Joe Dumars
Joe Dumars III, nado o 24 de maio de 1963 en Shreveport, Luisiana, foi un xogador profesional de baloncesto estadounidense que despuntou na década dos 90. Na actualidade é o Presidente de Operacións dos Detroit Pistons. Formou, xunto a Isiah Thomas, unha das mellores parellas base-escolta da historia da NBA.
Traxectoria deportiva
[editar | editar a fonte]Universidade
[editar | editar a fonte]A súa traxectoria colexial transcorreu na pouco coñecida Universidade de McNeese State, entre 1981 e 1985. Nese período acumulou unhas estatísticas de 22,5 puntos e 4,2 rebotes.
Foi elixido no Draft da NBA de 1985 polos Detroit Pistons, na décimo oitava posición da primeira rolda. Toda a súa carreira profesional transcorreu na cidade de Míchigan. Coa súa escasa estatura (1,91 m), converteuse nun dos mellores escoltas anotadores da súa época. Destacou tamén pola súa extraordinaria faceta defensiva, sendo elixido en catro ocasións no mellor quinteto da liga nese aspecto do xogo. Pertenceu, xunto a outros ilustres compañeiros como Isiah Thomas ou Bill Laimbeer, aos denominados "Bad Boys" (mozos malos), denominación que se atribuíu aos compoñentes dos Pistons pola súa brusca maneira de interpretar o xogo.
Gañou dous aneis de campión da NBA, nos anos 1989 e 1990, arrasando aos Lakers no primeiro (onde foi nomeado MVP das Finais) e facendo o propio cos Portland Trail Blazers no segundo.
Equipos
[editar | editar a fonte]- Detroit Pistons (1985-1999)
- Selección de Estados Unidos (ouro no mundial de 1994)
Logros persoais
[editar | editar a fonte]- 6 veces All Star
- Elixido no mellor quinteto de rookies en 1986.
- Elixido no mellor quinteto defensivo da NBA en catro ocasións.
- Membro do Basketball Hall of Fame dende 2006.
