Eugène de Beauharnais

Eugène de Beauharnais
	;
Biografía
Nacemento	3 de setembro de 1781 ; París, Francia
Morte	21 de febreiro de 1824 (42 anos); Múnic, Alemaña
Causa da morte	ictus
Lugar de sepultura	Igreja de São Miguel (pt)
Membro do Senado Conservador
Par de Francia
Duque de Leuchtenberg (pt)
	; Nomeado por: Maximiliano I José da Baviera (pt)
Datos persoais
Relixión	Igrexa católica
Educación	Irish College in Paris (en)
Actividade
Lugar de traballo	Múnic (1814–1824); Milán ; París
Ocupación	político, militar, oficial, coleccionista de arte
Membro de	Academia de Ciencias de Baviera
Carreira militar
Rama militar	Cabalaría e Infantaría
Rango militar	Xeneral
Comandante de (OBSOLETO)	Chasseurs à Cheval de la Garde Impériale (en) , 4th Army Corps (en) e IV Corps (en)
Conflito	Guerras napoleónicas ; Campaigns of 1796 in the French Revolutionary Wars (en) ; Campaña francesa en Exipto e Siria ; Batalha de Marengo (pt) ; Battle of Piave River (en) ; Battle of Raab (en) ; Batalla de Wagram ; Batalha de Borodino (pt)
Obra
	Obras destacables (1817) Leuchtenberg Gallery (en) ;
Arquivos en	Servizo Histórico de Defensa [ GR 8 YD 996] ;
Outro
Título	Príncipe
Familia	Casa de Beauharnais (pt)
Cónxuxe	Augusta da Baviera (1806–1824)
Parella	Louise Jeanne Nicole Arnolde Denis de Kereden de Tobriand de Masa y Leunda y Aristiguieta
Fillos	Fanny Denis de Kereden de Tobriand; () Louise Jeanne Nicole Arnolde Denis de Kereden de Tobriand de Masa y Leunda y Aristiguieta; Pierre Louis Marie Auguste Denis de Lagarde, fillo ilexítimo; () Louise Jeanne Nicole Arnolde Denis de Kereden de Tobriand de Masa y Leunda y Aristiguieta; Xosefina de Leuchtenberg; () Augusta da Baviera; Eugênia de Leuchtenberg; () Augusta da Baviera; Augusto de Beauharnais; () Augusta da Baviera; Amelia de Leuchtenberg; () Augusta da Baviera; Théodolinda von Urach; () Augusta da Baviera; Carolina Clotilde de Beauharnais; () Augusta da Baviera; Maximiliano de Beauharnais; () Augusta da Baviera
Pais	Alexandre de Beauharnais e Xosefina de Beauharnais
Irmáns	Napoleón II de Francia; Estefânia de Beauharnais; Émilie Pellapra; Hortensia de Beauharnais; Jules Barthélemy-Saint-Hilaire; Charles Léon; Alexandre Colonna Walewski; Eugen Megerle von Mühlfeld
Parentes	Napoleón I de Francia, pai adoptivo
Premios
	Gran Cruz da Lexión de Honra; Ordem da Espada (pt) ; Real Orde dos Serafíns; Orde da Coroa de Ferro; Orde de Santo Estevo de Hungría; comandante da Lexión de Honra; Ordem da Coroa de Arruda (pt) ; Order of Saint Hubert (en) ; Order of the Crown (en) ; Cabaleiro da Orde do Vélaro de Ouro; Nomes inscritos no Arco do Triunfo (pt) ; Cabaleiro da Lexión de Honra ;
	Sinatura
Descrito pola fonte	Enciclopedia militar Sytin; Dicionario Enciclopédico Brockhaus e Efron; Allgemeine Deutsche Biographie

Eugène Rose de Beauharnais, nado en París o 3 de setembro de 1781, e finado en Múnic o 21 de febreiro de 1824, foi o primoxénito do matrimonio entre Alexandre, vizconde de Beauharnais e Xosefina Tascher de la Pagerie.

Fillo adoptivo de Napoleón despois da execución do seu pai, en 1805. Cando o emperador asumiu o Reino de Italia nomeouno o seu vicerrei.

Foi un dos máis leais e talentosos dos subordinados de Napoleón, que o nomeou xeneral en xefe. Mandou o IV Corpo do Exército durante a campaña de Rusia. Durante o inverno de 1812-1813, despois da saída de Napoleón para París, e da fuxida de Murat foi o príncipe Eugène quen mantén con moita habilidade e audacia estratéxica os restos da Grande Armée até a reunión coas novas tropas en Saxonia, a pesar dos intentos dos rusos e dos seus novos aliados prusianos.

Traxectoria

Naceu en París, Francia o 3 de setembro de 1781, sendo os seus pais o vizconde Alexandre de Beauharnais e a súa esposa, a crioula da Martinica Xosefina Tascher de la Pagerie.

A finais de 1783 a súa nai sepárase do seu esposo e pouco despois regresa ao Caribe, onde pon orde na economía familiar en medio da sublevación dos escravos de 1791 e da Revolución francesa. De regreso en París, chega xusto na caída do Antigo Réxime e a instauración da Primeira República Francesa. Grazas ás súas conexións sociais coñece a Napoleón Bonaparte, con que casa en 1796, dous anos despois de que o seu primeiro esposo falecera baixo a guillotina.

Napoleón afillou a Eugéne que, en 1804, foi nomeado de forma oficial membro da familia imperial como a Súa Alteza Imperial, Eugène de Beauharnais, príncipe de Francia.

En 1805 engadiu o de vicerrei de Italia aos seus títulos nobiliarios.

O 14 de xaneiro de 1806 casou en Múnic coa princesa Augusta de Baviera, primoxénita do rei Maximiliano I.

En 1807 foi nomeado príncipe de Venecia. No mesmo ano, seu sogro converteuno en duque de Leuchtenberg.

En 1810 Napoleón nomeouno herdeiro do Gran Ducado de Frankfurt e, tecnicamente, sucedeu ao gran duque-arcebispo Karl Theodor von Dalberg cando este abdicou en 1813, aínda que este posto foi puramente teórico, xa que a abdicación do antigo gran duque se debeu á inminente conquista do Ducado polos exércitos aliados.

Matrimonio e descendencia

Do seu matrimonio coa princesa Augusta de Baviera (1788-1852) naceron os seguintes fillos:

Princesa Xosefina de Leuchtenberg (1807-1876), que foi raíña consorte de Óscar I de Suecia e Noruega, fillo dun antigo amor de Napoleón, Desideria Clary e do seu marido o mariscal Bernadotte. Estes accederon ao trono en 1818, como Carlos XIV Xoán de Suecia e Carlos III Xoán de Noruega e raíña Desideria; ao falecemento do rei sucedeu Óscar I.
Hortensia Augusta de Beauharnais (1808-1847).
Augusto Carlos Euxenio Napoleón de Beauharnais, casado coa raíña María II de Portugal.
Amelia Augusta Euxenia Napoleona de Beauharnais, casada con Pedro I do Brasil (pai de María II de Portugal). Foi emperatriz consorte do Brasil.
Teodelinda Luísa Euxenia Augusta Napoleona de Beauharnais (1814-1857), casada en 1841 co duque Guillerme I de Urach.
Carolina Clotilde de Beauharnais (1816).
Maximiliano Xosé Euxenio Augusto Napoleón de Beauharnais (1817-1852), casado con María Nikolaievna, gran duquesa de Rusia, filla do tsar Nicolao I de Rusia.

Antepasados

Antepasados de Eugène de Beauharnais

Predecesor: Nova creación	Vicerrei de Italia 5 de xuño de 1805 - 11 de abril de 1814	Sucesor: Cargo abolido
Predecesor: Nova creación	Duque de Leuchtenberg 14 de novembro de 1817 - 21 de febreiro de 1824	Sucesor: Augusto de Beauharnais

Véxase tamén

Bibliografía

Jean Autin (2003): Eugène de Beauharnais: de Joséphine à Napoléon. París: Perrin, 7ª ed. (1ª ed. 1989). ISBN 978-2-2620-2007-1.
Jean-Claude Fauveau (2010): Joséphine l'impératrice créole. L'esclavage aux Antilles et la traite pendant la Révolution française. París: Editions l'Harmattan. ISBN 978-2-296-11293-3.

Outros artigos

Ligazóns externas