Escudo de Venezuela
Escudo de Venezuela | |
---|---|
![]() | |
Versións | |
![]() 1954-2006 | |
Detalles | |
Armiger | Venezuela |
Adoptado | 20 de abril de 1836 12 de marzo de 2006 (versión actual) |
Crista | Cornucopia |
![](http://upload.wikimedia.org/wikipedia/commons/thumb/5/5d/El_Nacional%2C_12_marzo_2006.jpg/330px-El_Nacional%2C_12_marzo_2006.jpg)
O escudo de armas de Venezuela é un dos símbolos nacionais do país, xunto coa bandeira e o himno,[1] e foi aprobado por primeira vez polo Congreso o 18 de abril de 1836, con pequenas modificacións a través da historia ata a versión actual. O escudo de armas foi estabelecido polo presidente Marcos Pérez Jiménez de acordo coa lei do 17 de febreiro de 1954, que estabelecía tamén a bandeira e o escudo. O 12 de marzo de 2006 o goberno do presidente Hugo Chávez, por medio da Asemblea Nacional Venezolana, reformou parcialmente a Lei da Bandeira, o Escudo e o Himno Nacinoais, publicada no número 38.394 da Gaceta Oficial.
O heraldista Fabio Cassani Pironti, encargado pola Asemblea Nacional, asumiu a reforma do escudo de armas nacional.[2]
Leva as cores da bandeira nacional nos tres cuarteis nos que se divide: o primeiro, de goles, contén un feixe de trigo de ouro como símbolo da unión e da riquesa da Nación; ten tantas espigas como estados hai na República. No segundo cuartel, de ouro, como emblema do triunfo nas guerras, hai un conxunto de armas (unha espada, un sabre e tres lanzas; ultimamente engadiuse un machete, un arco e unha frecha) e dúas bandeiras nacionais entrelazadas por unha coroa de loureiro. No terceiro cuartel, de azur, hai un cabalo indómito en prata, emblema da independencia e da liberdade; no escudo actual o cabalo galopa cara á esquerda e mira cara a adiante, a diferenza do escudo precedente, no que galopaba cara á dereita e tiña a testa mirando cara a atrás.
Enriba do escudo hai dúas cornucopias ou cornos da abundancia atravesadas, que evocan a súa riqueza. Franqueando o escudo, unha póla de loureiro e unha palma, ligadas cunha cinta que representa a bandeira tricolor venezolana, enriba da franxa azul central aparecen as seguintes inscricións en letras maiúscules douradas:
- 19 de abril de 1810 / Independencia
- 20 de febrero de 1859 / Federación
- República Bolivariana de Venezuela (antes, República de Venezuela)
Escudos históricos
[editar | editar a fonte]![]() |
![]() |
![]() |
![]() |
Estado de Venezuela | Estados Unidos de Venezuela | República de Venezuela | República Bolivariana de Venezuela |
1830 - 1864 | 1864 - 1954 | 1954 - 2006 | 2006 - presente |
Notas
[editar | editar a fonte]- ↑ "Evolución Histórica del Escudo Nacional de Venezuela". Arquivado dende o orixinal o 05 de decembro de 2012. Consultado o 22 de agosto de 2012.
- ↑ El Nacional, 12/03/2006.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Escudo de Venezuela ![]() |
Outros artigos
[editar | editar a fonte]Ligazóns externas
[editar | editar a fonte]- Ley de Bandera, Escudo e Himno Nacionales - Lei da Bandeira, o Escudo e o Himno Nacionais. (en castelán)
- La octava estrella de Bolívar - As oito estrelas de Bolívar. (en castelán)