Genesis (grupo musical)
| Genesis | |
|---|---|
 Genesis en 2007 | |
| Orixe | Godalming, Surrey,  Inglaterra |
| Período | 1967 - 2000 2006 - 2007 2020 - presente |
| Xénero(s) | rock progresivo, art rock, pop rock, pop progresivo, soft rock |
| Selo(s) discográfico(s) | Charisma, Virgin, EMI, Decca, Virgin EMI, UMG, London, Atlantic, Atco, Vertigo, Concord, ABC |
| Membros | Tony Banks Mike Rutherford Phil Collins |
| Antigos membros | Peter Gabriel Steve Hackett Anthony Phillips Chris Stewart John Silver John Mayhew Mick Barnard Ray Wilson |
| Na rede | |
| genesis-music.com | |
                | |
Genesis é unha banda inglesa de rock progresivo formado no Charterhouse School, en Godalming, Surrey, no ano 1967. A formación máis exitosa do grupo estivo formada polo teclista Tony Banks, o baixista/guitarrista Mike Rutherford e o batería/vocalista Phil Collins. A formación dos anos 70, co vocalista Peter Gabriel e o guitarrista Steve Hackett, estivo entre as pioneiras do rock progresivo.
O grupo foi formado por cinco alumnos de Charterhouse, Banks, Rutherford, Gabriel, e Anthony Phillips, e bautizado polo antigo alumno da escola Jonathan King, quen conseguiu que gravasen varios sinxelos e o seu álbum de estrea From Genesis to Revelation en 1968.[1] Tras separarse de King, a banda comezou a xirar, fichou por Charisma Records e converteuse nun grupo de rock progresivo co álbum Trespass (1970). Tras a marcha de Phillips, Genesis recrutou a Collins e a Hackett e gravou Nursery Cryme (1971). Os seus concertos comezaron a mostrar os disfraces e interpretacións teatrais de Gabriel. Foxtrot (1972) foi o seu primeiro éxito no Reino Unido e Selling England by the Pound (1973) acadou o número 3 nese país, contando co seu primeiro sinxelo en entrar nas listas británicas, "I Know What I Like (In Your Wardrobe)". O álbum conceptual The Lamb Lies Down on Broadway (1974) foi promocionado cunha xira transatlántica e unha elaborada escenografía, antes de que Gabriel deixase o grupo.[1]
Collins asumiu as tarefas de vocalista principal, e o grupo publicou A Trick of the Tail e Wind & Wuthering (ámbolos dous en 1976) cun grande éxito. Hackett deixou Genesis en 1977, reducindo a banda a Banks, Rutherford, e Collins. O seu noveno álbum de estudio, ...And Then There Were Three... (1978), contén o primeiro grande éxito de Genesis, "Follow You Follow Me". Os seus seguintes cinco traballos tamén foron exitosos. Collins deixou Genesis en 1996, e Banks e Rutherford substituírono por Ray Wilson, que apareceu no seu derradeiro álbum, Calling All Stations (1997). O fracaso comercial do álbum levou a que a banda entrase en hiato. Banks, Rutherford e Collins reuníronse para a xira Turn It On Again Tour en 2007,[2] e novamente en 2021 para a The Last Domino? Tour.[3]
Con entre 100 e 150 millóns de álbums vendidos en todo o mundo, Genesis é un dos artistas musicais con máis vendas. A súa discografía inclúe 15 álbums de estudio e 6 álbums ao vivo. A banda gañou numerosos premios (incluído un Grammy a mellor video musical conceptual por "Land of Confusion") e inspirou a moitas bandas tributo que recrean os espectáculos de Genesis de varias etapas da súa carreira. En 2010, Genesis foi incluído no Salón da Fama do Rock and Roll.[4]
Discografía
[editar | editar a fonte]Álbums
[editar | editar a fonte]| Álbum | Ano | Selo |
|---|---|---|
| From Genesis to Revelation | 1969 | Decca Records |
| Trespass | 1970 | Charisma Records |
| Nursery Cryme | 1971 | Charisma Records |
| Foxtrot | 1972 | Charisma Records |
| Selling England by the Pound | 1973 | Charisma Records |
| The Lamb Lies Down on Broadway | 1974 | Charisma Records |
| A Trick of the Tail | 1976 | Charisma Records, Atco Records |
| Wind & Wuthering | 1976 | Charisma Records, Atco Records |
| ...And Then There Were Three... | 1978 | Charisma Records, Atlantic Records |
| Duke | 1980 | Charisma Records, Atlantic Records |
| Abacab | 1981 | Charisma Records, Atlantic Records |
| Genesis | 1985 | Charisma Records/Virgin Records, Atlantic Records |
| Invisible Touch | 1986 | Charisma Records/Virgin Records, Atlantic Records |
| We Can't Dance | 1991 | Virgin Records, Atlantic Records |
| Calling All Stations | 1997 | Virgin Records, Atlantic Records |
Notas
[editar | editar a fonte]- ↑ 1,0 1,1 "Genesis Biography, Songs, & Albums". AllMusic (en inglés). Consultado o 2022-12-01.
- ↑ Greene, Andy (2021-09-21). "Genesis 'Turn It on Again' at Emotional Reunion Tour Launch in Birmingham". Rolling Stone (en inglés). Consultado o 2022-12-01.
- ↑ "Genesis News Com [it]: Genesis - The Last Domino? Tour 2021 / 2022 - all dates". www.genesis-news.com. Consultado o 2022-12-01.
- ↑ "Genesis". www.rockhall.com. Consultado o 2022-12-01.
