores pertencente á familia Caprifoliaceae. As especies incluídas dentro deste xénero normalmente son coñecidas polo nome popular de madreselvas[1] ou chuchameles[2] (ademais dos múltiplos nomes vulgares en galego das diferentes especies).
Son arbustos arqueados ou parras sarmentosas, a maioría con doces fragrancias, flores con forma de campá. Hai unhas 180 especies de madreselvas.
Etimoloxía
[editar | editar a fonte]Sábese que o termo madreselva se usou durante moito tempo para designar as especies integrantes do xénero Lonicera, aínda que este apelativo deberíase aplicar só para designar a especie Lonicera caprifolium L., planta sarmentosa que se encontra nos bosques europeos, e chamar todas as demais simplemente como loniceras.[Cómpre referencia]
O termo "Lonicera" foi usado por primeira vez por Linné en 1753 adaptando ao latín o apelido "Lonitzer", en honra ao botánico Adam Lonitzer (1528-1586), médico que exerceu en Frankfurt.[3]
Outros nomes vulgares
[editar | editar a fonte]En galego existen multitude de nomes para as diferentes especies de Lonicera, ás veces uns mestúranse con outros. Entre eles: madreselva (var. madresilva), cabrifollo (var. cadrifollo), herba salgueira, bigorda, chuchamel (zugameles, sugamés, zugos), altasebes, garnicela etc.
Descrición
[editar | editar a fonte]As follas son opostas, ovais simples, e de 1–10 cm de lonxitude. A maioría son caducifolias e algunhas son perennifolias. Moitas das especies presentan flores que presentan un olor perfumado, producindo un doce néctar comestible. A froita é unha baga de coloración roxa, azul ou negra contendo varias sementes; na maioría das especies as bagas son levemente tóxicas, porén algunhas (como a Lonicera caerulea) teñen bagas comestibles. Estas plantas son a base de alimentación das larvas dalgunhas especies de Lepidoptera.
A madreselva xaponesa e a madreselva de Amur (Lonicera maackii) están consideradas como plantas invasoras en EUA e Nova Zelandia. As madreselvas poden ser controladas: cortándoas, queimándoas, ou queimando as raíces e repetindo a operación ás dúas semanas até que as reservas das raíces se esgoten.
Usos
[editar | editar a fonte]A Lonicera xylosteum é unha planta usada en homeopatía para tratamento de asmas, dificultades respiratorias e sífilis. A Lonicera periclymenum é usada como remedio homeopático para o tratamento da irritabilidade con explosións violentas.
A Lonicera caprifolium é moi apreciada como planta ornamental, debido ás súas bonitas e aromáticas flores.
Especies
[editar | editar a fonte]Especies máis comúns en Galiza
[editar | editar a fonte]- Lonicera periclymenum, herba salgueira, chuchamel;
- Lonicera caprifolium, cabrifollo dos xardíns;
- Lonicera implexa, cadrifollo, cabrifollo, chuchamel;
- Lonicera pyrenaica, madreselva dos Pireneos;
- Lonicera xylosteum
- Lonicera japonica, madreselva do Xapón, (introducida e naturalizada).
Listaxe xeral de especies
[editar | editar a fonte]- Flora americana
- Lonicera albiflora Torr. & A.Gray
- Lonicera arizonica Rehder - madreselva de Arizona
- Lonicera caerulea Gueldenst.
- Lonicera canadensis Muhl. ex Roem. & Schult. - madreselva do Canadá
- Lonicera chrysanthaTurcz. ex Ledeb.
- Lonicera ciliosa (Pursh) Poir. ex DC.
- Lonicera conjugialis Kellogg
- Lonicera dioica
- Lonicera flava
- Lonicera fragrantissima
- Lonicera hirsuta - madreselva pilosa
- Lonicera hispidula
- Lonicera interrupta - madreselva chaparral.
- Lonicera involucrata - madreselva de bagas de oso
- Lonicera korolkowii
- Lonicera morrowii
- Lonicera oblongifolia
- Lonicera orientalis
- Lonicera reticulata
- Lonicera sempervirens - madreselva trompeta
- Lonicera standishii
- Lonicera subspicata
- Lonicera utahensis - madreselva de Utah
- Lonicera villosa
- Flora asiática
- Lonicera japonica - madreselva do Xapón, naturalizada en toda Europa
- Lonicera maackii (Rupr.) Maxim. - madreselva de Maack Amur
- Lonicera ruprechtiana - madreselva de Manchuria
- Lonicera tatarica - madreselva de Tataria
- Flora europea
- Lonicera alpigena - madreselva dos Alpes
- Lonicera arborea
- Lonicera biflora
- Lonicera caerulea - madreselva azul
- Lonicera caprifolium - cabrifollo dos xardíns
- Lonicera etrusca- madreselva etrusca
- Lonicera glutinosa
- Lonicera hellenica
- Lonicera implexa- cabrifollo
- Lonicera nigra - madreselva negra
- Lonicera nummulariifolia
- Lonicera periclymenum - herba salgueira, cabrifollo, bigorda, chuchamel, zugameles
- Lonicera pyrenaica - madreselva dos Pireneos
- Lonicera spendida
- Lonicera stabiana Pasq. (madreselva de Stabia) endémica de Italia
- Lonicera xylosteum - madreselva das faias
Híbridos naturais
[editar | editar a fonte]- Lonicera x bella
- Lonicera x heckrottii
- Lonicera x minutiflora
- Lonicera x notha
- Lonicera x xylosteoides
Notas
[editar | editar a fonte]Véxase tamén
[editar | editar a fonte] |
Wikimedia Commons ten máis contidos multimedia na categoría: Lonicera  |
 |
Wikispecies posúe unha páxina sobre: Lonicera |
Bibliografía
[editar | editar a fonte]- Harry Garms: Pflanzen und Tiere Europas, Taschenbuchausgabe, München (dtv) 1969, ISBN 3-423-03013-5
- Rubina Akhter: Lonicera in der Flora of Pakistan: En liña.
- Sunset Western Garden Book, 1995:606–607
- Werner Rothmaler: Exkursionsflora für die Gebiete der DDR und der BRD, Gefäßpflanzen. 1. Aufl., Volk und Wissen Volkseigener Verlag Berlin 1972
