3 Doors Down

3 Doors Down
Orixe	Escatawpa, Mississippi,
Período	1996 - presente
Xénero(s)	Post-grunge, rock alternativo
Selo(s) discográfico(s)	Universal Republic
Membros	Brad Arnold; Matt Roberts; Todd Harrell; Chris Henderson; Greg Upchurch
Antigos membros	Richard Liles; Daniel Adair
Artistas relacionados	Puddle of Mudd, Nickelback, Shinedown
Na rede
	3doorsdown.com

3 Doors Down é unha banda de hard rock estadounidense procedente de Escatawpa, Mississippi, formada en 1996. A banda está composta por Brad Arnold (voces), Matt Roberts (guitarra/voces), Todd Harrell (baixo), Chris Henderson (guitarra) e Greg Upchurch (batería/percusión).

A banda fíxose coñecida co seu primeiro sinxelo, "Kryptonite", que foi top 3 na lista Billboard Hot 100. O grupo entón asinou un contrato con Republic Records e editou o seu álbum de estrea, The Better Life, no ano 2000. O disco foi o 11 máis vendido do ano e foi certificado 6 veces platino nos Estados Unidos. O seu segundo traballo, Away from the Sun (2002), continuou co éxito da banda; estreouse no número 8 da iBillboard 200 e foi multi-platino nos Estados Unidos como o seu predecesor. A este lanzamento seguiulle unha extensiva xira de dous anos antes de editar o terceiro álbum, Seventeen Days, no 2005. Este estreouse no número 1 da Billboard 200. O cuarto traballo, 3 Doors Down, tamén se estreou no número 1 Billboard 200.

A banda adoita a dar máis de 300 concertos por ano e ten actuado con outros artistas como Lynyrd Skynyrd, Megadeth, Staind, Nickelback, Alter Bridge, Breaking Benjamin, Seether, Shinedown, Hinder ou Daughtry. Dende o comezo da súa carreira, 3 Doors Down leva vendidos ao redor de 16 millóns de álbums en todo o mundo.

Discografía

The Better Life - 2000 (Republic Records)
Away from the Sun - 2002 (Universal Records)
Seventeen Days - 2005 (Universal Records)
3 Doors Down - 2008 (Universal Republic Records)
Time of My Life - 2011 (Universal Republic Records)
Us and the Night - 2016 (Republic Records)

Véxase tamén

Ligazóns externas

Páxina oficial (en inglés)