Adidas
Adidas | |
---|---|
![]() | |
![]() ![]() | |
Tipo | Aktiengesellschaft |
Fundación | 1924 |
Localización | Herzogenaurach, Alemaña ![]() |
Fundador | Adolf Dassler |
Industria | artigos deportivos |
Número de empregados | 42 540 (2010)[1] |
Na rede | |
https://adidas-group.com | |
![]() ![]() ![]() ![]() ![]() ![]() ![]() | |
[ editar datos en Wikidata ] |
Adidas é unha compañía multinacional alemá de artigos deportivos, cuxa sede central se atopa en Herzogenaurach, Baviera. As tres liñas paralelas son o selo distintivo da compañía de vestiario e calzado. Os produtos de perfumaría e de coidado persoal de adidas, son manufacturados por Coty, Inc., baixo licenza mundial.
Historia
[editar | editar a fonte]![](http://upload.wikimedia.org/wikipedia/commons/thumb/0/06/Adidas-factory-outlet-Herzogenaurach.jpg/300px-Adidas-factory-outlet-Herzogenaurach.jpg)
A empresa orixinalmente chamada "Gebrüder Dassler Schuhfabrik" foi fundada por Adolf (Adi) Dassler , nos comezos da década de 1920 xunto coa axuda do seu irmán Rudolf Dassler, quen por diferenzas persoais con Adolf Dassler fundou PUMA AG en 1948. Como consecuencia do anterior, Adolf Dassler tomou o control da empresa e decidiu rebautizar a firma como "adidas", a cal foi rexistrada legalmente o 18 de agosto de 1949, baixo o nome de Adidas AG. O nome da empresa procede do nome do seu fundador, "Adi" é o diminutivo de Adolf, e "das" a primeira sílaba do apelido».
A partir dese momento, Adolf Dassler tivo como prioridade o que a súa firma levase a batuta a través dunha estreita relación co mundo deportivo nas súas variadas disciplinas co obxectivo de desenvolver mellores produtos; ao mesmo tempo foi pioneiro en usar ás máximas estrelas deportivas para publicitar os seus produtos. Xunto ao seu fillo Horst, logrou crear un imperio que tivo o seu apoxeo até finais dos 80.
En 1987, Horst Dassler, quen tomou as rendas da empresa tras a morte do seu pai, morre á idade de 51 anos. Con este acontecemento, a firma atravesou polo seu período máis crítico, marcado principalmente pola intensa competencia, especialmente da firma estadounidense *Nike e pola administración de Bernard Tapie, caracterizada polos escándalos financeiros.
A compañía foi comprada en 1990 por Bernard Tapie, por 1,6 billóns de Francos (actualmente 243,918 millóns Euro), que Tapie pediu prestados. Tapie era entón un famoso especialista en rescatar empresas en bancarrota, un negocio co cal formou a súa fortuna persoal. Con todo, en 1992, Tapie declarouse en bancarrota; o banco Crédit Lyonnais quedou a cargo da venda da empresa, a cal foi vendida finalmente a Robert Louis-Dreyfus, amigo de Bernard Tapie e primo da actriz Julia Louis-Dreyfus (da coñecida serie estadounidense Seinfeld). Louis-Dreyfus era até ese momento presidente do equipo de fútbol Olympique de Marseille, equipo polo cal Tapie tiña unha relación moi próxima.
Como CEO da empresa, Robert Louis-Dreyfus logra reestruturar a compañía, Logrando co tempo situarse fronte á dura competencia de marcas como Nike, Reebok ou PUMA.
En 1997, Adidas AG adquiriu ao fabricante francés de equipos de esquí Salomon Group, cambiando o seu nome corporativo a Adidas-Salomon AG.
No ano 2001, Herbert Hainer asume o cargo de CEO da empresa.
![](http://upload.wikimedia.org/wikipedia/commons/thumb/1/1a/Adidas_Response_Trail_16.jpg/220px-Adidas_Response_Trail_16.jpg)
En setembro do ano 2004, adidas recrutou á deseñadora británica Stella Mc Cartney, alianza na que a marca se achega á alta costura coa liña "Adidas by Stella Mc Cartney".
Ese mesmo ano lanzouse a primeira zapatilla deportiva con microprocesador, a Adidas 1, froito de máis de 20 anos de desenvolvemento.
O 3 de maio de 2005, Adidas anunciou publicamente a venda da compañía Salomon Group, por 485 000 000 Euro á compañía Amer Sports de Finlandia.
En agosto de 2005, Adidas declarou a súa intención de comprar ao seu rival inglés Reebok por 3800 millóns USD $. Tras levar a cabo a operación, a compra de Reebok permite reforzar a posición da compañía en Estados Unidos e achegarse máis ao líder mundial, Nike.
O 11 de abril de 2006, Adidas anunciou un acordo por once anos, para ser provedor de vestiario oficial da NBA.
Tamén asino un contrato con distintos xogadores famosos da NBA entre os máis destacados Kevin Garnett, Tim Duncan e Tracy McGrady, ademais de patrocinar durante anos a Kobe Bryant.
Datos financeiros seleccionados
[editar | editar a fonte]Datos financeiros en milións de euros | |||||
Ano | 2002 | 2003 | 2004 | 2005 | 2006 |
---|---|---|---|---|---|
Importe neto da cifra de negocios | 6 523 | 6 266 | 6 478 | 6 636 | 10 084 |
OIBDA | 532 | 627 | 725 | 818 | 1 098 |
Resultado Neto | 208 | 260 | 314 | 382 | 483 |
Débeda | 1 498 | 946 | 594 | -551 | 2 231 |
- FONTE:OpesC
Provedor
[editar | editar a fonte]Desde 1970, Adidas é o patrocinador, provedor e titular oficial da Copa Mundial de Fútbol. Neste evento, adidas encárgase de prover os balóns de fútbol e a vestimenta dos árbitros, árbitros asistentes, e recollepelotas. O 19 de xaneiro de 2005, Adidas Group anunciou unha extensión da sociedade entre a compañía téxtil e a FIFA, gañando os dereitos do evento do 2010 e do 2014.
Produtos
[editar | editar a fonte]Balóns
[editar | editar a fonte]Adidas na cultura popular
[editar | editar a fonte]A marca tivo unha estreita relación coa cultura popular contemporánea. En 1986, o grupo de hip-hop Run DMC, foi contratado por Adidas para promocionar a súa liña de roupa de rúa. En 1996, a banda de nu metal Korn lanzou un sinxelo titulado A.D.I.D.A.S. e actualmente o astro do pop británico Robbie Williams asinou un acordo con Adidas para promocionala co álbum Rudebox. Ademais o cantante e líder do grupo británico Jamiroquai, Jay Kay, caracterízase por calzar zapatillas e vestir vestimentas deportivas da marca alemá. A marca na Arxentina encargouse de vestir a actores como Nicolás Caberei e Benjamín Rojas.
Notas
[editar | editar a fonte]- ↑ "Informe anual (2010)" (PDF) (en inglés). Arquivado dende o orixinal (PDF) o 16 de maio de 2011. Consultado o 16 de maio de 2011.
Véxase tamén
[editar | editar a fonte]Ligazóns externas
[editar | editar a fonte]![]() |
Commons ten máis contidos multimedia sobre: Adidas |
- Adidas Group (en inglés)
- Sitio web de Adidas (en castelán)