Auditorio de Tenerife

Auditorio de Tenerife
Auditorio de Tenerife
	Auditorio de Tenerife
Cidade	Santa Cruz de Tenerife
País	España
Inauguración	2003
Na rede
	http://www.auditoriodetenerife.com
	[ editar datos en Wikidata ]

O Auditorio de Tenerife "Adán Martín" é unha construción civil para eventos culturais, situada na Avenida da Constitución de Santa Cruz de Tenerife, nas Illas Canarias, á beira do océano Atlántico na zona sur do peirao da cidade.

Historia e características

Foi deseñado polo arquitecto Santiago Calatrava Valls. A construción comezou en 1997 e rematou en 2003, e foi inaugurado o 26 de setembro deste ano coa presenza de Filipe de Borbón, Príncipe de Asturias; tamén foi visitado en 2005 polo expresidente dos EUA, Bill Clinton. O edificio insírese nos principios da arquitectura modernista tardía do século XX. A súa sala principal ten capacidade para 1.616 persoas.

O seu perfil moderno fixo que o Cabido de Tenerife^[1]^[2] o considere un dos símbolos máis destacados da cidade de Santa Cruz e na illa de Tenerife. En marzo de 2008, o Servizo Postal emitiu seis selos para recoller as obras máis emblemáticas da arquitectura española e incluíu o auditorio debido á súa singularidade.^[3] É o edificio máis moderno nas Illas Canarias e unha das atraccións de Tenerife.