.357 Magnum
![](http://upload.wikimedia.org/wikipedia/commons/thumb/3/3b/357_Magnum.jpg/250px-357_Magnum.jpg)
O .357 Magnum é un calibre para revólver, creado pola empresa de armas Smith&Wesson en 1934 e baseado nun anterior, o .38 Special. Desde a súa creación difundiuse amplamente o seu uso.
A diferenza entre unha bala disparada do .38 e outra de .357 (malia a diferenza do nome miden o mesmo) é que, mentres a .38 viaxa a 250 m/s, a Magnum faino 400, co drástico aumento de poder de detención e capacidade de perforación que iso implica.
Deseño
[editar | editar a fonte]Este calibre foi deseñado para a policía, a autodefensa e a cacería. O obxectivo da súa creación foi facer unha bala de profunda penetración, traxectoria plana, e longo alcance efectivo.
É excelente para a autodefensa polo seu alto poder de parada, que pode deter dun disparo animais superiores en tamaño ó home. Mesmo pode matar a un cervo dun disparo certeiro a curta distancia.
Outra vantaxe dos revólveres .357 Magnum é a posibilidade de usar cartuchos .38 Special, porque as balas e vainas dos dous calibres son do mesmo diámetro. Porén, os revólveres deseñados para o calibre .38 special non poden utilizar o .357 Magnum, debido ás menores dimensións do barrilete. Malia todo, a súa potencia é inferior ó resto dos calibres Magnum, como o .41 Magnum, .44 Magnum e .454 Casull.
![](http://upload.wikimedia.org/wikipedia/commons/7/77/357mag.jpg)
Este calibre iniciou a era das municións para pistola con balas de alta velocidade.
O calibre .357 Magnum non debe confundirse co .357 SIG, deseñado para as pistolas semiatumáticas e de menor potencia que o Magnum.
Balística
[editar | editar a fonte]A bala pesa 8.1 g, ten camisa HP, velocidade inicial de 440 m/s e potencia inicial de 790 J.
Pero tamén existe outra versión deste calibre cunha bala de 10,2 g, tamén de camisa HP, velocidade inicial de 375 m/s e potencia inicial de 725 J.
Sinónimos
[editar | editar a fonte]- .357
- .357 Mag.
- .357 S&W Magnum
- .357 Mangle'em (modismo estadounidense)
- 9x33mmR (nomenclatura europea)
Véxase tamén
[editar | editar a fonte]![]() |
Commons ten máis contidos multimedia sobre: .357 Magnum |
Ligazóns externas
[editar | editar a fonte]- Guía de recoñecemento de armas de Nazarian's Gun's Arquivado 28 de setembro de 2007 en Wayback Machine. (en inglés)
- 357 Magnum en uso (en inglés)