Lata Mangeshkar

Lata Mangeshkar

Nome orixinal	(mr) लता मंगेशकर
Biografía
Nacemento	28 de setembro de 1929 Indore (Raj Británico)
Morte	6 de febreiro de 2022 (92 anos) Bombai, India
Causa da morte	síndrome de disfunción multiorgánica
Membro do Rajya Sabha
22 de novembro de 1999 – 21 de novembro de 2005
Datos persoais
Relixión	Hinduísmo
Actividade
Ocupación	cantante, compositora de bandas sonoras, actriz de cinema, produtora
Período de actividade	1942 - 2022
Xénero artístico	World music, filmi music (en) , música clássica indiana (pt) , Hindustani classical music (en) e bhajan (en)
Instrumento	Voz
Familia
Familia	Familia Mangeshkar
Cónxuxe	sen valor
Pai	Deenanath Mangeshkar
Irmáns	Hridaynath Mangeshkar Usha Mangeshkar Meena Khadikar Asha Bhosle
Premios
(2007)  Cabaleiro da Lexión de Honra (2001)  Bharat Ratna (1999)  Padma Vibhushan (1997)  premio Maharashtra Bhushan (1990)  Premio National Film á mellor actuación feminina en playback (1989)  Premio Dadasaheb Phalke (1974)  Premio National Film á mellor actuación feminina en playback (1972)  Premio National Film á mellor actuación feminina en playback (1969)  Premio Padma Bhushan  membro da Sangeet Natak Akademi  Premio IIFA a toda unha vida
Sinatura
Descrito pola fonte	Lata Mangeshkar, Bollywood’s Most Beloved Voice, Dies at 92 (en)

Lata Mangeshkar (marathi: लता मंगेशकर), nada en Indore o 28 de setembro de 1929 e finada en Mumbai o 6 de febreiro de 2022, foi unha cantante india, coñecida como dobradora musical nos filmes de Bollywood. Era a irmá máis vella dos tamén cantantes Asha Bhosle, Hridaynath Mangeshkar, Usha Mangeshkar e Meena Khadikar.

Traxectoria

Adestrada dende os cinco anos de idade polo seu pai, o cantante clásico Deenanath Mangeshkar, iniciou a súa carreira en 1942. Tras sete décadas de carreira, cantou en máis de mil filmes en preto de vinte linguas da India, principalmente hindi e marathi. Por interpretar cancións tamén en bengalí e urdú é extremamente popular en Bangladesh e Paquistán. É célebre a anécdota sobre un xeneral paquistaní que, durante un acto diplomático con representantes indios, bromeou dicindo que estaría disposto a entregar os territorios en litixio de Azad Caxemira en troco de Lata.

Recibiu as máis altas condecoracións artísticas indias, entre elas o premio Bharat Ratna, e apareceu no Libro Guinness dos Récords dende 1974 a 1991 como a cantante máis gravada do mundo.

Ademais de produtora dos filmes Vaadal (1953), Jhaanjhar (1953), Kanchan (1955) e Lekin (1990), tamén exerceu ocasionalmente como directora musical. A finais da década de 1960 compuxo a música de varios filmes en marathi co pseudónimo Anand Ghan.

Influencia

Freddie Mercury, fundador e voz principal da banda Queen, mencionouna como unha das súas grandes influencias. O produtor Dr Dre tivo que pagar 2 millóns de dólares a Lata Mangeshkar pola utilización en 2002 dun extracto da canción Kaliyon Ka Chaman Thoda Resham Lagta Hai (do filme Jyoti) na canción Addictive de Shari Watson.

Véxase tamén

Bibliografía

• Bichu, Dr. Mandar (2011). Lata — Voice of the Golden Era. Popular Prakashan. ISBN 978-81-7991-625-4. 
• Bhimani, Harish (1995). In search of Lata Mangeshkar. Indus. ISBN 978-81-7223-170-5. 
• Bharatan, Raju (1995). Lata Mangeshkar: A Biography. UBS Publishers Distributors. ISBN 978-81-7476-023-4. 
• Kabir, Nasreen Munni (2009). Lata Mangeshkar: In Her Own Voice. Niyogi Books. ISBN 978-81-89738-41-9. 
• Lata, Mangeshkar (1995). Madhuvanti Sapre; Dinkar Gangal, eds. In search of Lata Mangeshkar (en marathi). Harper Collins/Indus. ISBN 978-81-7223-170-5. . Colección de artigos escritos por Lata Mangeshkar dende 1952.
• Nerurkar, Vishwas. Lata Mangeshkar Gandhar Swaryatra (1945-1989) (en hindi). Mumbai: Vasanti P. Nerukar. .
• Bichhu, Mandar V. (1996). Gaaye Lata, Gaaye Lata (en hindi). Sharjah: Pallavi Prakashan. ISBN 978-81-7223-170-5. . Colección de artigos escritor por Lata Mangeshkar dende 1952.