Herófilo

Herófilo
	;
Nome orixinal	(grc) Ἡρόφιλος
Biografía
Nacemento	335 a. C. ; Calcedônia, Turquía (pt)
Morte	280 a. C. (54/55 anos); Alexandría, Exipto
Actividade
Ocupación	médico, xinecólogo, anatomista
Período de tempo	Antigüidade clásica
Profesores	Praxagoras (en)
Descrito pola fonte	Real'nyj slovar' klassicheskih drevnostej po Ljubkeru (en) ; Dicionario Enciclopédico Brockhaus e Efron; Grande Enciclopedia Soviética (1926—1947)

Herófilo de Calcedonia, nado en Bitinia no ano 335 a. C. e finado no 280 a. C., foi un médico grego da Escola de Alexandría.

Traxectoria

Aínda que ás veces se trasladou o inicio das diseccións de cadáveres humanos ao Renacemento, esta práctica iniciouse na Escola de Alexandría no século III a. C. Herófilo foi o primeiro en facer diseccións anatómicas en público, iniciando esta práctica médica xunto a Erasístrato de Ceos. Tamén practicou viviseccións en criminais e escravos condenados a morte.

Realizou descubrimentos acerca da disposición dos vasos do cerebro, levando actualmente por nome prensa de Herófilo, o confluente venoso posterior do cerebro. Constatou a sincronía do pulso cos latidos do corazón e afirmou que a intelixencia non se encontraba neste, senón no cerebro.

Herófilo estudou o encéfalo mediante diseccións (en cadáveres) e viviseccións (en persoas vivas) e investigacións en animais, describindo as meninxes, os plexos coroides, o cuarto ventrículo e a confluencia dos seos cerebrais.

Obra

A súa obra, así como a do seu contemporáneo Erasístrato de Ceos desapareceu completamente coa destrución de Alexandría por Xulio César. O seu coñecemento obtémolo a través de citas de autores posteriores, en especial, de Galeno.