Gran Premio do Brasil de 1996
Nome oficial | XXV Grande Prêmio do Brasil ![]() |
---|---|
Tipo | Gran Premio do Brasil ![]() |
Deporte | automobilismo ![]() |
Parte de | Campionato Mundial de Fórmula 1 de 1996 ![]() |
Distancia do evento | 71 ![]() |
Localización e Datas | |
Localización | Autódromo José Carlos Pace (Cidade Dutra) 23°42′04″S 46°41′50″O / -23.701111111111, -46.697222222222Coordenadas: 23°42′04″S 46°41′50″O / -23.701111111111, -46.697222222222 ![]() |
Lonxitude | 4,309 km ![]() |
País | Brasil ![]() |
Data | 31 de marzo de 1996 ![]() |
Competición | |
Primeiro posto | Damon Hill ![]() |
Pole position | Damon Hill ![]() |
Volta máis rápida | Damon Hill ![]() |
O Gran Premio do Brasil de 1996 foi unha carreira de Fórmula 1 disputada o 31 de marzo de 1996 no Autódromo José Carlos Pace, São Paulo, Brasil baixo a choiva. Seis equipos diferentes obtiveron puntos, con Damon Hill repetindo vitoria logo da primeira rolda da tempada.
A dous pilotos locais, Marques e Diniz, anuláronlle os seus tempos de cualificación, respectivamente, un por se empurrado para arrincar e o outro por non pasar a pesaxe. Tiveron que comezar no fondo da grella.
Johnny Herbert comezou desde o pit lane logo de cambiar ao coche de reserva debido a problemas eléctricos.
Damon Hill, que gostaba de conducir baixo a choiva, tomou o liderado e gañou a carreira baixo estas difíciles condicións cunha cómoda marxe de 17 segundos. São Paulo viu a 15ª vitoria nun GP de Damon Hill e superou o récord establecido polo seu pai Graham Hill, que gañou 14 carreiras.
As principais batallas na carreira seguían entre Barrichello e Alesi, Alesi e Villeneuve, Schumacher e Frentzen e Schumacher e Barrichello.
Barrichello, quen clasificou segundo, perdeu terreo con Villeneuve e Alesi na primeira volta, pero mantívose pegado á parte traseira do Benetton e intentou superar a Alesi tres veces nas primeiras etapas da carreira, superouno na primeira curva pero tivo que abrirse na saída deixando que Alesi recuperase o posto.
Ao cabo dun tempo, Alesi recuperouse e comezou a atacar a Villeneuve polo 2º lugar. Despois dunha dura batalla, Villeneuve eventualmente sucumbiu á presión e trompeou. Aproximándose a media distancia, Alesi fixo unha breve excursión fóra da pista que permitiu finalmente a Barrichello ocupar o segundo lugar. Desafortunadamente para o brasileiro, tivo que facer o que se supoñía a que era a súa única parada de combustible na volta 35, cando a pista aínda estaba moi mollada para cambiar a pneumáticos lisos. Alesi, por outra banda, non tivo que entrar a boxes ata a volta 42, momento no que a pista estaba suficientemente seca para cambiar aos pneumáticos lisos. Isto forzou a Barrichello a facer unha parada non programada para cambiar a slicks, quedando por atrás de Alesi.
Para agravar a súa desgraza, Barrichello fixo o cambio demasiado tarde, tres voltas máis tarde que Schumacher, o que significou que tamén caeu detrás do alemán cando finalmente fixo a súa parada. Cun coche claramente máis rápido, Barrichello comezou a acosar a Schumacher polo último posto do podio. Con todo, o alemán non cedeu e, eventualmente, freou demasiado tarde e trompeou na grava ao final da recta posterior.
Con pouco tempo entre Melbourne e São Paulo, o Ferrari aínda estaba subdesenvolvido e Schumacher non mostrou o rendemento que posteriormente demostraría en Barcelona, por exemplo. Nos seus primeiros días en Ferrari, Schumacher usou as carreiras como sesións de proba.
Gerhard Berger tivo que estacionar o seu Benetton nos boxes despois de 27 voltas. O austríaco tivo dificultades durante a cualificación que non puido explicar. Como a carreira comezou baixo a chuvia, Berger tivo que conducir con coidado porque nunca antes pilotara o Benetton baixo a choiva. Non demasiado insatisfeito co seu rendemento, Berger experimentou cortes debido a problemas hidráulicos que empeoraron e finalmente forzaron ao coche a retirarse.
Tanto Martin Brundle como David Coulthard non chegaron á meta nas dúas primeiras carreiras desta tempada.
Clasificación
[editar | editar a fonte]Cualificación
[editar | editar a fonte]Carreira
[editar | editar a fonte]Notas
[editar | editar a fonte]- Líderes por volta: Damon Hill 68 (1-39, 43-71), Jean Alesi 3 (40-42)
- Primeira saída: Tarso Marques
Posicións logo da carreira
[editar | editar a fonte]
|
|
- Nota: Só están incluídos os cinco primeiros postos en ambos os grupos de clasificación.
Notas
[editar | editar a fonte]- ↑ "1996 Brazilian Grand Prix". formula1.com. Arquivado dende o orixinal o 1 de novembro de 2014. Consultado o 24 de decembro de 2015.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Gran Premio do Brasil de 1996 |
Carreira anterior: Gran Premio de Australia de 1996 |
Campionato Mundial de Fórmula 1 da FIA Temporada 1996 |
Carreira seguinte: Gran Premio da Arxentina de 1996 |
Carreira anterior: Gran Premio do Brasil de 1995 |
Gran Premio do Brasil | Carreira seguinte: Gran Premio do Brasil de 1997 |